السلام عليكم ورحمة الله وبركاته

وحشتوني كتييييييييييييير امبارح كنت عامله حملة تنضيف عميق جداااااااااااااااا
بما اني فارشه الشقه موكيت بناء علي رغبة جوزي عشان خاطر الاولاد خايف عليهم من الخبطات والصدمات
وطبعا تنضيفه مشكله لأنه النوع الي بيسموه مكرونه انا كنت الاول بجيب طبق كبير واحط فيه مايه وديتول وكمفورت واجيب المقشه من غير العصايه وامشي عليه كله بالديتول
بس امبارح حطيت مايه علي ملح لمون كتيييييييير علي فيري شويه صغيرين علي ماء ورد وجبت فرشة البلاط
وهاتك يا دعك بس طبعا ماغرقتش ماية اوي عشان ينشف كويس من غير كمكمه المهم بعد ما خلصت حسيت انه رجع جديد والحمد لله
وكمان بنفس الخلطه نضفت الانتريه كويس جدا بس وفي الاخر فتحت الشباك والحمد لله الشمس عندي بتدخل كويس جدا وسبته مفتوح ودخلت نمت انا بعد الضهر ولما صحيت كان نشف
وكمان غيرت نظام الشقه خالص ترتيب الانتريه والترابيزات وغيرت حاجات في اوضة النوم
الحمد لله جوزي لما رجع قالي الشقه اتغيرت خالص
وعملت امبارح فراخ مع رز معمر وخضار مشكل في الفرن وتبلت فرخه وشيلتها في التلاجه عشان النهارده وممكن اعمل ملوخيه ورز بشعريه عشان عندي شوربه

المهم مش رضيت ادخل النت الصبح عشان مش بقدر امسك نفسي وبقعد كل شويه ادخل اقرا وبعد ما صحيت محمد مش اداني فرصه وكمان مش رضيت اضايقه لأننا فتحنا صفحه جديده وقولت اجرب الطاعه العمياء زي ما بيقولي

ام سوسو يا حبيبتي تسلميلي يا عمري بس بجد انا شايله همك اوي في موضوع الكهربا طيب مش ينفع تبقوا تجيبوا مولد اكبر عشان يقعد معاكي ساعات اكتر ؟؟؟بجد الله يكون في عونكم ويصبركم ويجعلكم حل في الموضوع ده ومعلش ياحبيبتي كله بثوابه
بصي يا قمر انا مش قولت اكل بايت بس هو الفراخ او اللحمه بس ممكن تكون مسلوقه وزي ما هي في الشوربه وتكون مثلا التسبيكه بتاعة الطبيخ معموله وجاهزه علي الاضافات وطبعا الرز لازم يكون بتاع اليوم نفسه
والمكرونه في الفريزر بجد زي الصابحه بالظبط تخيلي احنا يوم الخميس صحيت متأخره وبجد نفعتني اوي
فعلا انا حسيت أني اختصرت حاجات كتير ومنهم طبعا غسيل المواعين بتاع كل يوم طبيخ فهمتيني يا عمري

رشا اخبارك ايه يا قمر برافو عليكي انك مستمره في موضوع السنن جزاكي الله خير

مرمر حمدلله علي السلامه يا حبيبتي وعقبال ماتقومي بالسلامه يارب

الرمال ما شاء الله مقالات حلوه اوي ربنا يباركلك

اسماء تسلم ايديكم معلش يا حبيبتي نسيت ارحب بيكي معلش كنت مش مركزه الفتره الي فاتت بس ما شاء الله باين عليكي نشيطه وكمان انا بردوا عندي يوسف ومريم انتي ولادك اد ايه

اسماء ام اروي ازيك يا حبيبتي واخبار اروي ايه دلوقتي يارب يتم شفاها ويفرحك بيها وبأخواتها وطبعا اهلا بيكي معانا يا جميل ده انتي واروي دايما في القلب

ريهام معلش يا حبيبتي هو فعلا الرجاله كلهم كده وعمرنا ما هنغيرهم انتي عارفه انا وجوزي بقالنا فتره كبيره في مشاكل ومشادات محدش مستحمل من التاني كلمه وبعدين تخيلي لما يكون عندك طفلين الفرق بينهم سنه ونص ولسه مش بيتكلموا ومتغربه في بلد بعيد عن اهلك ويادوبك هي خروجه او اتنين كل اسبوع ولازم يتنكد عليكي فيهم ياما انتي مقصره في حاجه يا اما ولادك عملولو حاجه ضايقته
تخيلي لما تكون الحياه ماشيه علي كده انك مهما تعملي مافيش تقدير او حتي كلمه حنينه والاستفزاز تقريبا طول ماهو في البيت وعلي فكره احنا متجوزين بعد قصة حب جامجه جدا بس طبعا بعد الجواز كل حاجه بتتغير
المهم انا جربت كل الاسليب لتحسين العلاقه وفي الاخر قعدت مع نفسي ادور علي الخلل قلت طيب يمكن يكون ده احتبار من عند ربنا وكنت بدعي ليل ونهار والحمد لله وصلنا للغه جديده للتفاهم وربنا يهدي
بس المهم انك ماتتوقعيش اي حاجه كويسه وماتستنيش انه يقدر ظروفك او الي بتعمليه عشانه صدقيني كده هترتاحي اكتر ولو حاجه ضايقتك طنشيييييي وممكن تنقوليله بأسلوب كويس وطبعا مش بطريقة عتاب خالص
ربنا يصلحلك الحال يارب

ام عبدالله .........
والله بحبك في الله والحمدلله ربنا اكرمني بنعم الاخت ألي دايما تسأل عني واحس حبها وخوفها علية في كل نصيحه او حاجه تقولهالي
بجد يا بنتات ام عبدالله انسانه رائعه احسبها علي خير ولا ازكي علي الله احدا ربنا يديم بينا الحب في الله ويفرحها بولادها ويديها كل ماتتمني اللهم امين

مني يا قمر بجد انا الي هتجنن واشوفك اصلا ربنا مايحرمني منك ومن حنيتك يارب

ام البنات دودو وحشتيني مووووووووت يالا عايزين جرعة نشاط منك ومن ام سوسو تاني

جي جي انا فرحانه عشانك اوي انك ابتديتي تخرجي وتخرجي يوسف ايوه كده يا بنتي حد يبقي في مصر ويقفل علي نفسه كده
لا واسكندريه كمان انتي عارفه بأه ..........

فيميل اخبارك ايه يا جميل واخبارك مع جوزك ايه دلوقتي يالا قوليلنا يومياتك

ميوش عامله ايه يا قمر موضوع نمص الحواجب بصراحه انا بظبطهم علي خفيف لأن بردوا اخدت بالفتوي الي بتقول ممكن لو شكلهم وحش نشيل الي بيبقي شكله مكروه والنيه طبعا للزوج

ايناس اخبارك ايه يا حبيبتي انتي في الكام دلوقتي واخبار اسماعيل ايه

كنزي حمدلله علي السلامه يا قمر بجد النت ده مشكله لما بيفصل كان الدنيا كلها فصلت

عروس يارب ترجعيلنا بالسلامه واشوف النهارده اخبار حلوه منك

ماما زوزو وايجيبيتي ورشا ام خالد ولميا وهايا وروني وكموري وبوتا وميرو وايمان حبيبه وتوته ونانسي وزوجه مصريه وام سهيله وارجو عفو ربي ومادو رانيا اسبانيش ورحاب وكل الناس المختفيه انتوا فين وحشتوني


اللهم إني أسألك نفسا مطمئنة تؤمن بلقائك وترضى بقضائك وتقنع بعطائك

النظام الاجتماعي للإسلام نظام متوازن


تحدثت إليكم عن الخاصية الأولى والثانية من خصائص النظام الاجتماعي للإسلام :أنَّه نِظام رباني ونظام تعبدي واليوم نستعرض وإياكم من سلسلة تبسيط هذه الخصائص الخاصية الثالثة أن النظام الاجتماعي نظام متوازن

عجيب ترابطك يا إسلامي
عجيب يا إخوتي هذا الترابط في توازن النظام الإجتماعي للإسلام وهو يوازن بين حقوق النساء والرجال سواء امراة ورجل أو نساء ورجال أو مجتمع ومجتمع أو حتى مجتمعات ومجتمعات - بشر وبشر - تستشعر ذلك وأنت تقرأ قول الله تعالى:{يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ} .
توازن بين البشر إذا قلت عاطفة ، أو عقل، أو رغبة أو ميل من رغبات الجسد الروحية فلا يطْغَى جانبٌ على حِساب جانب، فَتَبَارَك اللَّهُ رَبُّ العالمين، الذي أنعم علينا بهذا التشريع الميسَّر، والنظام الاجتماعي الكريم.
لاحظوا معي ...
في الرأسمالية يَكْدَحُ العُمَّالُ والمجتمَع؛ ليجْنِيَ أصحابُ رَأْسِ المال، ويشقَى الأكثرُ ليَسْعَدَ الأقلُّ.
في ظِلِّ الشُّيُوعيَّة يُكبَت الفرد بدعوى مصلحة الجماعة، وتُحجَب عنه معظم تطلُّعاتِه، ويُسحق في إرادته للجماعة.
في الإسلام نظامٌ مُتوازنٌ ؛ فلا يسحق الفرد باسم الجماعة، ولا تُهدر مصالح الجماعة لمصلحة فردٍ أو حِزْبٍ أو فِئَةٍ، ومتوازِنٌ في متطلبات الإنسان الرُّوحيَّة والعقليَّة والجسميَّة؛ فلا إهدار فيه ولا إفراط.
من ذلك قول الله تعالى: {وَلَهُنَّ مِثْلُ الَّذِي عَلَيْهِنَّ بِالْمَعْرُوفِ وَلِلرِّجَالِ عَلَيْهِنَّ دَرَجَةٌ وَاللَّهُ عَزِيزٌ حَكِيمٌ} ، وقول الله تعالى: {إِنَّ أَكْرَمَكُمْ عِنْدَ اللَّهِ أَتْقَاكُمْ} ، وقول الله تعالى: {وَابْتَغِ فِيمَا آَتَاكَ اللَّهُ الدَّارَ الآَخِرَةَ وَلَا تَنْسَ نَصِيبَكَ مِنَ الدُّنْيَا وَأَحْسِنْ كَمَا أَحْسَنَ اللَّهُ إِلَيْكَ} وغير ذلك من الآيات الكريمة.
النظام في الإسلام مهما أَعَدْتَ النظر، فلن تجد فيه نقصًا ولا فطورًا، لا في نظامه الاجتماعي، ولا السياسي، ولا الاقتصادي، فالذي قَدَّر كلَّ شيء، وأتقن في الخلق، قَدَّر وأكمل التقدير في النظام الذي حدده لهذا الخلق وهذه الحياة، فتبارك الله رب العالمين.
أخيراً وهو لب الموضوع ومقصوده:
هذه الخاصية إن لم نستطع أن نذكر بها قومنا؛ فعلى الأقل أن نطبقها على أنفسنا ، فبهذه الخاصية يتحقَّق العدل الذي تتطلع إليه البشرية دائمًا، العدل الحقيقي بأبعاده الشاملة، وأذكر لكم في ختام هذه الخاصية العدل في الميراث بأن كان الرجل ضعف الأنثى:
فمحمد وأمل أخوان مات والدهما ترك 3000 دينار أخذ الولد 2000 وأخذت أمل 1000 فقال الغرب هذا ظلم؛ وقال الإسلام هذا عدل !!!!!
انظروا...
أراد محمد أن يتزوج فدفع 2000مما معه مهراً للعروس واستدان ألفا للتجهيزات فصار صفر اليدين لا مال معه أليس كذلك ...!!!
أرادت أمل أن تتزوج فأخذت 2000 مما مع العريس فصارت تملك 3000 دينار .
ثم بعد الزواج
الرجل مكلف بالإنفاق على الزوجة (أمل) من ماله فلا تنفق من الـ 3000 دينار شيئاً فهل هذا ظلم من الإسلام للمرأة كما زعموا أم هو والله التوازن
فقولوا الحمد لله

يا بنات الرابط الي رانيا حاطاه بتاع غرف الاطفال حلو جدا يا خساره ولادي لسه صغيرين
بجد الي عندها اطفال فوق 6 سنين تشترك

السلام عليكم ورحمة الله

ازيكم جميعا يا اهل البيت

هو الواضح ان سواء كنا متجوزين تقليدي ولا متجوزين عن حب هيفضل الصراع قايم واحنا مش عاجبين على طول

لسه امبارح كنت ناوية اشتكيلكم من المشاكل والكلام اللي ملوش لازمة وادام الناس مفيش خروجة نخرجها غير لازم نرجع متخانئين ومغتتين على بعض وقلت مفيش داعي للنكد بس يظهر انه مقدر ومكتوب

يارب اصلح احوالنا جميعا واهديلنا ازواجنا وجعلنا قرة اعينهم جميعا يارب

اللهم إني أسألك نفسا مطمئنة تؤمن بلقائك وترضى بقضائك وتقنع بعطائك

ريهام ... القصة الصينية جميلة اوى ربنا يحلينا دائما بقول الصدق
وربنا يهديلك الحال يجعل زوجك قرة عين لكى ويجعلك قرة عين له
الرمال الناعمة ....جزاكي الله خير على المواضيع الجميلة اللى دائما بنستفاد منها
وكمان شكرا على الدعاءربنا يرزقنا البر بابائنا ويرزقنا ببر ابنائنا لينا
الحمدلله ياربى انك انت ربى ولا رب لى سواك
بوتا ....ربنا يهون عليكم الوقت ويسهل الإمتحانات عليكم جميعا وتنجحوا
كنزى ...بارك الله فيك
عروس ربنا يكتبلك الخير دائما والصالح ليكم وترجعى بالسلامة