قال الشيخ عباس بتاوي مغسل أموات في جدة :

اتصل بي أحد الأخوة وأنا في المنزل بعد صلاة العصر من يوم الجمعة وقال يا شيخ أخي انتقل إلى رحمة الله وهو الآن موجود بثلاجة مستشفى الجدعاني بحي الصفا.. ونريد منك أن تقوم بغسله وتكفينه و تذهب للمستشفى الساعة التاسعة صباحا لنجهزه ونصلي عليه ظهرا...

وفي صباح اليوم الثاني توجهت للمستشفى في الموعد المحدد وعند بوابة المستشفى رأيت الكثير من الناس فظننت أن هناك أكثر من جنازة في المستشفى .. استقبلني أخاه ووالده قلت كم ميت ؟

قال والده فقط ميت واحد وهو ابني فقلت ولماذا هذه الأمة ؟ قال الأب : كلهم حضروا من حسن الخاتمة لموت ابني .. سألته كيف مات ؟

قال : حضرت أنا وأبنائي لصلاة الجمعة وبعد انتهاء الإمام من الخطبة وإقامة الصلاة .. وفي السجدة الثانية قبل التسليم نزل ملك الموت وتوفاه الله وهو ساجدا في صلاته!!! في يوم الجمعة وفي بيت من بيوت الله .. وهو ساجدا..!!!

حملناه إلى مغسلة المقبرة لنغسله.. بدأنا بذلك وإذ بإمام وخطيب المسجد يقول : يا شيخ الشاب مات في مسجدي .. وأنا أولى بغسله.

فقلت : تفضل أنا وأنت واحد ..

وحتى لا أحرج الإمام خرجت وانتظرت عند باب المغسلة .. وبينما أوشك الإمام على الانتهاء من التكفين لم يستطع إقفال وربط الجهة التي من على الرأس فطلب مني ذلك ..

فقلت في نفسي : إمام وخطيب مسجد وحافظ لكتاب الله طلب وأصر على غسل الشاب وقام بذلك كاملا ولم يستطيع أن يربط ويقفل جهة الرأس؟! ...

فقلت : لابد من أن هناك سر فذهبت مسرعا لأكمل إقفال الكفن فنظرت لوجه هذا الشاب وأنا مندهش وتعجب مما رأيت ......!

رأيت نورا ربانيا يخرج من وجهه !!

ليس كأنوار الدنيا وكان مبتسما ومن شدة الابتسامة , كانت أسنانه ظاهرة لي حينها تذكرت الإمام وكأنه متعمدا يريد أن يريني وجه هذا الشاب ...

عندها فتحت باب المغسلة وكل الإخوان الذين كانوا ينتظرون خارج المغسلة دخلوا ونظروا إليه وقبلوه ...

ونظر إليَ أحدهم وقال : ياشيخ هل تأكدت من موت هذا الشاب فصرخت في وجهه وقلت ألا ترى ذلك.... قال انظر إليه ياشيخ إنه يبتسم ..

وقمت بتغطية وجهه وحملناه للمسجد قبل صلاة الظهر بساعة وحينها لم نكمل صفا واحدا في المسجد وبعد رفع الأذان وإقامة الصلاة وضعنا الجنازة أمام الإمام .. صلينا وبعد الانتهاء التفتُ للخلف فإذا بالمسجد ممتلئ حتى بكرة أبيه !!!!

ولم يكتفوا حتى الملحق التابع للمسجد قد امتلئ حتى أنهم أغلقوا الطرق والممرات المؤدية للمسجد ولو رأيتم جنازة الشاب وهي تخرج من المسجد مسرعة كأنها تطير لوحدها .... ولا يحملها أحد ... وتسابق الجميع على قبره وأنزلوه من جهة رأسه ووجهوه نحو القبلة وحلوا الأربطة وقاموا بتغطية القبر وحثوا عليه التراب ...

قال أحد أقرباء هذا الشاب عمره 28 عاما يأتي من عمله ويتناول غدائه حتى حين صلاة العصر فيذهب وينتظر في المسجد من العصر للمغرب ماذا يفعل؟

إنه يقوم بتحفيظ أبنائنا القرآن وكان حافظا لكتاب الله ... فما أجمل تلك الخاتمة الحسنة نسأل الله لنا

ولكم حسن الخاتمة

راجية عفو ربى لا و**** مازعلتش امال اتجرات وكتبت فى النت لية ماعلشان تزنو على وتنصحونى اصل انا لازم حد يزن على وطبعا فى تقصير مع ربنا سبحانة وتعالى ولو ماكنش فية تقصير كان د ة بقة حالى ربنا يهدينى ويقربنى منة يا رب

انتي فين يا بنتي اولا طبعا طبعا وحشتينا وسألنا عليكي كتير
بس انتي غيبتك عننا طولت والعدد ما شاء الله كبير وتقريبا لما حد بيغيب كده بنفتكر انه مش عايز يشارك
يعني مثلا انا بكلم ناس كتير علي المسينجر وهم اصلا بقالهم كتير اوي مش بيشاركو معانا وبيقولولي
مش عندنا جديد نضيفه وبنحب نقرا ونستفاد في صمت ..............
وتقريبا ده الانطباع ألي بناخده عن الي بيطول في الغياب اوي كده
وثانيا وده الاهم
هو مين الي جديد ودخيل ؟؟؟؟؟؟؟؟ انا بعترض علي الكلمتين دول وبشده
انتي عارفه لما فتحت اول ملف لقيتك انتي ضمن الي كانوا فيه يعني لو قولنا حد جديد هيبقي انا بالنسبه لك
بس هي الفكره أني تقريبا من 4 شهور من بداية مشاركتي معاكم وانا يوميا يكتب مش لازم حاجه مفيده ممكن اسلم وخلاص فبالتالي لما اختفي شويه لازم يكون فيه سبب وتلاقيني بعدها رجعت علي طول
وده حال اسماء كتير معانا عشان كده بتلاقي غيابهم ملحوظ
يارب تكوني فهمتيني وترجعي تاني وتقوليلنا اخبار الحفظ ايه ؟؟؟؟؟؟؟؟؟؟

عروس البقاء لله اللهم اغفر له وابدل سيئاته حسنات ووسع له في قبره واجعله روضة من رياض الجنه وحرم جسده علي النار

حبيبتي ما تجيش علي نفسك واهدي واحتسبي عند ربنا عشان ما تتعبيش انتي شكل قولونك عصبي
عايزينك دايما رايقه لنا يا جميل مش انتي بردو دكتورتنا

ماما زوزو
احلي حاجه النهارده بعد موضوع اروي أني شوفت اسم حضرتك يارب دايما يا ماما

جي جي
يارب تخسي يا حبيبتي وتنولي كل ألي تتمنيه بس حلوه مقالة الاكل قال يعني ده السبب

ام سوسو
انتي حساسه جدااااا يا حبيبتي انا عارفه ان الوقت عندك ضيق عشان شغل البيت والبنات ربنا يخليهوملك واكيد دخولك علي النت بيكون في السريع بس كفايه اوي ان كلنا حاسين بقلبك الطيب وحنانك يارب مانتحرمش منهم

ام عبدالله
اخبارك ايه يا قمر ان شاء الله ويك ان سعيد .......... انا عندي الويك ان غريب
انا انم جوزي يصحي ......... وانا اصحي جوزي ينام وعلي كده لا خروج ولا اي حاجه مفيده ........ يالا ماحدش واخد منها حاجه

ياريت يا بنات الي تتصل بهدي تطمنا ضروووووووري

فيميل

طبعا كلام ام عبدالله وانجي وعروس ورشا وكل الي رد عليكي عجبني اوي وحسيت فعلا انه المختصر المفيد
اولا انتي مش بتضايقينا ولا حاجه ولو كل واحده قالت كده يبقي احنا مش بنحب بعض صح وده طبعا مستحييييييييييل

بصي انا نفسي اعرف انتي ليه دايما شايفه نفسك غلطانه ومقصره طيب لو ده صحيح يبقي اول خطوه للتغير انتي فعلا بدأتيها
انك شايفه عيوبك وغلطاتك ومعترفه بيها
الاول انا مش عايزاكي كل شويه تروحي تعتذري وتوعدي بوعود كتير وتقدمي اعتذارات ومبررات اكيد بتكون متكرره
لأن اكيد جوزك تقريبا بيبقي حافظ كل ده
الاول فعلا اتقربي لربنا اكتر وعليكي بالدعاء ثم الدعاء ثم الدعاء وانتي موقنه بالاجابه زي ماقال سيدنا النبي عليه الصلاة والسلام
يعني تدعي وانتي متأكده ان ربنا هسيتجيب وان الامور هتتصلح بفضل الله
حسن الظن بالله يا فيميل
بعد كده انا عايزه اقولك حاجه لو انتي شايفه انك مضغوطه اوي وفيه اعباء كتير ممكن تأجلي الدراسه سنه او فتره اقل من كده
انا مش عارفه طبيعة دراستك بس صدقيني فيه حاجات ممكن تبقي اهم في الفتره الحاليه يعني انتي تركزي في الاهم وبعدين المهم
واهم حاجه التركيز ....................
حاولي تركزي في كل حاجه وكل تفاصيل حياتك انتي عارفه انا ساعات عدم النوم والضغط النفسي بيعملي عدم تركيز
وساعتها بتلاقي الحياه كلها اتلخبطت ومش بتتعدل الا لما اقعد مع نفسي واخد شحنه من الهدوء والثقه أني اقدر اظبط الامور تاني وزي ما قولتلك قبل كده يوم فوق ويوم تحت ويوم في النص
حبيبتي انتي الاول سيبك من جوزك خالص وحاولي انك تغيري الخطوط العريضه السلبيه في الحياه عموما ومن غير ما تتكلمي هتلاقيه لاحظ الفرق وممكن كمان ما يعلقش طبعا لأنه اتعود ما يمدحش او يصالح .............. مش مهم دلوقتي
المهم انك فعلا تحسي انك عملتي حاجات ايجابيه اكتر وحاولي تكوني دقيقه في موضوع الوقت اوي
يعني ادي لنفسك مهله لأنجاز اي حاجه اكتر من المهله المحدده يعني لو خارجه واستعدادك في نص ساعه خليهم ساعه ولو جهزتي بدري استفادي بالوقت في اي حاجه تانيه تعمليها علي الماشي وهكذا في كل حاجه

انا هقوم دلوقتي وبكره ان شاء الله نكمل كلام ........ علي فكره انا بردو بكتب الكلام ده لنفسي عشان انا كمان محتاجه وقفه



ان شاء الله دعائنا اقتباس من ام عبدالله وعشان فيميل كمان

ربنا هب لنا من ازواجنا وذرياتنا قرة اعين واجعلنا للمتقين اماما