femal :

السلام عليكم ورحمة **** وبركاتة مش عارفة اقولكم اية يا بنات بجد دة كتييييييييييييييير على قوى انا متشكرة جدا لاهتمامكم وردودكم ودعواتكم متشكرة قوى قوى جزاكم **** خيرا بس انا ماكنش قصدى انكم تحسو بالذنب لا لية كدة انتم مالكم يا عينى كل واحد فية اللى مكفية انا اساس كل المشكلة تقريبا ام يوسف انا اول مرة فى حياتى اكتب على النت هنا فى المنتدى دة علشان كدة مابحكيش كتير عن التفاصيل حاسة انى كل خلق **** هايشوف تفاصيل حياتى ومع كدة انا هاتشجع المرة دى وابطل تردد واكلمكم عن ظروفى اللى مضايقنى فى نفسى انى مش قادرة اوصل للمستوى اللى عايزة جوزى منة واللى مضايقنى منة انة مش بيحبنى ودايما يقولى كلام محبط بلاش افتكرة علشان بيتعبنى هو انسان منظم جدا لدرجة عايز كل يوم يدخل البيت كأن معاة واحد صاحبة وانا مش قادرة على كدة دقيق فى مواعيدة جدا يعنى لو الميعاد الساعة 7 ووصلنا 7 وخمسة تبقى مصيبة حتى لو فى ناس جات بعدنا يقولى انا احب اوصل فى ميعادى وانا بصراحة مش كدة خالص هو كتوم وانا على طول لسانى سبقنى هو ممكن يفضل مخاصمنى شهرين ونصف مثلا وانا مش باستحمل اخاصم حد ساعة واحدة يعنى حصل مرة كان مخاصمنى شهرين ونص لا ياكل من الاكل اللى انا باعملة يجيب جاهز يعمل بيض اى حاجة مرة كان جايب فراخ مشوية وانا عاملة اكل سبت الاكل بتاعى واكلت معاة من غير مايقول علشان اقولة خلاص بقة كفاية خصام وناكل سوا وبردة استمر واللى زعلنى قوى ساعتها ان الفترة دى كان فيها عيد الاضحى اللى فات وعملت اكل كتير وفتة وحلويات ومااكلش حاجة خالص واكل برة وحاولت اصالحة واكلمة طاب علشان خاطر اننا فى عيد بقولى خلاص ماتحاوليش انتى انتهيتى من حياتى خلاص بصراحة من اول جوازنا وانا اللى دايما ابدا بالصلح سواء انا غلطانة او هو الى غلطان لان هو شايل كرامتة فوق راسة طبعا ومستحيل يعتذر وانا مابحبش ابدا جو الخصام دة وبصراحة انا غلطاتى اكتر منة الايام دى هو متجنبنى خالص لا سلام ولا كلام انا مش عارفة لية الاسبوع دة الحكاية زايدة عندى الشيطان مكبرهالى ومخلينى افتكر كل كلامة المحبط وانا زمان لما اتخانق مع اخواتى لا يمكن يمر اليوم من غير مانتصالح وكدة بردة مع زمايلى مش بحب الجو انتى ماتكلمنيش ومالكيش دعوة بية بيتعبنى نفسيا وهو ماشاء **** مستمر مش عارفة ازاى وحاجات تانية بردة عمرة ما خد رايى فى حاجة وانا السبب فى كل حاجة وحشة انا اللى اخرتة فى شغلة وانا جبتلة المرض من فترة راح للدكتور وقالى انة عيان مرض هايستمر معاة يعنى وطبعا قالى انتى وعيالك السبب طب عندك اية سلامتك مارضيش يقولى على طول ردة مالكيش دعوة وكمان نومة خفيف جدا جدا ماعرفش اغسل طبق وهو نايم عايز البيت زى لجنة الامتحان ترمى الابرة ترن بس دة كان ممكن قبل العيال بعد العيال ماينفعش اعمل اية على طول يصحى مضايق ويقول ماختش راحتى فى النوم وانا حامل فى التالت كان زعلان منى انى حامل طب دى ارادة ربنا كان بيقول كفاية اتنين ولا مرة فى شهور الحمل كلها سأل على البيبى ولا مرة راح معايا للدكتورة ودايما فاقد الثقة فيا ومكدبنى مع ان مشكلتى فى الحياة انى مابعرفش اخبى عنة حاجة ودايما تحصل مشاكل من كلامى واقول يا ريتنى ماكنت قلتة و**** انا تعبت من الكتابة وعمالة افتكر اللى حصل الحمد للة والشكر للة تعبتكو معايا خالص وشكرا وجزاكم **** كل خير

السلام عليكم ورحمة **** وبركاتة مش عارفة اقولكم اية يا بنات بجد دة كتييييييييييييييير على قوى...

femal :

رانيا سبانش افتح الرسايل الخاصة ازاى شكرا يا بنات على اهتمامكم ودعائكم ربنا يكرمكم جمبعا هو رجع من شوبة كان ناسى حاجة وادانى نسخة المفاتيح التانية الشقة ليها نسختين ادانى النسخة بتاعتة اعتذرتلة وقلتلة خلاص تعالى ومالكش دعوة بيا خالص وانا مش هاتكلم معاك بس علشان خاطر العيال قالى مانا كنت عايز كدة من الاول ان نكون عايشبن فى بيت واحد علشان العيال ومالناش دعوة بيعض وانتى ملتزمتيش واهنتينى اهانة كبيرة الصبح وهو طبعا مش قابل اسفى ومشى على طول وكل شوبة اتصل بية قافل الموبايل انا عملتلكم ازعاج يا جماعة معلش بس ماحكتش مع حد خالص غيركم انتم واختى انا ماليش اصحاب هنا

رانيا سبانش افتح الرسايل الخاصة ازاى شكرا يا بنات على اهتمامكم ودعائكم ربنا يكرمكم جمبعا هو رجع...