السلام عليكم ورحمة الله وبركاته ,,
خواتي انا عندي مشكله وابي لها حل ,,
اساس المشكله اهي مرت اخوي الله يهديها , متزوجه وصار لها كم شهر وساكنا معانا لها شقه بروحها ,,
محد مقصر عليها بشي لا انا ولا امي ولا ابوي ولااخواني ,, الكل يداري خاطرها علشانها مرت اخونا الكبير و اول مرت اخو لنا ,,
عندي اخو اكبر مني واصغر من اخوي الكبير و مالك بس للحين ماحددنا عرسه , مرت اخوي دايما احسها تحاول تلفت انتباه اخوي هذا ,, الاحظ عليها .. مع ان زوجها مايخليها تنزل من شقتها الا واهي لابسه شرشف .. بس اذا جات تحت تحطه على كتفها وتطلع شعرها وتتمشى بصاله وبالمطبخ وبكل مكان بالبيت .. واذا صادفت اخوي الي مو رجلها ما تتغطى بسرعه لا ببرود كأنها تبيه يشوفها .. ودي اكلمها بس اهي انسانه متقلبه وعصبيه وانا ما ارضى اشوف الغلط وسكت ابي اتكلم بس مابي تصير مشاكل .. اسكت وقول الله يهديها.. وقول بقلبي يمكن مو قصدها شي يمكن حر عليها ..
شلت الموضوع من بالي بس من بعد ما جا اخوي الي مو زوجها وقال تعالي ابي اكلمج .. قال مرت اخوج شفيها؟!
قلت ليش شفيها؟ قال انا كنت ابي منج شغله ورايح لغرفتج وقبل لا ادخل غرفتج كنت اناديج وصوتي واضح .. دشيت حصلت مرت اخوج فاله شعرها و قاعده على سريرج وشبه منسدحه .. يقول سكرت الباب بسرعه من الصدمه واهي ولا اخترعت ولا شي كنها تدري اني بدش !!
قلت لا تحط شي بذمتك يمكن حسبالها رجلها قال شدعوه ماتميز بين صوتي وصوت رجلها !!
نسينا هالسالفه وسكتنا ,, بس الي صار اليوم خلاني اتاكد ان اهي تتعمد هالشي ..
انا غرفتي قبال غرفة اخوي الي مو رجلها وبين غرفتي وغرفته مسافه 10 خطوات تقريبا .. المهم انا كنت تحت واهي صعدت فوق واخوي توه بيطلع من غرفته والا يشوف مرت اخوي واقفه بين غرفته وغرفتي وتلعب بشعرها وتطالع اخوي وتتمشى ودش غرفتي ..
اخوي انصـــــــــــــــدم ..
قال غرفتج انتي مو موجوده فيها وتدري انج تحت ليه صاعده هناك ؟! و ليش هالحركات الي تسويها؟!
بنات انا محتاره مابي مشاكل بين الاخوان علشان وحده مو متربيه .. اخوي حاشمها وساكت علشان اخوي الكبير مايبي تصير مشاكل بينه وبين مرته .. بس قال اذا زودتها بتكلم وبتشوف شي مايرضيها ..
ابي حل الله يجزاكم خير .. مابي اقول حق امي وكدر خاطرها بهالسوالف ولا ابي اشوف هالغلط يصير في بيتنا وسكت :(
بنتظاركم
الدلع كلهـ @aldlaa_klh_10
عضوة جديدة
يلزم عليك تسجيل الدخول أولًا لكتابة تعليق.
عزيزتي كلمي أمج و خبريها بكل تفاصيل الموضوع و هي تتفاهم معاها بهدوء مهما كان بيكون احترامها لأمج أكيد غير و إن شاء الله تكون كلمتها مسموعة عندها
menee
•
خلي يطنشها ولايدقها بالكلام يقلها استغفر الله يالطيف ايش كلمة توقفها عند حدها
ويمكن هيا ماتقصد بس يمكن تحب تبين نفسها الله اعلم ايش نيتها
بس احسن شي انو خاطب اخوكي وقريب بيتزوج يمكن لمن يتزوج تبطل دي الحركات ولاتخلو اخوكي يسكن معاكم في نفس البيت عشان لاتسير مشاكل اكتر
والله يهديها يارب
ويمكن هيا ماتقصد بس يمكن تحب تبين نفسها الله اعلم ايش نيتها
بس احسن شي انو خاطب اخوكي وقريب بيتزوج يمكن لمن يتزوج تبطل دي الحركات ولاتخلو اخوكي يسكن معاكم في نفس البيت عشان لاتسير مشاكل اكتر
والله يهديها يارب
ro0oze
•
حسبي الله ونعم الوكيل وراها ما تحمد النعمة اللي عندها الله يهديها ... وماشاء الله على اخوكي ... الحمدلله ما عطاها وجه ... الله يحفظه ... ياليت تلاقين حلحسبي الله ونعم الوكيل وراها ما تحمد النعمة اللي عندها الله يهديها ... وماشاء الله على...
:024: ودي اكسر ضلوعها عشان تحرم وتقول حقي برقبتي
الصفحة الأخيرة
وراها ما تحمد النعمة اللي عندها
الله يهديها ... وماشاء الله على اخوكي ... الحمدلله ما عطاها وجه ... الله يحفظه ... ياليت تلاقين حل