السلام عليكم

انوجة

انا مبسوطة اوى انك خرجت من الحالة اللى عندك وروحى كل يوم النادى مع يوسف .. انتى عارفة الاطفال عندهم طاقة مش زيينا وكمان الخروج في الهوا والشمس مضاد للاكتئاب انا كمان بحبك تقولى ميوش اصل محدش بيدلعنى بيقولوا اسمك صغير ومش محتاج دلع

انا كمان حاسة انه في تهاون في موضوع الشفط دة لازم نرجع نتمم عليه

يلا كله يشفط بطنه بسرعة ههههههههه

الاكلام اللى قلتيه عن الموت مريح يارب يكون صحيح
اللهم ارحم موتانا وموتى المسلمين ونور قبورهم واجعل مثواهم الجنة

وبحبك في الله


ام البنات

تجهيزاتك لرمضان حلوة اوى بس ممكن تقولى لى البهارات بتاعتك بتعمليها ازاى عشان نفسي اعملها بنفسي بدل الجاهز

ربنا يعفو عن والدك ويرحمه ويخفف عنه ويشفيه يارب

تسلم ايديكم

انا نفس المشكلة عندى هم العيال ربنا يهديهم بيعطلوكى ابنى بيفضل وراى يفتح الادراج ويطلع و لعبه على الارض مش لاحقة اعمل اللى ورايا ولا الم وراه

الصغيرة عايزة تتشال وترضع وتلعب

الحمدلله على كل حال

ام البنات قالت اقتراحات حلوة يارب تفيدك وربنا يشفى والدتك شفاءا تاما

ام شهاب

ربنا يشفي اخوك واختك شفاءا تاما لا يغادر سقما

زوجك
كيف تكسبين محبة زوجك؟

قبل ان اذكر الوسائل اقول لكى اختاه (كونى له كفاطمة يكون لكى كعلى)
وللجواب على ذلك نرى أنه لا بد من اتباع هذه الوسائل:
1- أظهري له أنه هو الأقوى والأفضل ولا تحاولي أن تنتصري عليه.
2- غيري من طباعك لتوافقي طباعه، ولا تحاولي تغيير طبعه ليوافق طبعك.
3- قابلي الزوج الفظ بالضعف والبكاء ولا تصادميه.
4- لا تتأففي منه ولا تكثري الإلحاح في طلباتك.
5- لا تدخليه في كل مشاكل الأبناء، واتركي له المشكلات الكبيرة فقط.
6- إياك التوتر والقلق والعصبية والصراخ والشك، فهي سبب لفشل المرأة.
7- اختاري الوقت المناسب والكلام المناسب، فلا تناقشيه في حال تعبه أو غضبه.
8- أظهري أهميته في حياتك واشعريه بنجاحه.
9- كوني لبقة عند نصحه واتبعي الأسلوب غير المباشر.
10- لا تكثري انتقاده واكثري من ذكر محاسنه ومدحه.
11- اجعلي بيتك وملابسك ذات رائحة جميلة دائمة.
12- اقتنعي بمستواه المادي ذلك سبب لسعادتكما.
13- لا تسمحي لأي إنسان أن يتدخل في شؤونكما الخاصة، فإن ذلك قد يفسد قلبه.
14- تعلمي أسلوب النقاش الذي يناسبه.
15- أحسني الاستماع إليه إذا تكلم.
16- لا تكوني لجوجة ولا لوامة ولا تافهة في حديثك معه.
17- أعطيه كل ما يريد قبل أن تأخذي ما تريدين.
18- أحسني إلى أهله لأنهم أهله.
19- إياك وخيانة الأمانة أو الخداع أو إثارة شكوكه.
20- لا تكوني كسولة أو متمارضة أو مهملة أو كثيرة النوم.
21- لا تكوني ثرثارة ولا مخالفة لرغباته.
22- لا تكوني عبوسا ولا تصطنعي النكد.
23- لا تحاولي السيطرة عليه ولا تكوني متكبرة أو منانة.
24- اظهري الزينة له دون المبالغة.
25- جددي باستمرار في طبخك.
26- ودعيه عند خروجه واستقبليه عند دخوله.
27- اشكريه على كل ما يحضره إلى بيته.
28- اجتنبي التبذير والإسراف وكثرة النزول إلى الأسواق.
29- لا تكذبي عليه مهما كانت الأسباب.
30- لا تنقلي إليه كلام الأقارب إلا في حال المدح.
31- لا تطلبي الطلاق منه في حال غضبك.
32- لا تخرجي من المنزل بدون إذنه.
33- لا تدخلي إلى البيت إلا من يرضى عنهن.
34- هيئي له مكان نومه الهادئ.
35- أبعدي عنه الأبناء في حال غضبه أو تعبه.
36- لا تكثري من المحادثات الهاتفية مع الصديقات، وبالذات في حال وجوده.
37- لا تسأليه عن عمله إلا إذا كان متقبلا ذلك. ولا تتصلي به أثناء عمله إلا للضرورة.

المقاله دى لوحده حلوه قوى يارب تقراها ويارب تعرف نفسها ويصلح حالها مش زوجه مصريه عقله العاقلين ملقتش الكتاب يااحلى زوجه لما ترجعى اقولى انزله ازاى

مى حبيبه قلبى ممس فعلا اسمك لوحدة دلع بس برضه انا ادلعك انا معملتش لسه التمارين بس والله بمسح البيت كله يوم المساحات الفضيه ويوم كله بالكامل بحس انها رياضه بس اوعدك هبقى معاكم فى النادى الرياضى وان شاء الله هقولك على التوابل والبهارات هكتبها وانا بشتريها علشان اديك الطريقه بالامانه لانى بنسى انا بعملها فى الغوريه بيقى عندى احساس بجمال المكان بمشى من العتبه والازهر الى الغوريه كانى فى عالم من الخيال وبتخيل نفسى ورا المشربيه وريحه البخور والتوابل هناك بترجعنى فى حاله نفسيه حلوة انا هنزل ان شاء الله بدرى عن كل سنه علشان اقولك بالظبط والله من غير عزومه لوجتى بالسلامه اجيبها لحد البيت

عروس حبيبتى يارن تكسبوا القضيه مش عارفه ازاى ارجع يوم الاحد ملقيش عروس بتكتب صعب عليا وعلى الكل انتى ميزان بيت الحب ولايمان كله بدون مبالغه يارب يجعل ليكم الصعب سهلا والعسير هين امين يارب

اقولكم خبر حلو بابا بقاله اكثر من كام شهر ناسى الصلاه وامبارح قلتله الادعيه وقال ورايا ودعاء التوبه كنت بسمعه من الشيخ وانا طفله يوم الجمعه وبردة ردد ورايا وقلتله صلى بقلبك وفكرته ان هو الى علمنى الاحاديث الى قلتهاله سبحان الله اختى الصغيرة قالتلى من شويه انه قام فى صلاه الفجر قام بمعنى افتكر وتيقظ مش اتحرك احسن اختى افتكرت انه قام من السرير ولايكبر على الله شىء وصلى الفجر وقراء قراءن من الذاكرة لحد لما انام وانا عاهدت نفسى انى كل ماروح ان شاء الله اعيد معاة نفس الى عملته كنت حاسه وقتها بان الدعاء كان من قبلى وكنت حاسه بالملايكه حواليه وعندى امل فى الله انه لان يبخل على وهو الكريم بحسن الخاتمه له وليه ولكل من احب
انا اشتريت ياعروس منبه يصحى الجيران بس دوست على حاجه غلط مرنش بس لاياس مع الحياة

ام جميله وميرو ظبتكم اون لان ومادخلتوش بعد كدة هعقابكم

كل البنات فى امان الله انا همشى بدرى راحه لبابا وبعد بابا لعم جوزى وكل العمل لله ربنا يتقبل نورهان خلصت عقبال ايه وكل بناتكم واولادكم بالنجاح والفلاح

ميرو يارب يكون شيكو بخير ايناس يارب يكون اسماعيل بخير كنزى يارب تكون كوكى بخير

واتمنى من الله ان المهندس يجى بكرة للجهاز علشان اتواصل معاكم
استودعكم الله الذى لاتضيع وددائعه
ا

ازيكم يا بنات اخباركم ايه
وحشتونى
انجى حمدالله على السيلامة وانتى وحشتينى قوى وانا مبسوطة انك خرجتى من المود الى كنتى فيه
تسلم ايديكم ازيك يا حبيبتى اخبارك ايه كلام ام البنات وسومة هو الى كنت عايزة اقولهولك وممكن كمان نعملى بخاخ فيرى وخل وملح ليمون وتحطيه جنب البوتجاز دى فكرة عروس ربنا يجازيها كل خير وكل لما تخلصى طبيخ ترشى الحيطة الى ورا البوتجاز والبوتجاز وفى ثوانى هتلاقيه نضف والتقفيل الى جنب البوتجاز نضفيه كويس وحطى عليه ورق فويل من الجانبين وهاتى الكرتونة الى بتبقى جوا الفويل وغطيها بورق فويل وحطيها بين البوتجاز والتقفيل علشان مفيش حاجة تقع على الارض
وحاولى تنضفى وتمسحى بدرى واولادك نايمين علشان ما يبوظوش الدنيا
وهاتى بخاخ برده من نفس التركيبة فى الحمام ورشى ولمعى وخصصى فرشاة للحوض ورشى وادعكى والبانيو ادعكيه مرة فى الاسبوع
وحاولى تنظمى كل يوم درج لغاية ما تلاقى كله منظم
وهاتى باسكت كبير للعب الاولاد وخليهم يلموا اللعب بعد لما يخلصوا وقناة براعم حلوة اوى

ولوعايزة تسالى عن حاجة انا تحت امرك

عطر ازيك وازاى يويو انا مبسوطه اوى ان نفسيتك اتحسنت يارب دايما ان شاء الله
انا الحمد لله كويسه ومجرد احساسى ان يوسف خلص امتحانات فرق معايا هو كان اخر امتحان ليه النهارده وانا كمان الامتحان بتاع الشغل اللى كنت قولتلك عليه امتحنته خلاص صحيح جبت رقم مش ولا بد بس المهم انى عديت تتصورى عرفونى بموعد الامتحان قبلها بيوم وطبعا انتى عارفه انا ما كنتش مستعده خالص ان شاء الله هنزل الشغل بكره وما ليس نفس انزل بس ما فيش مفر هنزل انا عماله اصبر نفسى واقول هما يومين وبعدين ارجع ارتب للاجازه علشان الولاد يحسوا بفرق يلا الحمد لله على كل حال سلامى للجميع

السلام عليكم
ازيكو يابنات شكرا جدا ليكوا ماكنتش عارفه اني غاليه عليكوا انا من امبارح وانا بقرا كتابتكوا من الصفحه 55 يامفتارين لحد ال92 طبعا ما قراتش كله لكن تابعت قصة فيميل الى النهايه واللهي فرحت جدا وارجو لكي السعاده
الغريبه سبحان الله فعلا قصتك يافيميل تقريبا في كل بيت وانا ليه جزء فيها
بس ردود البنات استفدت منها كثيرا
زوجه مصريه وميرو حقيقي استفدت كتير منكوا
eenالف سلامه على ابنك ويارب يكون دلوقت بخير
عطر حبيبتي الف سلامنه عليكي انت اتغيرتي كتير مش انت عطلر بتاعت السنه اللي فاتت
رشا شكرا بترحيبك بيه
ام البنات المصريه rawneyالرمال الناعمه وعروس النيل وارجو عفو ربي
شكرا بترحبكوا ويارب ما اكون نسيت احد وشويه شويه هاتعود على اساميكوا ومانساش احد
انتم بتتكلموا عللى رمضان من دلوقت وهو احنا بدانا رجب اصل انات مش في الدنيا
اما انا جوزي على طول بره في الشغل وبيسافر ويبات وعلى طول قاعده لوحدي واهلي في بلدتاني غير اللي انا عايشه فيها بصراحه مقصره جدا مع اولادي اغلب الوقت بقضيه في النوم ويقعدوا يقولولي قومي ياماما باءه اقعدي معانا انا حاسه بالذمب بس انا بهرب من الفراغ
عايزه استغل الاجازه واحفظهم قران ربنا يعين نفسي ارغي معاكوا كتير بس مره تانيه وسلام للجميع