توتة
اهلا يا هانم ايه الغيبة الطويلة دى احنا كلنا فعلا افتكرناكى ولدتى وقلقنا عليكى كتير لانك لسه فى التامن

ايجيبتى
ما شاء الله وصفاتك جميلة
وبالنسبة للغسالة انا مرتاحة معاها بس ممكن تكون فرحة الحاجة فى الاول وبالنسبة للصرف انا حاطاها فى الحمام ومنزلة الخرطوم وبعد اما تخلص امسح الحمام وخلاص وطبعا ممكن نحطها جنب بلاعة الحمام على طول بس انا معنديش مكان

اسماء تسلم اديكم
كل ده ومعندكيش حاجة لينا ما شاء الله عليكى

اسماء محتاجة للدعاء
كلنا عارفينك طبعا وياريت تفضلى معانا على طول وتطمنينا على اروى
ربنا يخليلك بناتك ويششفيلك اروى يارب

يا بنات الموقع اللى كاتباه رانيا سبانش جميل جدا متاع مجالس العلم
انا اشتركت فيه وحضرت درس تجويد فى غرفة صوتية
وكمان انهاردة فى محاضرة بخصوص الطفال
فياريت تسجلوا فيه

الله يخليكى حبيبتى
بس معلش ممكن اعرف اسمك ايه؟؟؟؟؟؟
وممكن عنوان الموقع وشكرا ليكى

السلام عليكم ورحمة الله وبركاته

ازيكم يا حلوين وحشتوني خالث مالث
انا في الشغل النهاردة مع الاسف بس يلا الحمد لله

كل البنوتات الجداد(تسلم ايديكم - ام ندين) والقدام اللي بيدلعوا اهلا بيكم معانا طبعا (اسومة مامة البنات الحلوين)

توتة حمد لله على السلامة خضتينا يا بنتي

انوج ايوة كدة مفيش احلى من الخروج بالنهار تصدقي يوم الخميس وديت ملك المدرسة واستأذنت كان عندي مشواير مستغربة الشوارع بالنهار والبحر رايق وفاضي حسيت ان ساعات اللي بتعدي في الشغل بتروح هدر يلا الحمد لله
شوفي يا ستي كانت حفلة اخر السنة امبارح ويوم الاتنين ان شاء الله التخرج بتاعها من البلاي سكوول واخر يوم دراسي الخميس ان شاء الله وعايزة ازبطلها واشتركها في اي رياضة لاحسن بدأت تتعلق بالتلفزيون (ديزني طبعا ) زيادة وانا مش عجبني كدة

هدهود الجميل ما شاء الله لا قوة الا بالله حلو اوي اللي عملتيه مع باباكي ياريت تداومي عليه ربنا يحسن ختامنا جميعا

مرمر حمد لله على السلامة يا جميل مصر نورت

ام سوسو انا زيك في موضوع الاكل مش مهم اوي عندنا في رمضان ولا غير رمضان يدوب بزود الشوربة اهم حاجة انه يكون صابح يوميا زوجي مش بيرضى ياكل اكل بايت او يوم للبواقي فدايما بعمل كميات صغيرة

صباح الجمال والورد والياسمين على الكل

السلام عليكم ورحمة **** وبركاتة
عاملين اية يا بنات هو فية ناس كتير غايبين ولا انا متهيألى مش عارفة مش شايفة اسامى كنت دايما ياشوفها عطر -عروس النيل -ام يوسف تقريبا دول كنت باشوفهم يوميا ودلوقتى مش موجودين يا رب يكون خير
باقى البنات كلكم اتمنى لكم كل سعادة وهنا
تسلم ايديكم جميل قوى الفيديو ما شاء ****
بالنسبة للعجينة بتاعة الفينو والبتزا انا واخداها من هنا فى المنتدى عجينة شمس وهاقولك عليها
هاتى اتنين كوب لبن ودفيهم وعليهم معلقتين صغيرين خميرة ودوبيهم
وحطى عليهم معلقة صغيرة ملح ومعلقتين كبار سكر ونصف كوب زيت ودوبيهم
وبعدين حطى اتنين كوب دقيق وقلبى وحضرى اتنين كوب دقيق كمان فى اى بتاعة بلاستيك تانى وزودى شوية بشوية واعجنى لغاية لما العجينة تلم وناتلوقش وممكن تحتاج كمان شوية دقيق وممكن لا
سيبيها ساعة تخمر
علشان تعملى منها فينو قطعيها كور صغيرة كدة قد الييضة للفينو وكور اكبر شوية للكيزر بعد ماتخلصى العجينة كلها كور هاتى الصوانى وادهنيها زيت خفيف وبعدين كور الكيزر حاولى بس تلميها وتظبطى شكلها وسبيها كور زى ما هى وحطى فى الصينية
بالنسبة للفينو الصوابع هاتى الكورة الصغيرة وافرديها بالنشابة كويس ولفيها زى الرول وحطيها على الصينية وبس
سيبيهم كدة فى الصوانى على قد مايقدرك ربنا ساعة ساعتين لحد ماتيكبرو فى الحجم ويخمروا كوبس علشان الفينو يبقى هش ومايبقاش كابس بيطلع طعمة جميل قوى تاكلية حاف كدة
بعد ماتشوفى حجمهم كبر تشغلى الفرن على الوسط وتسيبيها تسخن شوية ممكن عشر دقايق او ربع ساعة تسخن وبعدبن تحطى الصوانى وتسوبها لغاية لما تحمر من فوق ومن تحت وبالهنا والشفا
نفس العجينة ممكن تعملى بيها بيتزا ولول انت مقررة انك تعملى المقدار دة كلة بيتزا من الاول ممكن تضيفى للدقيق فى البداية زعتر وبعدين تعجنى عادى بتخلى طعم اليتزا حلو والمقدار دة بيعمل تلاتة بيتزا علشان انا بحبها رفيعة