femal
femal
السلام عليكم ورحمة **** وبركاتة
وردة مفتحة ممكن تكتبيلى طريقة المكرونة بالتونة ولو مش هاتتعبى ممكن جدول الاكل بتاعك علشان اغشة منك لو مش هاتلاقى وقت عندك مش مهم وجزاكى **** خيرا
femal
femal
يا جماعة انا مش عارفة اتغير اعمل اية علشان يبقى عندى الرغبة فى التغيير انا زهقت من نفسى تعدى الاجازة من غير ما انجز اى حاجة لا بيت ولا مذاكرة كان زمان عندنا دكتور فى الجامعة بيقول ماحدش بيسقط الا لو هو عايز يسقط كنا نضحك ونقولو ازاى فية حد فى الدنيا نفسة بسقط كان يقول لو انتى عايزة تنجحى هاتنجحى وعلى فكرة انا مقتنعة جدا بالكلمة دى لكن المصيبة انى ماعنديش اى همة لتغيير نفسى ومش عارفة اماى هافوق لنفسى عندى دايما احساس بالظلم وانى شايلة فوق طاقتى مع انى مش باعمل اللى مطلوب منى وممكن لو كنت قاعدة فى البيت مش بادرس كانت هاتبقى نفس المشاكل بردة هى هى مش فارقة وعمالة اقرا كلامكم عن اللى بيجرا فى مصر وباقول احمدى ربنا انك بعيدة وحاولى اعملى اللى عليكى علشان مانرجعش بسرعة ربنا يستر واحيانا اقول ومالو لما نرجع ابقى جنب ماما واخواتى ويشيلو عنى العيال شوبة ويتعلمو اخلاقنا بتاعة زمان اما دلوقتى ربنا يحفظنا الحمد للة على كل حال لكل جانب مزايا ومساوئ بس المهم الانسان هى الدنيا كدة "لقد خلقنا الانسان فى كبد" انا نفسى اتغير ومابعملش حاجة وباتعب بسرعة جدا اكون عيانة وانا مش عارفة ربنا يحفظنا اكون تعبانة نفسبا وانا مش عارفة ربنا يسترها لو فية حد مر بتجربة جهاد مع نفسة فى التغيير يكتبها يمكن لعل وعسى ربنا ينفعنى بيها معلش انا عارفة انى دايما باكتب مشاكل حظكم بقى انى سجلت هنا سلام
كهرمانة12
كهرمانة12
يابنات انا متضايقة شوية وعاوزة افضفض مع حد وماليش حد اتكلم معاه غيركم...انا سؤالي للمغتربات لما بتبقوا نازلين اجازة الصيف اكيد بتجيبوا هدايا لاهلكم بتبقي حدودها ايه بقي الهدايا دي....انا دلوقتي عمالة القط علي قد ماقدر بس المشكلة في الفلوس جوزي كل سنة ربنا يكرمه كان بيديني فلوس خاصة بالهدايا واهي كانت بتمشي بس السنة دي الحالة مزنقة اوي ومدنيش حاجة وانا مطلبتش منه لاني عارفة الظروف حتي طلبات البيت بقيت بقلصها جدا جدا والمصروف الشخصي الي بيديه لي بقيت اجيب منه الهدايا وطبعا مش بيكفي بقيت مثلا لو جالي بيعة للستاير ولا حاجة اتساهل فيها يمكن يطلع لي منها اي حاجة وخلاص كمان وقفت البيع لان مبقاش فيه وقت ولقيت عندي حلق صغير كدة مش بلبسه بيعته عشان مطلبش منه فلوس
انا مش عارفة اعمل ايه والله بجيب حاجات بسيطة ومن ارخص الاماكن عندنا ومع ذلك مش عارفة ااعمل ايه مجبتش لنفسي قشاية ولا حتي قميص نوم جديد اقعد بيه قدام حد كل اهتمامي متركز علي بنتي وعلي الهدايا يعني اجيب لها هدوم جديدة لبرة وجوة عشان مظهرها قدام الناس

انتوا بتقسموا الموضوع ازاي؟؟؟ وادعولي ربنا يفرجها من عنده وربنا يكملها بالستر انا بجد تعبت من الهدايا دي مصاريف رهيبة
ربنا يفرجها علي من عنده
الرمال الناعمة
كل عام وكلنا لطاعة الله أقرب.... كل عام وكلنا لأخواننا انفع... كل عام والجميع بخير وعافية وإيمان... آسف على عمري المضى قبل ان أدخل الى بيتنا الدافئ. واشكر الله كل يوم لاني التقيت بكم . شعرت بحبكم الصادق... شعرت بحنانكم... أحسست بدفئ مشاعركم الصادقة... أحسست بإخلاصكم في الدعاء... أحسست بقلقكم وخوفكم عند غياب اي واحدة... بيت ملئ بالحب الصادق.. والتعاون.. والأخاء ... والحنان... وأحيانا بروح الدعابة والمرح... صحيح انا لست من القدماء في الملف جدا ولكني بفضل من الله شعرت انني اعرفكم من زمان وتوطددت العلاقات بيننا ، لقد بدات معاكم منذ ستة اشهر واعتبرها احلى فترة في حياتي. ربنا يجمعنا دائما على طاعته وحبه وعلى الخير. اللهم أتي كل ذات سؤل سؤلها ولا تجعل فينا شقية ولا محرومة .. اللهم بارك لنا في اعمارنا واولادنا وازواجنا ... واحفظنا من جميع الشرور.. اللهم أفتح علينا بركات السماء والأرض وأرزقنا رزقلا حلالا يكفينا ولا تحوجنا إلى طبيب يداوينا... اللهم أهدي كل ضال.. وأشفي كل مريض... وأعد كل غاب .. ونجح كل طالب... وارضى عنا يا رب العالمين انا اسفة انى اقتبست من كلام ام سوسو لكنه يعبر عن ما بداخلى واسمحولى اكون صديقة لكم انا متابعة الملفات من رمضان بس دى اول مرة اشارك وان شاء الله مش حتكون الاخيرة
كل عام وكلنا لطاعة الله أقرب.... كل عام وكلنا لأخواننا انفع... كل عام والجميع بخير وعافية...
ام نادين
اهلا بيكى معانا
وياريت تعرفينا على نفسك




يا بنات اللى حابة تقص شعرها ومحتارة تقصه ازاى فى موقع تحطى اسمك وينزلك القصة اللى تليق عليكى
http://www.whathair.com/en/c/?n=sa&v%5B%5D=mona&v%5B%5D=khamis&g%5B%5D=0&Submit=Find+out%21
ههههههههههه
الرمال الناعمة
كهرمانة
هو لازم هدايا كل سنة انا بابا كان مسافر وعارفة هم الموةضوع ده واول سنة جاب لكل فرد فى العيلة بس صدقينى مادام انتو مستمرين فى الغربة شوية مش لازم تعودوهم انكوا كل امنا تنزلوا تجيوا هدايا ممكن سنة اه سنة لا ومش لازم لكل واحد حاجة بسيطة ورمزية وخلاص

متهيالى متشيليش نفسك اكتر من كده
وان شاء الله ربنا ييسرلك اللى فيه الخير