السلام عليكم
انا هقولكم لكم اللى بعمله فى رمضان وان شاء الله كمان استفيد منكم ونطوره اكثر
لانى حاسة انه لسة ناقصة حاجات
بالنسبة للقرأن بقرأ بعد كل صلاة صفحتين ثلاثة أو اكثر على قد ما بقدرولما بصلى التراويح بكمل بقية الجزء
بتاع اليوم وممكن أزيد كمان عشان ايام الدورة ولو هتيجى فى أخر رمضان بحاول أن شاء الله أختمه قبل ما تيجى
وبالنسبة للمطبخ والترويق أنا اصلا بنظف البيت كله يوم الخميس وكل يوم بيبقى ترويق على السريع ترتيب السراير نشر غسيل او طى او كوى و مسح الأتربة
عمل الأكل غسل الصحون

قبل شهر رمضان بعمل زجاجتين شربات حلويات (شيرة) بتكفى رمضان كله عشان القطايف والحلويات
اما السمبوسة او سبرينج رول او الحاجات اللى بتحتاج وقت بعملها بالإسبوع واحطها فى الفريزير وكل يوم أطلع على قد الأكل
وطبعا بحشيها وانا بتفرج على برنامج دينى او اى برنامج عشان اكسب وقت
ومثلا اجيب اللحم المفروم كمية
وأعصجها بالبصل والفلفل والملح والبهار وقرن فلفل
واحطها فى الفريز بتسهل عليا الحشوات والمكرونة بالبشاميل والجلاش وكده
واول ما اصحى من النوم انقع الخشاف وأعمل زجاجات العصير واحطةبالثلاجة
ولو مثلا عندى أكل وعمله جانبه سمبوسة وسلطة
اطلع سمك اغسله واتبله لليوم اللى بعده واحطة بالثلاجة
او فراخ اتبلها للشوى
انا عارفة انها حاجات عادية كلنا بنعملها بس يمكن حد يستفيد منها

مى وحشانى كلامك جميل بس برضه ممكن نكتب منهاج كامل وكل واحد يعدل فيه على حياته
والاسلاك انا بشيل الفيشه وامسحها بقماشه منديه خفيف بس بستنى لما يرجع هو و يحط الفيشه انا بخاف من الكهرباء لانى اتكهربت مرتين
تسلم ايديكم اهلا وسهلا بيكى معانا وهتنورينا

رشا 12 لا ياجميل كلام مفيد وان شاء الله نجمع كل حاجه من كلامنا ونرتبها شكرا ليكى
روشانا انا عارفه انك مش بتحبى تتكلمى كثير بس انت ما شاء الله عليكى شاطرة فى النقل من الكمبيوتلر والينكات ياريت تسيفى الحاجات وراء بعض علشان نجمع منها احسن نظام طبعا دة لو ان شاء سمحتى بالموضوع وشكرا

بصراحه وحشتوني قوي
لسه مقرتش كل اللي فات لاني كنت مشغوله و مش ف المود و فرحت قوي لان فيميل جوزها رجع تعرفي يا فيميل انتي بتفكريني بواحده صحبتي و عزيزه عليا اتمني تكوني بتقري مشاركاتي هكتبلك بس لما اكمل اللي فات

انا رجعت مي حمد الله عالسلامه

روني ازيك يا حبيبتي ورده اقري بسرعه ومكتبتيش المنيو بتاعتك

انا مع راي هدي ان احنا هنحط الخطوط العريضه وشوية تفاصيل كل واحد بعد كده يرتب التفاصيل حسب يومه لكن في الاخر تكون المحصله واحده

انا حتي لسه كنت بفاوض جوزي عشان ان شاء الله اما انزل اخد الاب توب معايا عشان اعرف ادخل كل يوم ان شاء الله وكمان يا رب البريود تجيلي وانا في مصر في رمضان لانها بصراحه بتكون ايام بالنسبه ليه ضايعه ومش منظمه اوي لكن ان شاء الله مع بعض هبقي منظمه وهنجز السنه ديه ان شاء الله
اه افتكرت من سنتين كان عمرو خالد عامل برنامج في رمضان وكانت حاطط تقريبا 5 اهداف بيقول لو كل واحد خلاهم من اهدافه هننهض بالامه انا مش فاكراهم اوي بس هوز هدف واحد اللي فضل في دماغي ومش بنساه انه دايما كان بيقول اننا ندعي ربنا يرزقنا بعمل ننفع بيه الناس علشان يوم القيامه الرسول صلي الله عليه وسلم يفخر بينا هو طبعا كان بيقوله بصوره مرتبه لكن انا مش ناسيه خالص الموضوع ده مش عارفه ليه