مرت اخوي من تزوجت اخوي وهي ادلع نفسها على حسابنا حنا وما فيه بالبيت الا انا وامي وامي من التفكير القديم الي تحب العيال اكثر من البنات وغير كذا ما تبيني اعيش سعيده في البيت عشان ما اصدق يجيني خاطاب واروح لاكن للاسف اني تزوجت ورجعت مطلقه معي طفلين الحمدالله على كل حال المشكله انو مرت اخوي لازالت عللى تصرفاته ما تغيرت وهي انها ادلع نفسها
بقول بس الموقف الاخير بس عشان تركزون عليه لاني دايم اكتب مواضيع واحس البنات يتشتتون بمواضيع ثانيه الموقف هو :اني ما عمري سافرت بحياتي خارج المملكه الا مرتين بس مره بالمتوسط ومره بالثانوي اخواني قبل ما يتزوجون يسافرون وبعد زواجهم كل سنه او بالسنه مرتين يسافرون وخواتي بعد انا ابي اروح معهم يعيوون قلت كم مره خلونا نتقاط ونستأجر بيت في الريف ونسكن سوى برضو رفضو وانا احب السفر الي ما تحبه لاتقان نفسها فيني كل انسان وله اولويات
المهم انا مجمعه من فتره طويله فلوس وحافز ما اصرف منه الا للضروره عشان بس ابي اسافر بالصيف وكنت ابي اسافر مع اخوي للمدينه ابيها بشغل مرررررررررره ضروري ما اقدر اقوله وبنفس الوقت تمشيه وكل ما اقوله يقولي لا مو لازم تسافرين ويطلع لي الف عذروب وعذروب وفجأه سافرو هو وزوجته لنفس المدينه الي ابيها وخلاني الي بتقولي من حقه اقول من حقه مو مشكله بس انا ما راح الصق لهم هما بطريق وانا بطريق واخلص شغلي وتعرفت على وحده عربيه بنفس المدينه ممكن تساعدني وهو يعيش حياته هو وزوجته لالهم يعني ليش ما اخذني
ثانيا وهوا الاهم سفرو شغالة امي يعني حتى لو ابي اسافر لحالي ما اقدر لان شغالة امي بتمسك عيالي غير رمضان بالطريق والسبب عشان زوجته اذا بدت الدراسه تكون شغالة امي موجوده لان هي الي تودي عيالها وتجيبهم للمدرسه مع العلم انو عندها الحين شغاله اندنوسيه خاصه فيها غير انه مقدم على شغاله فلبينهيه هي وزوجها سواق لهم يعني عندهم شغالتين وش يبون بشغالتنا حرمون من السفر حسبي الله عليهم وانا قاعده اكرف عشان حضرت جنابها اذا بدت الدراسه تكون شغالتنا خلصت اجازه وهي عندها شغالين ياعالم شوفو الدلع وين وصل
وغير اني مفكره اجيب شغاله خاصه لي قلت لامي خلي شغالتك تقعد لين القى شغاله وهاوشتني ومسحت فيني البلاط كاني وش قلت
مع العلم انها اول ما تزوجت كانت ساكنه عندنا عشان انلعها انا بيبي ستر وامي الطباخ حقها وشغالتنا تكرف لهم حتى بعد ما اطلعت ما افتكيت كل شوي راميه بزراينه عندنا وكنت اتكلم واهاوش ذاك الوقت لاكن تعرضت لمشاكل مع اخوي وفسروها انها غيره اي غيره يختي كفي نفسك ذبحتينا
المهم انا الي حارق قلبي ومو مخليني انام هو موقف الشغاله ليش يسفرونها مو من حقها هل الموقف يقهر ولا انا مكبره الموضوع
انتم كلكم شطحتو للسفر ادري انو من حقهاوانا لو مكانها ما ابي احد معي انا اقدر اسافر لحالي بس اخذو الشغاله ما اقرد اتحرك حتى من البيت من يمسك عيالي وموقف الشغاله مو من حقها عندها شغالتين وش تبي بحقتنا ؟؟؟؟!!!!!!!والشغاله انا لي حق فيها مثل ما له لان مو هو الي يدفع راتبها هي قطه بين اخواني
المهم وش اسوي باخوي هل ابين له اني زعلانه ولاامشيها وابلعها واسكت بس هذا الهدف من كتابتي للموضوع كلكم ابعدتو عن الموضوع بالمره انا ابي استشاره بس؟ مو عشان تبدون ارائكم بتفكيري ولا بتفكيرها!!!!! لاتتشعبون