ما يشووووف شر يا الطيبة .. الله يشفيه ويعافيه ,,,
أنا أبني عمره تقريباً 3 سنوات ومن بعد ولادته وما زال .. إذا بكاء بقوة أو طاح يبكي وبعد كذا يتشنج لحد ما يزرق وتروح عيونه وتتشنج اطرافه وحالتي تصير حالة إذا صابته هالغشوة (التشنج ) بس أسمي عليه وأنومه على جنبه وأنا ماستكه ,,,
لما كان تحت السنة كان يزرق إذا بكا وينقطع نفسه شووووي وكنت انفخ على وجهه أو اضغط على جبينه ويرد النفس زي الشرقة ...
بس من كبر بدأ يمشي صار تشنجه أقوى ويطول
وأول موقف صار له مره حرك درج بغرفة اخوه وأحنا عنده على طول طاح على رجله .. صرخ وبعدين تشنج وأزرق وصرنا نكب عليه مويه أنا والشغالة مو عارفين كيف نتصرف وصرت أركض وأنا شايلته نازلة لتحت وهو ما زال متشنج أبي اوديه للمستشفى لأن شكله صار يخوف الله لا يروعكم على حبيب ... وصرت أذكر الله عليه وأسمي والحمدلله رد النفس له بفضل الله تعالى ..
بس من شدة خوفي وديته لدكتور وقال لي أنه شيء طبيعي وكثير أطفال يصيبهم ,,, ووصف الحالة كالتالي
أنه أثناء الحالة يفقد الأكسجين ولما يوصل نسبة الأكسجين صفر تُرسل إشارات للمخ أنه ما فيه أكسجين فيرجع التنفس .. سبحان الله ...
ويقول أن ما فيه حالة وفاة تسجلت من التشنج ولله الحمد والمنة ... وأنه ينقطع إذا كملل الطفل 6 سنوووووووووات .. هذا كلامه
وما زال صغيري الحبيب يتشنج إذا طاح أو بكا بقوووة ونحاول ما نزعل السيد زوزو عشان ما يتشنج ... وتعالي شوفي حالتي إذا تشنج احيانا ثابتة ولله الحمد وقوية وأحياناً أفزع الكل :(
الله يشفيهم ويعافيهم ويحفظهم من كل مكروه
معليش طولت بس لأني معانية من هالمشكلة ...
ويقر عين والديه ويجعله للمتقين اماما
الله يطمنك عليه اختي