miro :

صباحو نادي لبن زبادي صباح مخصوص لهدهودة (يا صباح الفل والورد والبانسيه) فهمتي الحمد لله عدد ما كان, وعدد ما يكون, وعدد الحركات والسكون امبارح الحمد والشكر لله اتصالحنا انا وجوزي ولو اني مش عارفة اتصالحنا من ايه كلها اسباب عادية وحاجات تافهه رجع هادي خالص وفرح لما لقاني في البيت وقعدنا اتكلمنا بالراحة والحمد لله اللي كان مخوفني بقى ومازال انا البيت علطوول والع نار علطوول خناقات منغير سبب وجيه كله حاجات تافههة والامور بتتطور منغير سبب وهو بيقولي انا بحس بحاجات في البيت وانا بترعب وفعلاا انا في اوقات الخناقات ببقى مش طبيعية وبفضل اصعد الامور انا وهو بشكل فظيع معرفش بقى ده عين ولا ايه انا باذن الله اتفقت انا وهو اننا نجيب شيخ يقرالنا في البيت ويحصنا احنا والولاد مش عايزة اقولكوا الدعاء بتاعكوا ليا فرق معايا ازاي انا كانت نفسيتي متدمرة وبعدين دخلت حطيت المشاركة بتاعتي امبارح علشان عايزة الرقية الشرعية ويا دوب قمت لقيت هايا بتكلمني تقولي انا حطيتلك الادعية واللنكات رحت معيطة بجد مش مصدقة اد ايه احنا قريبين من بعض اكتر من الاهل ابويا وامي ميعرفوش حاجة ولا يعرفوا اني متخانقة مع جوزي مع انهم كانوا بيعرفوا الحاجة قبل ما تحصل لكن تعبوا اوي من مشاكلنا جبتلهم الضغط الاتنين ههههههههههه فحرام كفاية كده قلت لازم احل مشاكلي بنفسي ربنا ميحرمناش من اللمة الحلوة دي يا رب ويهدينا لبعض كمان يا بنات القران له سحر في حل المشاكل وتهدئة النفوس ربنا يكرمك يا هدهودة انت قلتيلي اني اقرا قران على ميه وارشها في البيت كمان وردتي الحلوة وقفت معايا اوي وهي اللي قالتلي اتكلم مع جوزي ازاي لما يرجع من الشغل وفعلا فرقت معاه عطر يا حبيبتي كلمتني مكالمة طويلة من اسكندرية ربنا ميحرمني من شقاوتك يا انوج ويرزقك بقردة صغيرة بقى عروس بحس انك زي مامتي مع انك صغنونة روشانا تحسي انها اختك الجدعة ههههه كلكوا كلكوا يا بنات مش عايزة انسى حد ام سوسو- حبيبه اوسو - منمن-ام شهاب- بوتا- ام يوسف - الرمال الناعمة- ايجيبتي- فيميل - بلوروز- رشا- اسماء - روني كلكوا كلكوا ربنا يخليكوا ليه انتو اكتر من الاخوات

صباحو نادي لبن زبادي صباح مخصوص لهدهودة (يا صباح الفل والورد والبانسيه) فهمتي الحمد لله...