ام البنات
صباح الورد و الياسمين
اخبار امتحانات البنات اية خلاص ا بقاش كتير ربنا معاهم يا رب

هايا
ازيك يا جميل
سلامتك يا قمر الف سلامة
خدى لمون على عسل انتى و البنوتة و باذن الله تكونوا تمام
و فعلا الجو الايام دى بقا غريب الصبح حر وباليل فية لسعة برد

المقادير:-نصف كيلو لحم
-1بصلة صحيحة مقشرة
-1بصلة صغيرة مفرومة
-فلفل اسود
-1ملعقة كبيرة سمن بلدى
-4اكواب شوربة
-ماء
-1ونصف فنجان فريك
-ملح التحضير:-يقطع اللحم قطعا مناسبة ويغسل ثم يسلق فى الشوربة مع اضافة الملح والبصلة الصحيحة مدة ربع ساعة مع نزع الريم
-يغسل الفريك جيدا ونضيف الية اللحم فى وعاء ويترك على نار هادئة حتى ينضج مع اضافة الشوربة كلما احتاج الامر ثم يرفع من فوق النار ويقدح السمن ويحمر فية البصل ويضاف الى الفريك ويقدم بعد التتبيل
بصى انا حماتى بتعملة بطريقة مشبهة للطريقة دى و طعمة حلو
و تعرفى انك لو عملتية نفس طريقة تتبيلة حشوة الحمام و سوتية لوحدة هيبقا حلو بردوا

انا هستاذن ياجماعة
اصلى رايحة لماما
و هرجع كمان يومين هتوحشونى قوىىىىىىى و على فكرة و الله بتبقوا معايا طول الوقت و بدعيلكم كلكم
استودعكم الله

ام سوسو عقبال ما تعملى حفله التخرج من الجامعه
ماما زوزو عامله ايه رشا ورانيا

بصى يا قمره الفريك ممكن يتعمل بطريوقتين خير الحشو

يا اما مثلا تشوحى بصلة و لغاية لما تصفر و بعدين تقلبى عليها الفريك و شوية و بعدين تزوديلة يا اما شوربة يا اما ماية كل شوية لحد ما تحسى انه استوى كده و بقى طرى زى الرز و طبعا تحطى علية التوابل اللى عايزاها و تملحية و يتاكل بدل الرز جنب اى خضار

يا اما تصفرى البصلة و تحطى عليها طمطام معصورة او صلصة و تطحطى الفريك و الوتابل و يبقى فريك متسبك بالطماطم بتاكل جنب اى حاجة او ممكن بالعيش

و ممكن حل تالت انك تعملى صينية فريك بالفراخ فى الفرن تغسلى الفراخ كويس و تبليها زى ما بتحبى و اديها نص سلقة على النار و بعدين طلعيها و قطعى بصل و زودى عليه الفريك المغسول و حطى التوابل و ملح و فلفل و بعدين حطية فى صينية و حطى الفراخ فى الوسط و قطعى شرايح طماطم على وش الصينية و على الفرن و طبعا تكونى حطالة شوربة و سبية يستوى و يتاكل كده جنب مثلا ملوخية و سلطة و خلاص او ممكن يبقى فريك و فراخ و بالهنا و الشفا

و على فكرة لو فرنك حامى والفراخ صغيرة شوية ممكن تحطى الفرخة ناية بس مقطعة 4 اجزاء



و بالنسبة ليومياتى

يوم الخميس خرجت مع اصحابى كنوع من انواع التغيير و كسر الروتين و تغيير المود

و يوم الجمعة صحيت من فضل الله و بعد ما فطرنا نضفت غرفتى و الليفنج تنضيف عميق من شبابيك و اخشاب و تلميع و تغيير الملايات و كمان قلبت المرتبة و شلت السجاجيد اللى فى غرفتى و فى الليفنج و بتاعت المطبخ وادتها للبواب يغسلها و جبهالى امبارح

و كمان مسحت ورا الكنب بتاع الليفنج و المكتبة و خلعت الستارة و غسلتها و نشفت و ركبتها

و بعدين دخلت على الحمام غسلت كل فرش الحمام و تنضيف عميق طبعا و استحميت و الغدا كان صينية ريش بتلو بالبطاطس و رز محمر و الحلو عملت كيك بصوص الشيكولاتة و عصير خوخ

يوم السبت تنضيف خفيف لمطبخ و مسح و بعدين الريسبشن تنظيف و تلميع و مسح ارضيات و لمعت النجف كمان و كذلك البلكونة و طبعا غسيل و نشير و تطبيق غسيل و الغدا كان مكرونة بالصوص الأبيض بالريحان و الزيتون و فراخ بانية و سلطة بنجر
و فى الأخر بعد ما صلينا المغرب اتوكلت على الله و قلت اطلع الصيفى و الحمد لله طلعت الصيفى و دخلت الشتوى و تمت العملية بنجاح بفضل و عون الرحمن

و طبعا نمت مش شايفة قدامى و صحيت الصبح خدت روان اديتها تطعيم السنة و النص ( ادعولها مش تتعب منه ) و جيت على الشغل و كلمتكم عشان وحشتونى