الرمال الناعمة :

ربنا يقومك بالسلامة يارب ويجعلها ساعة سهلة عليكى انتى وكل الحوامل ان شاء الله انا فى النفاس بصراحة كانت ماما علطول تدينى حلبة بعسل اسمر وحلبة بلبن وطعمهم بيبقى لذيذ مش وحش قوى ولا حاجة وان شاء الله تقومى بالسلامة انتى والبيبى

ربنا يقومك بالسلامة يارب ويجعلها ساعة سهلة عليكى انتى وكل الحوامل ان شاء الله انا فى النفاس ...

um susu :

السلام عليكم ورحمة الله وبركاته كيف حالكم يا حبيبات القلب والروح.... الله يجعل ايامكم كلها فرح وقرب وصفاء... طبعا انا خفت من ام يوسف وجيت جري عشان انزل المقال (اصلي انا ما جيش غير بالعين الحمرة :hahaha: . ام يوسف: ما شاء الله على كلامك الحلو ، ربنا يسخر لك زوجك ، انا معاك في رفع الشعار والحمد لله طبقته من فترة وكل اللي بتقولي عليه والحمد لله جاب مفعول كويس. عروس: حبيبة قلبي ، اسفة لاني اتاخرت في المقال |، بس عاوزة رايكم في المقال ، ومدى تاثركم به. حبيبة اوسو: ما شاء الله عليك وعلى افكارك ، انا في بالي الكثير وفيها اللي كتبت عنها بس محتاجة لجلسة سمر لوحدي عشان انزل افكاري على الورق وانزلها بالنت ، ربنا يسهل ويهديلي البنات. إيناس: ما شاء الله عليك ، كلامك حلو كتير لريهام . ربنا يحفظ لك إسماعيل وتقومي بالسلامة إن شاء الله ويرزقك بالذرية الصالحة إن شاء الله. منى رمال: ربنا يبارك فيكي وبالمقالات الي بتنقليها . توتة وكهرمانة : يارب تكونوا بخير والانميا بقت احسن ، إن شاء الله ساعة خفيفة عليكم. ام مريم العسل: تقومي بالسلامة إن شاء الله وتجيبي احلى عمر ويحفظلك مرمر ويشفي والدها إن شاء الله. رشا(ام روان): وحشتيني كنت فين ، تعرفي يمكن مافيش دورة الايام دي لان المعلمة عندها مشاكل في الدخول. روني: اخبارك يا قمر واخبار عمورة إن شاء الله دايما بخير. نرمو: اهلا بك منورة معانا إن شاء الله حاكتبلك بالتفصيل عن الفيلم اللي مثلته مع بنتي سمسم في فترة التدريب على الحمام .بس اصبري عليه شوية. ام نادين : اخبارك ايه يا قمر ، إن شاء الله تكوني بخير ام البنات : طمنينا عليك ضروري ، مش من عوايدك الغيبة دي ، ربنا يصلح حالك وبناتك ويشفي والدك. إيمان: طمنينا عليك وعلى بودي ، ربنا يرجعك لنا بالسلامة وتشاركي معنا زي الاول. إيناس (يوكي) : اهلا بك وبكل صحبات هبة (ام يوسف)، منورة معانا. مي وكنزي وبوتا ولميا ومنى دموع ،وفيميل ، وهايا ونيرفانا وام شهاب، واسماء محتاجة للدعاء وتسلم إيدكم وكاميرة فيديو ، راجية ام عبد الله وام ادهم ربنا يصلح حالكم جميعا وتكونوا بالف خير معلش لو نسيت حد احبكم في الله

السلام عليكم ورحمة الله وبركاته كيف حالكم يا حبيبات القلب والروح.... الله يجعل ايامكم كلها فرح...

لميا2008 :

إستشارية نساء وولادة معتمدة بعالم حواء تاريخ التسجيل: 02-10-2005 المشاركات: 43,045 المشاركة الأصلية كتبت بواسطة لميا2008 » دكتوره من فضلك الدوره ملخبطه معى شويه باخد حبوب سيلست ومش برضع الدوره خلصت من 15 يوم او اكترولخبط فى البرشام يعنى 3 ايام ماخدوش ونزلت الدوره الصبه وتنهى بالليل لمده 3 ايام وطهرت يومين ونزلت دلوقتى بس لونها بنى فاتح بحبوب بيضاء المفروض اكمل البرشام باقى حبتين وهل الدوره هتنزل تانى ولا ابتدى فى شريط جديد من الحبوب بس فى اعلم اعلى البطن خفيف وممكن يحصل حمل مع البرشام ولا استنى لما تنزل دوره غير دى والفتره دى يصح الصلاة و الجماع ولا ايه بارك الله فيك ابدئى فى شريط جديد مع الانتظام عليه فى الموعد اللى تفهم تقولى يعنى اخد برشام ولا انتظر دوره جديده ضرورى منتظرة الرد

إستشارية نساء وولادة معتمدة بعالم حواء تاريخ التسجيل: 02-10-2005 المشاركات: 43,045 المشاركة...

لميا2008 :

[quote=الرمال الناعمة;30782144] ههههههههههههههههههههه بدخل بس منش بتبقى موجوده ولا حبيبة اوسو [/SIZE] ومحدش عبرنى

[quote=الرمال الناعمة;30782144] ههههههههههههههههههههه بدخل بس منش بتبقى موجوده ولا حبيبة اوسو...

omyosef :

لا للنكد ايه رأيكم في الشعر ده يا ستات ايوه ستات مش احنا بردوا ستات انا بأه رفعت الشعار ده بقالي 10 ايام لا للنكد ثم لا للنكد ثم لا للنكد حتي لو جه لحد عندنا وغلس ومارضيش يمشي وضايقنا بكل الطرق بردوا هنقول لا للنكد انتو عارفين كتاب صديقي لا تأكل نفسك اول فقره اثرت فيه اوي منه هو لما الحزن جه لعبدالوهاب مطاوع وهو رفض تنه يستسلمله رغم انه كان مئهل نفسيا ليه نتيجة مشاكل وضغوط الحياه انا بعد ما قريت قلت انا كمان هطبق الفكره دي اني ارفض استقبال الحزن والنكد تصدقو أني والحمدلله نجحت رغم ان كل يوم كان فيه اكتر من6 7 8 10 اسباب يجيبو احباط وزعل ونكد بس انا كنت مركزه اوي اني مزعلش انا وجوزي كنا وصلنا لمرحله وحشه اوي مش هاممنا زعل بعض ولغة الحوار بينا منعدمه وحاجات كتير وحشه اول حاجه اتحديت نفسي اني اصلح العلاقه واقضي علي الاسباب الي بتجيب مشاكل وقبل ده كله كنت متأكده ان فيه خلل معين في حياتي وفعلا البعد عن الله يعني مثلا بقالي كتير جدا مش كنت قريت قرءان حتي الام بي ثري الوصله بتاعتها اتقطعت وكسلت اجيب وصله تانيه وحاجات تانيه صغيره بس انا واثقه ان كل دي اسباب للحاله ألي كنا فيها وطبعا الصدقه كنا مقصرين اوي طيب ابتديت اني اتكلم معاه وافضفض عشان لما ابتدي صفحه جديده اكون فعلا ناسيه الي فات وتخيلو في الاول ماكانش متقبل فكرة اننا نتعاتب في اي حاجه بالعكس كان ولا فارق معاه بس الحمدلله عرفت ادخله من مدخل مناسب وبطريقة ان دي اخر مره نتكلم فيها عن مشاكل واتفقنا كالعاده علي خطوط عريضه للحياه وقواعد نمشي عليها بس هو طبعا استغل فرصة اني انا ألي بدأت بالصلح وفرض شروطه اولها ((((( الطاعه العمياء )))))) المهم بعدها انا اتغيرت تماما مهما عمل ماكنتش بزعل وانسي نفسي واقول مش مهم يعرف غلطه وعديها عشان الحياه ترجع زي الاول كمان لما كنا زعلانين كنت مش بقوم معاه الصبح رغم اني ساعات كنت ببقي صاحيه بس كنت بعتبر ده عقاب وطبعا كنت غلطانه لأني كده كنت بعوده تدريجيا علي بعدي وانه مش فارق معايا وانه مش مهم غيرت كل ده بأه يصحي يلاقي لبسه كله جاهز حتي الشوز متلمع واحضرله فطار سريع وافضل معاه وهو بيلبس والبيرفيوم لازم انا الي احطهوله وكمان لما اجي اصحيه هو مش بيصحي بسهوله كنت الاول بزهأ بسرعه واقعد اقوله يالا مش هاجي تاني وكده دلوقتي الاسلوب اختلف تماما وطولت بالي علي الاخر وكفايه انه بيصح مبسوط اني بصحيه حاولت الفتره الي فاتت اني مش اتكلم عن مشاكل او قلق الولاد وكده معاه بالعكس كل كلامي كان مثلا موقف يضحك عملوه او حركه جديده اتعلموها وكمان كنت بنيمهم كتير وهو في البيت قلت مش مهم مؤقتا لحد ما الوضع يهدي وطبعا كانو بيصحولي بدري واتدبس انا معاهم بس طبعا ارحم من النكد كان مره راجع تعبان من الشغل وبيقول رجلي مش قادر اقف عليها رحت جبت طبق كبير وحطيت فيه مايه دافيه وملح ومارست دور نفيسه مع سي حنفي والله العظيم كان مبسوط بشكل لأن كمان الولاد كانوا صاحيين بس قعدت روما في المشايه ويوسف كان ماسك رجل وانا رجل هههههههههههه يعني حسسته ان الولاد مش عبأ علينا ولا حاجه ممكن الحياه تمشي عادي اوي طول الاسبوع بأه دلع وحركات وهزار في موقف مش متوقع أني مازعلش منه والحمد لله عدي الاسبوع من غير ولا مشكله وكمان خرجنا يوم الخميس راح جابلي موبايل وبعدين طلعنا البر مع الجروب الي في الرياض وشوينا وكان يوم حلو اوي بس طبعا جوزي ما يقدرش يسيبني في حالي امبارح روحنا نجيب طلبات البيت ودخلنا الهايبر ومريم ابتدت عياط وحلفت ما تسكت عشان بتطلع السنان الي فوق المهم انا كنت بشيلها شويه وهو طبعا كان ماشي بعيد عني كأني انا الي بعيط مش بنته المهم نيمتها في عربيتها بالعافيه طبعا من غير مااتكلم معاه واحسسه أني مخنوقه وفي الاخر وهو بيحاسب قلتله هخرج استناك بره لحد ما تخلص يعني في نفس المول وبعد ما خلص فضل يتصل بيه وانا مش سمعت مع اني كنت قريبه منه جدا وبعدين لما شافني راح مزعق قدام الناس كلها وقالي ايه مش سامعه الموبايل تخيلوا شكلي بأه والله الناس كلها سمعته وفضلو يبصو علينا انا مش كلمته خالص وفضلت ساكته واحنا راجعين يتكلم مااردش الا لو حاجه مهمه عايزينها او كده بس الصبح تقريبا فكيت شويه وهو طبعا عارف هو عمل ايه بس مكسوف يفتح الموضوع ان شاء الله ناويه لما ييجي انهي الموضوع واعاتبه باسلوب هادي من غير مااكون حتي مكشره عشان الموقف ده ما يتكررش تاني بس انا حبيت اقولكم ان الحياه في ايدينا نقدر نتعامل معاها زي مااحنا عوزين ونحب لكن لو مافكرناش في كل كلمه وتصرف يبقي الشيطان هيلقي مداخل كتير لينا وكمان مهم اوي نتحكم في رد فعلنا مع كل حاجه تضايق لازم الصبر ثم الصبر ثم الصبر وبلاش نفكر نفسنا دايما اننا ضحيه وشايلين مشئوليه كبيره والاولاد تاعبينا اوكي احنا كده بس هو ده الجواز وهي دي البمسئوليه ولازم نتحملها وطبعا نبص للي اقل مننا ونقول الحمد لله من قلبنا ونترجم الحمد بأفعالنا وتصرفاتنا ريهام حبيبتي حاولي تصلحي علاقتك بحماتك عشان دي هتفرق اوي مع جوزك وحاولي تكسبيها في صفك بس مش ضد ابنها يعني خليها تحبك من غير ما تحكيليها اي مشاكل ودايما اشكري في جوزك وتقولي مميزاته وكده واحده واحده هتلاقي العلاقه اتحسنت معلش حتي لو انتي زعلانه منها حاولي تنسي كل المشاكل وقولي انا هحتسب كل حاجه لربنا واتعاملي علي الاساس ده وورينا بأه هتتعاملي مع ربنا ازاي الفتره الي جايه

لا للنكد ايه رأيكم في الشعر ده يا ستات ايوه ستات مش احنا بردوا ستات انا بأه رفعت الشعار ده...