رايقه لحالي :

قال هذي خطوه بتخذها قريب بعد العيد بصبر شوي ما ابي انكد على الناس وقت العيد من كبر الولد وزادت حركته وانا مشتت مو عارف ايش اسوي لاتفاهمت معاها قالت ايش تبيني اسوي انا تعودت كذا حبه حبه لين اتعووود ولو انتظرها تصحصح راح الولد من يدنا قالي تدرين اني ماني مجمع شي وكل رواتبي راحت على علاجها واني الوم نفسي اقول لو تزوجت وخلفت من وحده صاحيه افضل من الوضع اللي انا عايشه الان وبكى قسم بالله اني رحمته وانقهرت من قلبي عليه قال انا اجيبه عندكم اقول شغاله امي تداريه تحت نظر امي ولاجيتي انتي والبنات يكون تحت عينكم لافقد الولد والله اني قلت لها باخذ الولد عزيمه لبسيه زين وكنت مداوم طلعت من دوامي ومريت البيت اخذته ولمن رحت اطالع انها ملبسه الولد بدون داخليات وقتها غسلت يدي منها والله راحت كوفي مع صديقاتها وطلع الولد من الكوفي ولادرت عنه لين لقاه واحد وبلغ عنه ورحت استلمته من الشرطه وبركه الولد ماجاه حادث والاصدمته سياره ولاعلمتكم خفت من السنتكم اليوم اقوولها ولدك تو طالع من المستشفى ربي رده لك قالت خلاص هذا هو ماجاه شي يعزي ما احضر الزواج عشانه اقولها بسوي ذبيحتين على سلامه الولد وحده بعزمكم عليها ووحده بوزعها قالت انت مره اوفر ولدك شوفه قدامك ماجاه شي ليش مكبر الموضوع وتبي تحسسني بالذنب ولنا سنه من مشكله في مشكله ضغط دوام وضغط في البيت فين اروح انا ايش اسوي اطلقها واجيب للولد مرت اب الله العالم كيف بتكون نفسيتها مع الولد والا اصبر على ذي لين تتعدل وربي ماتوقعت انه يكون الموضوع كذا ولاتوقعت اخوي الحنون الطيب انه يعيش تحت ضغط بذا الشكل وحسبي الله ونعم الوكيل في كل ام تجيب اطفال وتتركهم همله تبغى وناستها وخرجاتها وتاركه طفل صغير لاحول له ولاقووه

قال هذي خطوه بتخذها قريب بعد العيد بصبر شوي ما ابي انكد على الناس وقت العيد من كبر الولد وزادت...

رايقه لحالي :

اقصد فديتك اني قلت عنها بقره وفاهيه ماودي اسبها بس كنت معصبه والله يصلح الحال امس مانمت زين فقلت ماحطلع من البيت بأخذ اليووم اجازه وعلى بعد العشى طلبت لبناتي بيتزا وطفيت الانواروشغلت لبناتي التلفزيون ونومت الصغيره وتو داخله بغفوه الا الجرس يدق طنشت الاعلق على الجرس واقووم افتح الا الاخ وولده بغيت اطرطع سرت اطالع فيه معقده حواجبي نعم قال الشغاله فيه قلت مع امي بالاستراحه قال طيب خلي حمود عندكم برووح اجيبها انتي مانبي منك شي قلت ليش وين امه قال عندها عرس واخاف على الولد معها قلت طيب خله معك الله يخليك ابي انام ولدك مابيهجد وانا ابي ارتاح قال لاتسوين له شي بجيب الشغاله وتمسكه ش وي وشق هدومي عاد انا لانفعلت لساني يتبرا مني قلت انت رجال انت مشلشل ولدك بحفاضته بكل مكان يا اخي ماسوووها رجالنا خذ ولدك البقاله خذه مشوار بس مو كل وقت هي مريحه وانت شاقي عمرك واشقيتنا قال هدي ذا ولدي وماجاني بسهوله اخليه عندها تبينه افقده قلت وهي مامعها عقل لعن ابو حيها ماعندها غيره هو واحد ولاهيب صغيره والاجاهله تقوم فيه قال والله حتى بالبيت لو ما اكلته ماتأكله قلت ليش مابقلبها حنيه مابقلبها رحمه تفاهم معها فهمها قال معد ورى ماخليت ولابقيت وضاغط على نفسي عشانه ما ابي الولد يربى بعيد عن امه والله اني اجي من الدوام وحفاضه الولد عند رجوله ماتغيرها له واني اقوم للدوام الساعه 7الصبح وهي باقي تتفرج على افلام نتفليكس قلت شوف حل كلم امها ابوها حد عاقل يفهمها

اقصد فديتك اني قلت عنها بقره وفاهيه ماودي اسبها بس كنت معصبه والله يصلح الحال امس مانمت زين فقلت...