مرت اخوي وولدها

صباحكم سكر
وكل عام وانتم بخير
عندي اخ متزوج وحرمته مي صغيره عمرها الان 33سنه وعنده منها ولد عمره سنتين ونص جاهم بعد 5سنوات تأخير ومن يوومها حرمته بارده وهاديه لاجاتنا تجلس بمحلها ماتقووم الا للعشى وتغسل يدها وترجع تجلس مكانها بعد سنوات من زواجها خلفت وولدهاحرك شوي شقاوه اولاد عاديه بس انهامازالت على فغارتها تجينا ماتقوم تدور عليه ماتقوم تسأل عنه نحط الاكل كانت مسويه رجيم ماتاكل ماتفكر تقووم على السفره تأكله تتركه كذاانا اعطيها بوجهها اقوولها هيا العشى تقول لامسويه رجيم اقوول طيب قوومي اكلي ولدك جالس يحوس ولابيعرف ياكل وحريم اخواني الثانين كل وحده ولدها بحضنها تأكله وتقطع له وذي ماتتحرك كم مره يجيبوه من الشارع وابوه مره حريص عليه بس احيان يكون مستلم والا بمشوار ماتفكر تهتم ياعمري عليه يحزن تخيلوا انه برمضان الاخت تنومه بدري عشان ترتاح منه وتسهر للفجر لاجات بتنام يقووم تتركه يدور بالبيت لوحده ابووه يجيبه لنا واحنا نايمين يقول خلو الشغاله معاه طيب ليش الشغاله مالها رب تكرف طول يومها ووقت نومها تجلس مع ولدك وكم مره اوقف بوجه اخوي واقوله لانه يخلي بنتي عمرها 11سنه تطارده ومايمديها تجلس الا يقوومها حتى على الاكل سرت اقووله خلي البنت تاكل وين امه خله بالبيت لاتجيبه وقت العزايم اذا ماجات لاتجيبه خليه بالبيت وربي احب الولد واعشقه بس اخاف يجيه شي واحنا مشغولين
مره كانت نايمه والولد صاحي وياعمري بغى يشرب مويه والبراده مرتفعه تعلق فيها وطاحت وربي ستر ماطاحت البراده على راسه وجاء ابوه من الدوام الساعه 2 والمطبخ يسبح مويه وهو يلعب فيهاوهي نايمه وجابه لنا
وكذاطول العشر الاواخر عشان ازمه الصواريخ مستلم اغلب الوقت هو ضابط وشغله متعب الولد عندنا مع بنت اخوي الثاني امها موضفه بالجوازات واغلب وقتها عندنا وانا طول يومي يا افرع يا اكل يا البس ويحوسون جننوني هبلوا فيني من غير عندي 3بنات الصغيره عمرها سنه مايمدي انومها الاولده بصوته يصحيهااللي سار يووم العيد كان عندنا استراحه واهلها عندهم استراحه مر علينا صباح العيد وهي معاه نزلها استراحه اهلها وجات تنزل وولدها ضعيف بينزل وراها وردته دفته وقفلت الباب ورجع يجغر وبكى وصياح واخذه ابوه بحضنه واحنا ساكتين بكيفهم ودخلنا الاستراحه ازعجنا اخوي اتصالات شوفوا الولد طلعيلي الولد ماعندي الا بنتي الكبيره واختي بالثنوي كل شوي اقوومهم وولده حرك ويبي الاطفال والحوش كبير وكل شوي قايمين ابلشنا بولده جات امه الساعه 10راح يجيبها وجات وكأنها ضيفه اخوي يدق ما ارد عليه يدق عليها ولاكلمها قامت وشوي يجيبونه طايح شوي مجروح ثوبه توصخ قالت ماجبت غيارتسأل بنات خالات عندكم سروال زياده طيب عيد واكيد جايبين تغييره جديده لعيالهم مابيعطونك تجلط تجلط اقولها نوميه جات 11وهو بالحوش يلعب قالت لاخليه يستانس اليووم الثاني طالعين من 7 ووالشغاله جاتها نزله معويه فماجات معانا لانه اذا جات تسد في المطبخ وتساعد فيومها انا مضطره اقووم واغسل مواعين واساعد خالاتي وبناتهم الشغل واجد ولمن نزلت الهانم استراحه اهلها ترجع ولدهاوتقفل الباب قمت انا فتحت الباب وقلت بصوت عالي خذي ولدك معاك مسكين فاهق يبيها قالت عند ابوه عند ابوه قلت خلي الولد عندك اول مره اشووف ام كذا تستانسين ويموت ولدك والا ينحرق ماهمك لانها صدق ابلشني فيه من جيت من بيتي انا جايه سفر بروق عند اهلي مو ابتلش بعيالهم ويزعل اخوي ويطنقر وقالها خذيه خذيه خلاص خذيه وهو يصيح بأعلى صوته ووصلنا والبقره راحت لاهلها وسهت عنه ولعب الولد وطب بالمسبح وسبحان اللي سخر له خالته تعرف تسبح ولمحته وطبت وراه وشالته والحمد الله سلم بس ودوده المستشفى احتياط وكلموا اخوي وراح لهم و4ساعات وطلعوا الولد ومن ثاني العيد لليوووم اخوي مطنقر ولايسلم علي ولقى بناتي بالحوش وصاح فيهم وبلعتها وسكتت وجيت اليووم دخلت الا يسوي نفسه مايشووفني قلبي نار منه محروقه ودي اكفخه هو وزوجته الفاهييه من جيت من المناسبه وانا اغلي منه ومن نظراته