كوبونات الراقية تسجيل الدخول

تولين33

&*&*&* مرت أخوي قالت لي الفستان لي والجلابيه لك .. أنا عروس وأنتي ... *&*&*&

الأسرة والمجتمع •

السلام عليكم ورحمة الله وبركاته

مسائكم / صباحكم خير

ترددت مدري أقولكم السالفه ولا ,, لأني ما قلتها لأحد الا أمي وبس هي اللي تدري

أنا وأختي متزوجه وكبيره بنروح للسوق المهم قالت عيب نروح ولا نقول لمرت أخوي ,, لأنها كانت عندنا
يوم قالت لها أختي بنروح السوق تروحين معنا قالت أيه ,, المهم حنا رحنا و كانت أختي بمحل أطفال قلنا لها أنا ومرت أخوي بنروح للمحل الثاني لأننا ما نبي ملابس أطفال ,,ورحنا لمحل فساتين وأذن العشاء والمحلات بدت تقفل ,, وطلعنا أنا وهي ونناظر محل يبيع جلابيات وكم فستان من برا نناظر لأن المحل مقفل ,, تدرون وش قالت لي ::: هذا الفستان لي لأني عروس وهذي الجلابيه لك ,, وأنا قلت لها لا هذيك الجلابيه لك ,,( الفستان كان حق زواج ويجنننننن والجلابيه حقت عجز سوداء وفيها دوائر حمر والجلابيه اللي أنا قلتلها لك سوداء وفيها دوائر خضر ) طبعاً هي تقصد أنها الفستان لها لأنها عروس وهي يمكن لها سنه متزوجه ,, وأنا لي الجلابيه لأني الى الآن ما تزوجت وأنا أكبر منها ,, وهي أصفر مني 3 سنوات
المهم أنا تحملت شوي بعدين قعدت أبكككككككككي وتضايقت خير تقولي كذا بس هي ما درت أني بكيت وأنا كأن أحد معطيني كف تضايقت بقووووووووه ورحنا لأختي طبعاً الى الآن ماتدري ,, وحتى لو قلت لها يمكن تقول صادقه ,, لأنها دايم تقول أمي تقولها بنتك كبرت ما فيه أحد بيآخذها وهلم جرا ,,

ويوم قلت لأمي جلست أبككككككككي أنا قالت الله يآثرك عليها ,,
وأنا يا بنات والله إني ترددت مدري أقولكم ولا لا بس قلت يمكن تقولون لي شيء يفرحني ,, بنات دعواتكم لي تكفون ,,

وعلى فكره لحد يقولي هي ما تقصد لأنها تحب ترمي كلام على الناس ,,,

بليييييييييييييييييييز محد يدعي عليها ,,

استغفرالله

وبس

مشكورات اللي ردوا علي ,, واللي قالت أنتي حساسه وأنك تبالغين يعني لو ما أنا أعرفها وأعرف حركاتها ونغزها بالكلام ما قلت لكم السالفه ولا ضاق خلقي بس أنا أعرفها ,, وفيه وحده من الردود قالت لي يمكن الفستان بتلبسه عند زوجها والجلابيه لك بالبيت ,, يا عمري أنتي الفستان فستان زواج سكري ما يلبس بالبيت ويجنننننن والجلابيه ما تلبس لا بالبيت ولا غيره وحقت كباااااارين يعني عجزززز تعرفون اللي أسوووووود وفيها دوائر حمر ,, يعني لا تقعدون تبررون ,,, ولحد يدعي عليهاا

شاكره لكم ردودكم يسلموووو,, دعواتكم لي تفرحني

معقووووله المشاهدات1227 والردود 55

على العموم يسلموووو

بنااااااااااااات والله فرحت وتفاجأت يوم شفت الردود 103 وتوي ما بعد قريتها تسلموووووون والله الله يجزاكم الجنه ويفرحكم يا رب ,,
208
14K

يلزم عليك تسجيل الدخول أولًا لكتابة تعليق.

تسجيل دخول

سمايلي فيس
سمايلي فيس •
ياحبيبتي لاتزعلي نفسك عشانها هي تحب ترمي كلام على الناس بيجيها اليوم اللي يرمون فيه الناس الكلام عليها ترى الدنيا دوارة والجزاء من جنس العمل انتي بس لا تعيرين كلمتها إهتمام ولا تسوين بنفسك كده صدقيني بيجيك هذاك النصيب اللي ان شالله يكسر الصخر (بسم الله لا إله الا الله) وتقهريها وربك كريم.. دعواتي لك لا تخافين تراني متذكرتك معي..
الجوري المكنون
الجوري المكنون •
بيجيك نصيب احسن منها صدقيني وبتعرف ان الله حق وانتي عليك الدعاء يالله يارب فرجك علي تولين وعلي
يارب ننتظر رحماتك
شجن السهر
شجن السهر •
Asalam 3lykom
yakfe da3wet omek!
" Allah y2athrek 3leha"
y3ne gasedha nafs sayedna yusof,
sub7an Allah omek 7akeemeh w fahmaneh
da3wetHa ajmal da3wah
*خـبـزهـ يـابـسـه*
*خـبـزهـ يـابـسـه* •
ياقلبي طنشيها صحيح كلامها يضيق الصدر
بس خلاص لاتضيقين نفسك عشان كلام طلع من وحده ماعندها احساس
اللي رزقها بزوج قادر يحرمها
الله يرزقك بالزوج الصالح الي يسعدك يااارب
الاميرة 27
الاميرة 27 •
ما عليج من كلامها اساسا وحده ما عندها ذوق لا تحطين لكلامها اي اعتبار ان شاء الله ربي يرزقج الزوج الصالح عاجلا غير اجل ويكون نصيبك ان شاء الله احسن من نصيبها اهي واختك

موفقه