مرت سنة💔

السلام عليكم ..
موعارفه شلون ابتدي بالموضوع امس كتبت الموضوع بآخر لحظه حذفته
انا مر على ذكرى زواجي سنه بالضبط للعلم زواجي فقط دام اربع اشهر وصار انفصال ..
من صار الانفصال واهل طليقي اقصد خواته وامه انقطع تواصلهم معاي ولا كأن بيوم من الايام عشنا مع بعض .. حتى في وحده فيهم المقربه لطليقي معطيتني بلوك شلون عرفت كنت الفتره هذي اتابع توبكات كنوع من الشوق ..
ماامدح نفسي بس كنت اخت لهن موزوجه اخ
والطلاق ماكان احد يبيه من اهل طليقي ويوم مارحت لبيت اهلي بناء على طلب طليقي امه اسعفوها للمستشفى ماتبي يصير الطلاق الله سبحانه فقط يعلم من كان السبب لان مافي سبب يسألونه سبب طلاقه يقول مافي سبب بس ماابي اظلمها معي
انا واخته تزوجنا مع بعض كانت تسبقني بكم يوم وسبحان الله حملنا مع بعض قدر الله واجهضت حملي بعدها حصل الطلاق
المهم قدر الله وماشاء فعل استرجعت الله سبحانه تعالى ودعيت ان الله يخلفني افضل منه ..
اللي ابي اقوله كان الطلاق صعب علي اثر في نفسيتي حيل حاولت انساه وانساهم معاه خصوصا هم من النوع اللي غاب عن العين غاب عن القلب
بالاول حذفت ارقامهم من جهازي عشان مااشوف توبكاتهم لان كنت احزن من الشوق لهم وهم نسوني احس مو حلوه بحقي اللي نساني لازم اتناساه لاني من النوع اللي ماينسى ..
بيوم من الايام حلمت بأخته اللي معطيتني بلوك المهم خفت لايكون فيهم شي المهم انا حذفت اسامهيم من عندي بس محادثاتهم ماحذفتها فشفت صور اللي حاطينها كلها ادعيه بالرغم انهم من النوع المو ملتزم وتفاجأت ان اخته اللي معطيتني بلوك واضحه الصوره اللي حاطتها معناها شالت البلوك
بعدين صارت تجيني اضافات ببرنامج الاين من طليقي لان كاتب اسمه ومن اخواته انا كل اللي صرت اسويه اعطيهم بلوك وحذف من البرنامج قلت يمكن صدفه لان مااحذفوا رقمي من عندهم بس ينزلون البرنامج عندي
بعدين عشان ارتاح اكثر حذفت حتى المحادثات لعل وعسى انساهم وسويت بالإعدادات الواتس اب محد يقدر يشوف حالتي وظهوري الا الاشخاص اللي ضايفتهم عندي يبين لأي شخص مو ضايفته اني مااستخدم واتس اب ..
وارتحت نفسيا..
لي كم شهر مسويه حساب لي بالسناب من كم يوم أخت طليقي اللي تزوجت معاي واحملت معاي ضايفتني بالسناب وكاتبه دلعها ام فلانه تضايقت حيل شنو تبي مني وليه الحين ليه مو قبل اذا تبي تواصل معي على فكره لو كمل حملي كان طفلي بيكون عمره ثلاث شهور واكثر شوي فبنتها بالعمر هذا
توقعون شنو قصدها بالاضافه هذي ..؟