والله اخوي متزوج ونفرح لو انه مبسوط معاها ويدلعها وندافع عنها وامدحها قدامه اعزز لها ,,
ولاعمري خطر ببالي اني اغار ,,
بس اللي عقولهم صغيره مشكله ,,

والله مرات حتى حريم العيال داخلين البيت بحذر ولايعاملونهم زي اهلهم
وانو الوضع اوكيه كانهم منتظرين الزله عشان يقطعون العلاقه
اصابعنا مو سوا في ناس عسل وينشرون بذهب وناس اعوذ بالله من ايام الملكه واضحه القشره فيهم
بس لو كل وحده فينا عاملت مرت اخوها ولا ولدها نفس ماتبي الناس يعاملونها ويعاملون بناتها مستقبلا تعدلت الاوضاع
ترا احيان مو شرط غيره بس ممكن مقهورين او يحسون الام تتعب وتربي والحظ يروح للزوجه خصوصا انو بعض الرجال كل شي حرام ع اهله
وتلاقين زوجته كل شي مباح لها او تغير طبعه كثيرر وباقي اقشر معهم او تغير معهم يحسونها غيرته

بلكيهم من السناب وريحي عمرك ولا اطلعي وفليها وبلاش تصوير

ما اظن احد تأذى من اهل الزوج قد ما تأذيت انا
بس ماقول الا حسبي الله ونعم الوكيل الظلم ظلمات وطعمه مرررر مايحس فيه الا الي جربه
ورح افضل اتحسب عليهم وادعي بكل فرض وبكل ساعات الاستجابه لحدما ربي يريني فيهم وعده لدعوة المظلوم
وعند الله مايضيع حق احد

شوفي يا أختي هالمضايقات ألي تصدر من بعض أهل الزوج مالها خص بمسلسلات و خرابيط
هذي من قديم الزمان موجوده من أيام أجداد أجدادنا لا يعرفون مسلسلات ولا غيره
ألا قل الوازع الديني و الخوف من الله هو ألي يخلي بعض البشر تتمادى بالأذيه و الظلم
عن نفسي تعرضت لمضايقات كثيره منهم الله يهديهم لا تعد ولا تحصى بس كنت أنا سبب بتماديهم
لأني كنت أقدم الولاء و الطاعه و أسكت و أتغاضى لين فسرو وفهمو تصرفي هذا ضعف !!
بعدها غيرت من نفسي عزت علي بصراحه و خليت ألي يزعل يزعل وجعله ماكلمني العمر كله بالطقاق ماعاد تفرق
خلاص أندبلت كبدي من حركاتهم تفريق بالتعامل بين السلفات بشكل أستغفر الله
يمدحون وحده و يطلعونها للسماء و البقيه يسحبون عليهم وليتهم بعد يسحبون ويسكتون كان تهون
لا يشرشحون قدام العالم بالجمعات و بالعزايم وهذا ألي يغث أكثر .......
غير التدخل بكل صغيره وكبيره غير سوء الظن غير الزعل بدون سبب وهذا الشي ألي عانيت منه بقوه
وكل ما أسأل عن الأسباب و أحاول أفهم وش فيهم يزيدون مع الأسف
و شغلات كثيره الله يسامحهم بس شفت مافيه أحسن من الخسران و لا فيه أحسن من تسطيح العلاقه
ولا فيه أحسن من الرسميه و الزيارات القصيره و بس
عندي زوجة أخ و الله نفرح لفرحها و نحزن لحزنها و نخاف الله بتعاملنا معها
ولا نتدخل بها و بأخوي و نعاملهم بكل أحترام وحب و تقدير هم و عيالهم
ولا شافت منا بنت الحلال ألا كل خير ولا شفنا منها ألا مايسر الحمدلله...
مثل ماقلت عدم الخوف من الله ومن عقابه و تساهل الناس بالظلم هو ألي مخلي هالأمور تزيد ماتنقص عند بعض العوايل الله يهديهم ...