السلام عليكم ورحمة الله وبركاته
يا رب اصلح حال ريهام و زوجها
و اجعلهم قرة عين لبعض يا رب العالمين
اللهم يا مسخر القوي للضعيف ومسخر الشياطين والجن والريح لنبينا سليمان ومسخر الطير والحديد لنبينا داود
ومسخر النار لنبينا ابراهيم اللهم سخر لها زوجها بحولك وقوتك وعزتك وقدرتك انت القادرعلى ذلك وحدك
لا شريك لك اللهم يا حنان يا منان يا ذا الجلال والاكرام يا بديع السماوات والارض يا حي يا قيوم اللهم حنن قلبه عليها و اجعلها اجمل نساء الدنيا فى نظرة

اللهم بحولك وقوتك تضع مودتها في قلبه انت ولي ذلك والقادر عليه برحمتك يا ارحم الراحمين اللهم الف بين قلوبهم
واصلح ذات بينهم يا رب العالميين

ام مريم ربنا يكملك على خير ويرزقك بطفل معافا واحترسى من اسم عمر كلهم مشاغبين جدا
لميا جزاك الله خيرا على البرامج جميله جدا
منى اتمنى منك اى طلب بذور القطونا معلقتين اكل كبار غليتهم بمعلقتين مايه
وبعدين حطيت عليها زيت ذره وسخنتها معاه حوالى نصف ليتر
وتستخدم حمام زيت
ووضعت ملعقه فى زيت دهن الشعر بعد الحمام مع الاستمرار
بتعطى لمعه ونعومه ومشكلة شعرى انهكان بيتأثر بالرطوبه
فالحمد لله الوضع احسن كتير
واستخدامها للبشره فى برطمان ملعقه كبيره وعليها ماء مغلى
وتوضع فى الثلاجه وتدهنى منها البشره يوم ويوم لكن لسه ما جربتش للبشره
الرمال كنتى سالتى عن حلقات مصطفى حسنى يوم الجمعه على اقرأ الساعه8
او 9 مش متذكره والاعاده يوم الاثنين 11 صباحا
ام نادين المقاله رائعه مفروض يا بنات تحفظوها لانها عمليه ومفيده
ايجيبتى ليه بتحتفظى بال يزعلك اعملى العكس واحتفظى بما يفرحك
وربنا يجعل ايامك كلها افراح ولا تنسى ثواب العفو
بوتا بما انك بتكتبى كلام غامض ربنا يفك كربك وييسر لك كل امورك
الحياه لا تخلو وكل ما يصيب المؤمن كفاره لذنوبه ان شاء الله
ام عبد الله المقاله جميله جدا سمعت كلمه جميله لطبيب علم نفس
فى موضوع لو الزوج منظم جدا والزوجه على العكس
انه يتقبلها كما هى وينظر لباقى مميزاتها ويركز على المزايا
ويعتبر عيوبها هينه وسهله واحسن من غيرها
لو كل زوج وزوجه تعاملو بهذا المنطق لن نجد مشاكل
رشاتين عندى رشاتين من ايام ثانوى وعلاقتنا الحمد لله مستمره
ام خالد ربنا يعافيكى ويجعله فى ميزان حسناتك ولا تنسى الصدقه
رشا التنيه انتى فين اليوم
مرمر منوره وربنا يكملك على خير
المحبه للرسول منوره وربنا ييسر لك كل امورك
حبيبه الف سلامه على ابنك احمد ابنى وهو عمره سنه الطبيب كشف عليه
قالى عنده عيب خلقى لوزه ضخمه جدا لازم يشيلها والحمد لله ما شلنهاش
ومش بيشتكى منها بفضل الله فاستشيرى طبيب آخر
عطر رببنا يرزقك الهدوء والاستقرار النفسى لازم تقاومى لو استسلمتى
وصدقتى نفسك انك عندك اكتئاب الامر حا يكبر لازم تغيرى
خدى دوره فى اى شىء زورى دار ايتام او جمعية رساله
لو تقدرى تساعدى بشىء المهم اخرجى من المود تماما
وقاومى وشغلى سورة البقره باستمرار
ام سوسو فضل الصدقه عظيم من بعد ما حددنا مبلغ ثابت شهريا
الحمد لله لاحظنا الفرق فى كل حياتنا فرق فى البركه
وفرق ان كل موقف صعب ربنا بيلطف بينا فيه
ام البنات قلقتينى عليكىلان الحمل مع ثانويه عامه صعب
وليه بتستخدمى حبوب كل الاطباء بتحذر بعد سن الثلاثين ممنوع الحبوب
فعيدى نظر فى الامر وكمان انتى استخدمتيها فتره طويله وده غلط
ام شهاب ربنا يصلح ما بينك وبين زوجك عيدى نظر فى طريقة صرفك
فى فرق بين البخل والتنظيم تنظيم الصرف مريح جدا
وكمان خير الامور الوسط فى كل شىء
كلمة زوجك اكيد ضيقتك لكن انظرى ليها بنتأنى وادرسى الامر
وكلنا معاكى وايناس كانت قالت نظام جميل للميزانيه
لو نسيت حد يبقى عذرا
وما تنسوش لقاء اليوم وما تنسوش ريها م من الدعاء
سبحانك اللهم وبحمدك اشهد ان لااله الا انت سبحانك انى كنت من الظالمين

فيميل موضوع الثقه بالنفس
من وجهة نظرى الشخصيه
انى احب نفسى كما هى واتقبلها بكل ما فيها
لو حبيت نفسى حا اكون ايجابيه اكثر
والايجابيه فى التفكير يعنى ايه فكرى ايجابى
دايما فى مخيلتى هذه الصوره
طفل يمشى مع والده فى الشارع والكهرباء تنقطع
فجأه والطفل يمسك بيد والده فيمشى فى الظلام بكل
اطمئنان وسكينه ولله المثل الاعلى
هكذا لازم نكون مع الله
فتخيلى لو عشنا هكذا لن نخاف ولن نقلق ولا نتكدر
ولو تخلصنا من الثلاث اشياء يبقى حا ننجز
ونتقدم
لو انتى مش جميله ممكن تكونى مش جميله شكلا لكن جميله روحا
واكيد فى كل انثى ميزه تميزها عن غيرها فكل النساء لسن جميلات ولا قبيحات
الثقه انك تكونى ذكيه وتبرزى كل جميل عندك وتفخرى به
وتجتهدى فى اتقان كل ما ينقصك وانتى مثل الطفل ال قلنا عنه فى البدايه
دى قناعتى الشخصيه فى موضوع الثقه

يا رب اصلح حال ريهام و زوجها
و اجعلهم قرة عين لبعض يا رب العالمين
اللهم يا مسخر القوي للضعيف ومسخر الشياطين والجن والريح لنبينا سليمان ومسخر الطير والحديد لنبينا داود
ومسخر النار لنبينا ابراهيم اللهم سخر لها زوجها بحولك وقوتك وعزتك وقدرتك انت القادرعلى ذلك وحدك
لا شريك لك اللهم يا حنان يا منان يا ذا الجلال والاكرام يا بديع السماوات والارض يا حي يا قيوم اللهم حنن قلبه عليها و اجعلها اجمل نساء الدنيا فى نظرة

اللهم بحولك وقوتك تضع مودتها في قلبه انت ولي ذلك والقادر عليه برحمتك يا ارحم الراحمين اللهم الف بين قلوبهم
واصلح ذات بينهم يا رب العالميين

ام يوسف انت فييييييييييييييييييييييييين
وحشتينا ، تعالي طمنينا
يومين ورة بعض مش باينة ،
عسى المانع خير
يارب تكوني بخير .

ام مريم والمحبة للرسول
تتهنوا فيها يارب وتستخدموها فى اخير دايما ان شاء الله

حبيبة
الف سلامة على ابنك وان شاء الله تختارو اللى فيه الخير

عروس
شكرا ليكى كتير وان شاء الله ابدا استخدم البذور للشعر
وعلى فكرة انا كمان بستخدم حبوب لانىة بخاف جدا من الشريط
ربنا يسترها يارب