السلام عليكم ورحمة الله وبركاته

ما بعد سرب الحمامات

اشكركم جميعا على ردودكم الجميلة ومدى تاثركم بمقال والدي ، بارك الله فيكم جميعا.

بالنسبة لي:
لقد تاثرت كثيرا بالمقال وارتسمت البسمة على شفتاي ولكن في نفس الوقت سمعت قلبي يبكي الما .. نعم يبكي لانني كباقي البشر ربما لا اكون اهلا للثقة العالية والوصف الجميل الذي وصفه والدي.
وطبعا كل واحدة منا تعرف خبايا نفسها وقلبها.
المهم عاهدت نفسي امام الله أن ابذل ما بوسعي لاكون حمامة بيضاء نقية تنشر السلام في ارجاء الكون وان ابذل ما بوسعي لاكون عن حسن ظن ابي بي .
ليكن هذا المقال يقظة لنا جميعا... لنتعاهد جميعا امام الله ان نبقى سرب حمامات يدا بيدا ونكمل مسيرتنا ودربنا الطويل الذي يمتدد إلى الفردوس الاعلى إن شاء الله.
لنرجع إلى انفسنا ونقف لحظة صدق مع انفسنا اولا ونطهر قلوبنا من الضغينة والحقد والحسد والنفاق ،ولنطهر السنتنا من النميمة والغيبة وحتى مسامعنا. لتكون قلوبنا صافية نقية طاهرة ملئية بالحب والإيمان كبيتنا هذا .
لتكن ايامنا القادمة احسن واحسن بإذن الله . نمسك ايدي بعض ولا نفرط اي ساعة في حياتنا إلا ويكون فيها لنا مئات الحسنات بإذن الله تعالى.

عطر وحبيبة : انا مع كلامكم وخاصة في موضوع الإقتباسات الكثيرة التي تزيد الصفحات من غير فائدة ، لتكن الإقتباسات فقط عند الحاجة او عند الاسئلة وليس فقط سلام .بصراحة انا من زمان افكر في هذا ولكني كنت اخشى ان اجرح مشاعر اخواتي .
وانا ساحاول ان اقلل من مشاركاتي بإذن الله.
نكتب ماهو مفيد للكل.

كل البنات احبكم في الله.

مساااااااااااء الخير يا كتااااااااااااااكيت
وحشتووووووووووووووووووووني
و ميرسي على التفاعل لان اكيد كلنا عايزين بيتنا احسن بيييييييت

طبعا ميرسييييييييي ليكم كلكم على اقتراحات العقاب ليوسف و نفذتهاااااااااا كلهااااااااا مع بعض ههههههه
يعني امبارح خاصمته و قفلت اوضه اللعب
بس اعتقد انه اتعلم المره دي لاني لاول مره انفذ عقاب كااااااامل من غير ما يشتغلني و يخليني انفذ رغباته


دموووع
حبيبتي ااااااااااه مسكتيني من ايدي اللي بتوجعني هههههههههه اااه طبعا منكرش ان تلات ارباع سبب غيظي
هو انهه عمل كدا مع حماتي بس والله لو تعرفيها تحسي ان عندي الف حق
المهم انا هقفشك امتى بقى على المسنجر يا فندم عايزين نرغييييييي


عرووووووووس
عروستي الحلوه الاموره روعه فكره اني اعلم يوسف بالحواديت بس حقيقي حضرتك
متعرفييش ابني اول ما ارمي له كلمه يقولللي ااااه انت قصدك يويو !!!!!
اقولله لا انا اقصد ميكي مثلا يقولليييي لاااااا هو ميكي راح عند جدو برضه ؟؟؟؟
ههههههههه بجد بيخليني اتكبس و اسكت
قولي حلول تانيه تنفع الجيل المهبب ده
ربنا يهديهم....و بعدين تعالي هنا يا هاااانم تارت ايه ده و انت عامله ريجيييييييم؟؟؟؟؟
يعني انا امسك نفسي و اقول انا ماشيه مع عروس و حضرتك عماله تاكلي تارت


انن
انووووووووووسي الحلوه ايه مطنشاني ليه يا قمر اوعي تكوني زعلتي مني
بس حقيقي كل ما اجي اكتب الاقي الصفحات بتتكاثر هههههههه
ايه حكايه اسماعيل بييييه بقى ؟؟؟؟بجد ابنك شكله حساس و محتاج معامله مختلفه
مش مجرد طفل عادي
اعتقد لو اشتركتيله في اي رياضه هيكون احسن كتيييير و بجد قللي الكرتون لاني بحس انه بيتعب اعصابهم
و تصدقي بلاقي فرق على يوسف لو بطلت الكارتون شويه بلاقي سلوكه اتحسن
ربنا يقومك بالف سلامه و هو هيلاقي اللي يشغله


ام يوسف
الست امينه بحالها معقوللل يا فندم ؟؟؟تصدقي نفسي اتقمص دور امينه بس جوزي ممكن يشك فيا
هههههههههه اصلي ملقش ابدااااا في الجو ده
انت وحشتيني يا بطه هانم جداااا و نفسي تعبرينا يووووم كدا كاااامل نقضيه رغي من بتاع زماااان


ايماااااااااااان
الحاضر الغائب يا بنتي احنا منقدرش ننساكي دانت فاتحه لنا بيتك
بس عايزين شويه اهتمام كدا يا قمر و حاولي تحطينا في الجدول


رشا 12
اصل مينفعش خلاص اقول رشا الجديده ههههههههه بقيتي صاحبه بيت يا فندم
احسن حاجه انك دخلتي ابنك انترناشونال اصل الانظمه بتاعتنا بقت عقيمه جداااا
بجد بشفق على الولاد منهاااا


حبيبه اوسو
يلا بقى يا هانم تعالي احكيلنا ميييييييييييين اوسووووووو ده عشان انا بنسى اسال سعادتك كل يوم ههههههه
بس تصدقي عجبني جداااا النظام بتاع اليوم اللي انت حاطاااه و حقيقي هحاول انفذه و يارب اقدر
و بعدين تعالي هنا ايه حكايه الست كريمه دي طب مش تخدمي صحابك الاول و تديهم استشارات
نسائيه ههههههههه


توووووووته
هااااااااااااااا ولدتي ولا لسه مقعداني على اعصابي يا جمييييييييييييل


زوجه مصريه
يارب يا حبيبتي ربنا ييسرلك الاحوال و يزيح الغمه دي و يفك كربك و ييسر لك كل امووورك
في هنا مجموعه حمامات محتاجين نصايحك بشده


ام البناااااااااااات
يا حبيبه قلبي انت بتيجي على نفسك زياااااااااااااااده بجد قللي شغل البيت شويه على الاقل لحد
ما تظبطي نومك اصل بجد كدا اشغال شاقه و طبعا متنسيش النفسيه لو هي في الطاااالع
الصحه هتبقى تمام لو هي في الناااازل الصحه هتحصلها
فلازم تتغاضي عن اي حاجه تضايقك لان في نااااس كتيييييييير بيستمدوا قوتهم منك
ربنا يقويكي و يسعدك يا حبيبتي


ميروووووووووووز
السررييييييييييييع وحشاااااااااني وياريت لو فاضيه بكره شويه تعبرينيييييييييي
عايزه ارغيييييييييييييييييي


روانيو
بحب اوي السنن المنسيه و تصدقي في سنه نسيانها بيغيظني اويييييييي اللي هي سنه الشرب
انا عارفه انت كنت كاتباها بس في نااااس بجد بتقربع المياه قربعه و بحس بالتقذذ منهم
و اقوولهم دي سنه عشان مصلحتكم و دووول لا حياه لمن تنادي
ايه اخبار نانوو خدت الاجازه ولا لسه؟؟


هاياااااااااااااا
انا مقدرش انسىىىىىىىىىى ولا اطنش يا قمر بس معنديش رصيد كالعاده و كل يوم عند حماتي
عشان اقاربهم من القاهره عندهم و يوسف بيحب ولادهم
المهم ضايقتيني عشان كوكي قالت كدا بس ممكن اوي تكون حلمت او شافت في التليفزيون
و كالعاده بتضخم الحكايه
اصل يوسف ساعات بيقول كدا لباباه مامي امبارح سابتني و راحت ركبت عربيه الناس هههههههههههه
هيوديني في داهيه


تسلم ايديكم
انا لو مكااااااااااااانك كنت قتلته قبل ما اتاكد يا نهااااري بجد الله يكون في عووووووووووووونك
احساس فظيييييع و الحمد لله ان ربنا نجاكي من الموقف


فيميل
عامله ايه الايام دي و اخبار التنظيم و التنطيف و جوزك؟؟
يارب ييسر امورك


ريهااااااااام
حبيبتي تعالي طمنينا عليكي يارب يكون في تحسن شويه في الوضع
و بجد البنات ماشاء الله كفو و فوا
ربنا يهديلك جوزك و ييسرلك الاحوال


لمياء
يا حبيبه قلبي سلامتك من البكاء و بعدين متقوليش صعبت عليا نفسي و كدا
و بعدين احنا حواليكي و معاكي و مش لواحد ابداااا
و حاولي لما تلاقي جوزك هيفتح الاسطوانه ابعدي عنه و كبري دماغك عشان ميكملش كلامه
يلا فوقي كدا و قومي اقري قران و صلي ركعتين





محتاجه للدعاء
يارب يا حبيبتي يشفيلك اروى و تفرحي بشفاها و يهدي قلبك و يطمنك عليها
و احنا سبحان الله ارتبطنا بيها من غير ما نعرفها و حبيناها
يارب نفرح بشفاها ان شاء الله


رووووووووني
يا قمر عامله ايه وحشاني ..ايه اخبار عموره حبيبي اللي بيودي الناس في داهيه ههههههههههه
بوسيهوليييييييييي


ميووووووووووووووووووشي
ميوش الجميله النسيان للجدعااان يا جمييييييييييييل
و بجد ضحكت على جوزك اويييييييييي اويييييييييييي
يعني فعلا نقيتيلهم الخضار و كمان سيبتلهم الفلوس يدفعوا هههههههههههههههههه
انت بس تلاقيكي كنت شافطه بطنك عشان كدا نسيتي ههههههههه زي ناس كدا ما نسيوا انهم سايقين
بس بجد عشان انت بتفكري في كذا حاجه في نفس الوقت ممكن فجاه تركيزك يضيع خااالص


الرمااال
ازيك يا منمن عامله ايه والقمرات الصغنين اخيارهم ايه
معلش يا حبيبتي النهارده جوزي كان واقفلي عشان ننزل عشان كدا كنت مستعجله
يارب مش تكوني زعلتي


بوتاااااا
ايه اخبار الامتحانات و المذاكره ؟؟فكيتوا شويه ولا لسه في الحصار


راجيه عفو ربي
انت فييييييييين يا ام عبودي وحشتيناااااااااا و مش متعودين على غيابك
يلا تعالي يا قمر طمنينا عليكي


يوكي
على فكره انا كمان بدلع يوسف يوكي و اول ماشفت اسمك قلت اكيييييييد عندها يوسف ههههههه
منوره معانا


ام شهاب
عامله ايه يا سومه و ايه اخبارك مع جوزك؟؟و ايه اخبار حماتك؟؟
يارب تكون نفسيتك بقت احسن يا حبيبتي


نانسي
ازيك يا جميل عامله ايه خليتيني عايزه انااااااااام بمقال النوم ده


كهرمانه
ضحكت جدااااااااا على الاكل الصيني ههههههههههه بجد مش كل حاجه بتتعمل ممكن نتقبلها
سبحان الله الشعوب اذواق


ام نادين
ايه اخبارك يا جميل عامله ايه


ام سوسو
حبيبتيي الغاليه فييييييييييينك طووول اليوم لعل المانع خييير
يلا تعالي قوليلنا احساسك المفصل عن المقال اللي مش قادره انسى ولا حرف منه
بجد ربنا يكرم باباكي و يباركله في صحته و يحفظك ليه يا اجمل ملااااااااااك


ايجيبتي فينك النهارده


يارب محدش يزعل مني لو نسيته بس بجد بقالي كتييييييييييييييييييييييييييييييييييييييير بقرا و اكتب

ماشاء الله عليكي يا ام سوسو
بجد كلامك حلو اوي
وكلام الوالد رائع جدا
انا بجد حبيتكم اوي وبتمنى من قلبي اكون واحده منكم لأنكم بجد عايزين تكونوا احسن
ماشاء الله عليكم وربنا يباركلكم ويبارك في حبكم

عطر الشموع
ربنا يخليلك ابنك يارب ويباركلك فيه


محتاجه الدعاء
ربنا يطمنا على اروى العسوله ويتم شفاها على خير يارب ويطمن قلب مامتها وباباها عليها بأذن الله

ام سوسو و راجيه عفو ربي
سبحان االله بكتبلكم و انتوا بتكتبوا
القلوب عند بعضها.......



بالنسبه لللولب ::::
انا ليا صاحبتي عايشه في فرنسا من سنين بس انا على اتصال يومي بيها على النت
المهم كنت بحكيلها ان اللولب عملي مشاكل رهييييييبه ووقع مني و حصل لي الام مرعبه
لان نصه كان طالع بره و نصه كان قااافش جوا
فقالتلي ان في فرنسا ممنوع اللولب يتركب لسيده اقل من خمسين سنه
او لسيده مش ناويه تخلف تاني ابدااا
لانه في حالات كتيييييييييير بيؤدي لعقم
و طبعا احنا في مصر مش بنراعي المعايير الطبيه في استخدامه
المهم انه قاللها ان مفيش اي ضرر من الحبوب طالما تناسب الجسم
لان مش كل انواع الحبوب تناسب جميع السيدات
فالمطلوب تغيير الحبوب الى حين الوصول للانسب
بس حبيت اقولكم عشان المعلومه فعلا مهمه
والله اعلم اللولب يكون عمل فيا ايه ربنا يستر