توتا اهلا بيكى فى بيت الحب والايمان

ربنا يخليكي

نيرمو......بصى يا حبي ...انا ابنى فى كى جى 2 وفى سلسلة المدارس اللى انتى تقصديها بتاعة سوزان مبارك او جمال مبارك مش عارفة.....بس فى السويس عندنا اسمها التجريبية المتميزة.......ومصاريفها لا تتعدى 1500 حسب المرحلة بتاعة التقديم تقريبا بالنسبة ليكى ممكن تكون 1200 ...التجريبى العادى يا حبى مصاريفه مش بتكمل 500
هى منهجها باظبط زى مدارس اللغات الخاصة العادية ...حياخدو الرياضيات والعلوم باللغة الانجليزية وليهم لغة تانية بياخدوها تقريبا فى رابعة
وعلى فكرة بتقبل التحويلات من مدارس اللغات خاصة او تجريبى فقط
بالنسبة لابنى فى مرحلة الكى جى ...كان بيدرس عربى وانجلش وحساب "بالعربى" وماس...وبيحفظوهم سور بسيطة من القران
وفى نشاط رياضى خلال الاسبوع يوم كامل او يومين بيختار الاولاد رياضة معينة وبيتدرب فى المدرسة "اسماعيل كان بيتدرب كاراتيه"
دا غير الانشطة المختلفة ...واكتر حاجة كانت عجبانى تجهيز الفصول ...كل فصل فى كومبيوتر..وسبورتيين داغيرالديكورات اللى بيعملوها فى الفصل ...من اول الارضيات ومسرح العرايس"كل فصل في واحد"...الحوائط مرسوم عليها بشكل مجسم فى مراوح فى السقف وستائر على الشبابيك...فى ملعب وفيه طبعا جاردن للمراجيح....وعلى فكرة مافيش امتحانات اخر السنة فيه تعليم ولعب...وبس
دا بالنسبة للمدرسة بتاعة اسماعيل اللى فى السويس ...بيتهيالى اللى فىالقاهرة طبعا احسن لانها اقدم والموقع بتاعها اهو
http://www.elmostakbalschool.com/main.html

انجي وحبيبه بجد شكرا انكم نبهتونا للنقطه دي لأن فعلا ساعات بننسي نفسنا ونكتب مشاركات كتير ورابعض
كلامكم صح فيها ايه لو اجمع كل كلامي في ورقه وانزله كله في مشاركه واحده
كمان عشان ادي فرصه لغيري انه يكتب ويكون كلامنا كله مع بعض وقريب من بعض
انا موافقه ميه بالميه وانا اول واحده همتنع عن المشاركات الي ورا بعض وطبعا المقالات فعلا حبيبه وصفت بالظبط الحاله بتاعتنا
ساعات نأجلها وبعدين مش بنعرف نقراها تاني يعني الفايده المرجوه منها مش بتحصل عشان كده لازم كلنا ناخد بالنا عشان بيتنا يبقي احلي بيت في الدنيا

لميا .... البقاء لله يا قمر ومعلش طولي بالك مع جوزك شويه انتي عارفه الصعايده مش قلبهم جامد شويه مش زي الستات الرقاق الي زي حالاتنا وكمان يمكن كان مضغوط ربنا يرحم عمك ويوسع له في قبره ويسكنه فسيح جناته اللهم امين
ام البنات ........ ايه يا قمر بس مالك روقي كده انتي اكيد مضغوطه عشان ايه يارب ينجحها وتشوفيها زي ماتتمني واحسن هي واخواتها
توته ....... اهلا بيكي معانا نورتي
عروس ...... حلوه طريقة التارت وان شاء الله اجربها علي فكره انا كنت عملت البسيمه بطريقتك بجد حلوه اوي وخفيفه جزاكي الله خير يا قمر
يومياتي
انهارده بعد ما كتبتلكم الصبح دخلت علي المطبخ قلت اعمل كام حاجه خفيف خفيف بدأت بالدواليب رتبت البرطمانات والعلب وظبطت التوابل الجديده وكده وبعدين مسكت التلاجه من بره لأني من جوه كنت منضفاها قبل ما نجيب حاجة الشهر مسحتها ومن فوق فرشت ورق السفره عشان الدهون وكمان كنت حاطه الشوايه وعلب بسكوت عشان مش في مكان الحمد لله فضيت اماكن وخليت فوق التلاجه فاضي طبعا انضف واحسن وادي وسع
ومسكت البوتجاز نضفته تمام والفرن بره وجوه وعملت فكرة اني اغطي نص البوتجاز بالفويل خالص والنص التاني افتح مكان العيون واكون مجهزه ورقه فويل مجوز اغطي البوتجاز ساعة الطبخ وبعدين انضفه واشيله بعد ما اخلص عشان الفويل الي تحت يفضل نضيف ونضفت الشفاط والارضيه والخلاطات وكللللل حاجه الحمد لله
ونضفت الموكيت بديتول ومايه بالفوطه علي السريع وبعدين هويت الشقه بجد النهارده ريحة الشقه نضافه
وكنت سلقت فراخ امبارح وعملت ملوخيه ورز بشعريه النهارده واتغدينا وخلااااااااص الحمدلله اليوم خلص
سبحانك اللهم وبحمدك اشهدان لا اله الا انت استغفرك واتوب اليك

كل البنات ربنا يخليكم لى

بس جوزى سمعنى اسطوانه ماشاء الله وفى الاخر يقول هنروح بعد بكره
طيب ليه الكلام الجارح من الاول الله يهديه يارب
انا بكيت بكاء كان صعبان على نفسى وانا مش لاقيه حتى حد ابكى معه مش منه
مع انى حلفت وقولت له مش هروح زهقنى

يلا قدر اللله وماشاء فعل