um susu :

السلام عليكم ورحمة الله وبركاته: كيف حالكم يا اغلى بنات ... يا زعولات .. يا حلوات... ميرو: حبيبتي ، ما شاء الله عليك انت ست بيت وام ممتازة بس حاولي تتنازلي اكثر ، يعني تعبري عن حبك اكثر ، مش شرط بالكلام يعني اللمسة الحنونة ، اول ما يجي تكوني واقفة مستنياه ، حضري ملابسه من يطلع من الحمام، افرشي له سجادة الصلاة ، احضري له كوباية ماية باردة من غير ما يطلبها، نظرة حلوة ، شاركيه بأهتماماته، البسي وفرفشي عشانك انت ما تستنيش كلمة حلوة منه لا فلبس ولا اكل ولا ايه حاجة . حاولي تحبي زوجي زي ما هو ، بس ما تخليهوش يبعد عنك خاصة في النوم ، يعني خذي الموضوع هزار وقولي لي انا حاصلي ارق مش قادرة انام من غير صوت شخيرك ، بس تعرفي ما تدخليش كتير كتير منتدى بلقيس ، هو الواحد لما يبقى يركز اوي في المواضيع دي يكون عاوز يطبق كل كلمة بس لما بنجي لارض الواقع نشوف شئ مختلف تماما، يعني انا عن نفسي كنت بادخل بس لمواقع تربية اطفال وبصراحة جت فترة ما ركزتش خالص ، وكنت احاسب نفسي على كل كلمة او نظرة لما تكون مخالفة عن اللي كنت باقراه. في الآخر ما ليش غير دعوة صادقة من قلب محب لك بان يجعل الله ايامك القادمة كلها سعادة ورحمة وهناء ويسخر لك زوجك كما تحبين يارب. وردة : انت وردتنا كلنا يا نور عيني بلاش النكد والزعل ، خلي مقامك عند نفسك كبير ، وثقتك بنفسك عالية وطنشي كلامه بس تعرفي ما تخليش توصل لمرحلة الإهانات ابدا يعني المفروض من اول يوم الواحد يكون عامل خطوط حمرا محدش يتعديها ابد ومهما حصل، وقولي لي بصريح العبارة رجاء من غير إهانات، وعادي اعملي اللي عليك وطبعا ده مش حا يضيع عن رب العباد اللي خلقنا ، وربنا يحنن قلبه عليك ويجعلك في عينه اجمل مراة ويربط على قلبه ويخليه متعلق بيك وما يضيعش ولا لحظة من غيرك يارب. ام يوسف: مبروك عليك التغير في البيت وشطورة ما شاءالله ، الله يجعل ايامك كلها حلوة يارب . انجي: يا حبيبتي ، كلامك درر وصحيح ، بارك الله فيك. بالنسبة لموضوع التسميع في حلقة القران تعرفي انا امبارح كان اول يوم لي ، وبصراحة لما جا دوري قلبي قام يدق يمكن مئتين دقة في الدقيقة ، وكان حيطلع زي قلب توم وجيري بس بعدها خلاص ركزت كتير باللي اقراه والحمد لله عدت على خير. زوجة مصرية : اهلا حبيتي نورتي حمدا لله على سلامتك. الملف متعطش لكلامك الحلو. ام البنات: ما شاءالله تبارك الله الف مبروك على نجاح نورهان وعقبال اية يارب وعقبال ما تفرحي بهم . ميوش: كلامك حلو للبنات ، مش قولتلك عقلك كبير ، ربنا يسخر لنا ازواجنا كلنا ويصبرنا. تسلم ايدكم(اسماء) : ما شاء الله مبدعة ، مواضيع حلوة اوي ربنا يقدرنا نطبق الكلام ده ، ويسخر لنا ازواجنا. محتاجة للدعاء: منورة معانا ، طمنينا على اروى اخبارها ايه ، ربي يتمم شفاءها على خير وما تشوف شر ابد. منمن: لا مينفعش كدة ، ركزي شوية وارجعي لنا يا احلى منى. كهرمانة: اخبارك ايه وعاملة اي إن شاء الله الدوخة بقت احسن ، ربنا يتمم حملك على خير ويرزقك بالولد الصالح المعافى. رشا: انا اليوم كان عندي الصوت متلخبط في غرفة دورة الاطفال وحاولت ازبط اكثر من مرة بس ما زبط ، قولت خلاص بقى انا يومي كدة حيضيع ، المهم هما اعطوا ايه ؟ لو سمحتي ، صوت نانو ما شاء الله حلو ربنا يحفظها. باقي البنات العسولات بحبكم في الله جميعا.

السلام عليكم ورحمة الله وبركاته: كيف حالكم يا اغلى بنات ... يا زعولات .. يا حلوات... ميرو:...