نداء عاجل لكل من
ماما زوزو
روشانا
منى دموع
عروس( بعد ما جددت الاشتراك)
ام مريم
كاميرة فيديو
توتة
شيماء
المحبة للرسول
بوتا
رانيا سبانش
محتاجة للدعاء
حبيبة اوسو
لميا
شهيدة
كتكوتة
مرمر
نودى
ايمان
وكل الغائبات
الردجاء الحضور فورا

مش صابره اخلص الصفحات
اولا جزاكم الله خيرا على دعواتكم ال حسيت بيها جدا والحمد لله ربنا استجاب منكم
ثانيا القلوب عند بعضها انا افتقدتكم جدا وكان جوايا حزن واحساس باليتم من غيركو
ما كملتش الصفحات عشان ارد على ميرو وهايا وورده
ربنا يفك كربكو ويسخر لكو ازواجكو ويستر عيوبكم عنهم
تقريبا كل الرجال حاجه واحده بيشتركو فى كل الصفات 80 ثابتين عند الكل
والعشرين فى المايه برده ثابتين لكن بنسب مختلفه من زوج لزوج
يعنى تقريبا لو اى اخت اتكلمت عن مشكلتها مع زوجها الكل مر عليه
نفس المشاكل فالبيوت لا تخلو
كان فى حلقه على الرساله حلوه جدا بيتكلم عن الشخصيه الايجابيه
وضرب مثل ان الزوجه بتطلب من زوجها الخروج للعشى بره البيت
الزوج بيثور هو انا مكنه انا مطحون فى الشغل ما حدش بيتعب زيىى
حرام عليكو
فلو هو فكره ايجابى يرفض الخروج لكن بطريقه مختلفه
حبيبتى انا تعبان اليوم خليها مره تانيه من عينيه اخرجك
ولو الزوجه مش ايجابيه
حا يكون ردها الخدامه بتاخد اجازه هو انا آله حرام عليكو
ولو ايجابيه خلاص يا حبيبى نحدد يوم تانى نستمتع مع بعض
فتقريباا حناعندنا الحل فى طريقة تلقينا للمشكله
يعنىلازم نكون ايجابيين فى التفكير
ونتلقى الانتقاد بروح مختلفه
اولا كظم الغيظ
ثانيا العفو
ثالثاننظر لطلبات الزوج بدراسه وتأنى وفعلا نغير من نفسنا
ويكون لك عالمك الخاص للتجديد والتغيير عشان تقدرى تتواصلى مع مشاكلك
لان ممكن المشكله تكون بسيطه جدا لكن ردك بانفعال يكبرها وتكونى معذوره
لان قدراتك على التحمل خلاص مش قادره تتحملى
فلازم تدلعى نفسك عشان تقدرى تتحملى
وبعد كلده سمعتى كلام يسم البدن حا تتلقيه بنفسيه اهدى
ميرو زوجك مقر ان البيت والولاد تمام ما فيش قصور
انا متخيله شخصيتك انت الست الراجل مش ذم لاده مدح
يعنى فى المواقف بتشيلى وتتصرفى بسرعه يعنى يقال عنك بمية راجل
يعتمد عليكى فى كل شىء وما شاء الله ممشيه كل امورك تمام
كل دى مزايا جميله لكن زوجك عايز انثى
بمعنى انك فى البيت خلاص اخلعى توب الجدعنه والقلب الحامى
والبسى توب هيفا مش لبس وحركات بس هو عايزك انثى ناعمه جدا
وانتى ال محتاجه له يعنى انتى الانثى الرقيقه الضعيفه قليلة الحيله
ال محتاجه زوجها لانها مش بتعرف تتصرف فى اى حاجه من غيره
هو اتعود انك بتعملى كل حاجه انتى بتاعبة الصعب كله واكيد لظروف عمله
وضغوط الحياه اتعود على كده وارتاح وتبسط
لكن هو عايز فى البيت زوجه انثى محتاجه لزوجها يعنى هو عاوز يشعر بضعف الانثى فيكى
المحتاجه لقوته وحمايته يارب يكون تشخيصى صح
الموضوع مش لبس فقط صوت هادىء رقيق الست امينه مع سى السيد
وبالعكس ده ميزه لك انك انتى كمان تجددى وتنسى ميرو ال بتعمل كل حاجه
بره البيت وتبقى وحده تانيه خالص فى البيت
كان فى حلقه امس مستضيفه هيفاء فى العاشره مساء النعومه والانوثه
والدلع مش سمه فيها هى كده على طول لا تتكلم عادى ووقت ما يكون فى كلام
عن الرجال او زوجها تتقلب تماما الصوت ينخفض والدلع وتسبيلة العين تشتغل
والرجاله عفوا هبل عايزين ايه غير كده
بالنسبه لتعليقات الزوج وانتقاداته ممكن يتاخد الموضوع بهزار وتعدى الموقف
وبينك وبين نفسك تدرسى انتقاده انك تتغيرى للاحسن مش
يجيلك اكتئاب لا عايزين ايجابيه
وما ننساش ان كل ده عليه حسنات وثواب عظيم
ونحمد ربنا ان ابتلاءنا ال بناخد عليه حسنات هو هين الحمد لله وقادرين عليه
يعنى الموضوع كله ايجابى عايزين نعيش بروح الايجابيه
ونتطور للاحسن مش بروح الزوجه المطحونه المغلوبه على امرها

الصبي و الجرسونه

في إحدى الأيام ، دخل صبي يبلغ من العمر 10 سنوات، مقهى كائن في أحد الفنادق، وجلس على الطاولة، فوضعت الجرسونة كأسا من الماء أمامه .
سألها الصبى (بكم آيسكريم بالكاكاو)


أجابته الجرسونة : (بخمس ريالات)


فأخرج الصبي يده من جيبه وأخذ يعد النقود،


وسألها ثانية: (حسنًا، وبكم الآيسكريم العادي؟)
في هذه الأثناء، كان هناك الكثير من الناس في انتظار خلو طاولة في المقهى للجلوس عليها،


فبدأ صبر الجرسونة في النفاذ، وأجابته بفظاظة : (بأربع ريالات)
فعد الصبي نقوده ثانية، وقال : (سآخذ الآيسكريم العادي)


فأحضرت له الجرسونة الطلب ، ووضعت فاتورة الحساب على الطاولة، وذهبت
أنهى الصبي الآيسكريم، ودفع حساب الفاتورة، وغادر المقهى، وعندما عادت النادلة إلى الطاولة،

إغرورقت عيناها بالدموع أثناء مسحها للطاولة، حيث وجدت بجانب الطبق الفارغ ، ريال واحد !
أترى ؟ لقد حرم الصغير نفسه من شراء الآيسكريم بالكاكاو، حتى يوفر النقود الكافية لإكرام الجرسونة (بالبقشيش)

لا تستخف بأى أحد ، حتى لو كان صبيا صغيرا

ميرو فى اقتراح
حاولى الفتره الجايه انك تحسسى زوجك انك محتاجه رأيه فى اى موضوع
وان رايه مهم لك وانك مش عارفه تتصرفى لوحدك وتانى يوم تقولى له
انك عملتى بنصيحته وان رايه كان صائب جدا
حتى لو انتى افتعلتى موضوع
ومره تانيه تتصلى بيه فى الشغل وتقولى له انك مش عارفه تتصرفى لوحدك محتاجه مشورته
ويبقى كل كلامك له ان رايه مهم جدا لك وانك لوحدك مش بتعرفى تاخدى قرار صائب
غير لما تتناقشى معاه ويشاركك
منها تكسرى حاجز الصمت
وانه يشعر باحتياجك له مش انتى ال نتصصرفى وتنهى الموقف وبعدين تحكى له
حتى لو ما عملتيش برأيه لكن حس باحتياجك له
موضعوك سهل ان شاء الله لكن حله فى ايدك
مع الدعاء والصدقه ان شاء الله ربنا يقك كربك وكرب كل المكروبين
شريرتنا الحلوه شايفه كده فى اختفاء احنا لازم يكون لنا نصيب من وقتك
واخبار الريجيم والجوع ايه
ام سوسو القلب الحنون دعواتك للكل صادقه وخاجه من قلبك
ام يوسف مبروك التجديد والتغيير فى البيت والتجديد بيغير النفسيه جدا
توته ظهرت واشاعة انها ولدت طلعت مش صح ربنا يكملك على خير
تسلم ايديكم عامله شغل وروح جديده جزاك الله خيرا
ام اروى ربنا يكمل شفاء اروى على خير
ام عبد الله الفتاوى كلها جميله جزاك الله خيرا
الرمال جميله معلومة الدعاء للوالدين
كانت حلقة اليوم لمصطفى حسنى كانت عن بر الوالدين
وصل له ايميل للبرنامج من شاب مسيحى
بيقول له انا بحب برنامجك جدا ومتابعه باستمرار
وبحب الرسول عليه الصلاة والسلام وهو قدوه عندى
سعدت للايميل وربنا يهدى كل شباب المسلمين
ويكون الرسول صلى الله عليه وسلم هو قدوتهم

عروس
اذيك وحشتينا كتير
انا كمان سعدت بالاميل
بس ممكن تقوليلى حلقة مصطفى حسنى بتيجى امتى والاعادة امتى