اللهم اعنى على ذكرك وشكرك وحسن عبادتك وطاعتك

ام يوسف

ما تاخديش كل حاجة كدة على اعصابك انا زيك على فكرة لما اقرا قصة او حاجة اتخيل انها ممكن تحصلي واقعد اتخيل نفسي فيها اوى عشان كدة مش بحب الحااجات المؤثرة فعلا بقعد احلم بيها وكدة زى ما قلت
وبعدين يعني لما الواحد يغيب ما يلاقيش حد يسال عليه

انا كنت عايزة انظف تنظيف عميق للبيت ومازلت فيها والنت بيضيع الوقت اوى فقلت امنعه شوية

منى

خلاص مش هنقول لروان جزرة تانى دى انسة محترمة مس رورو
الشقة مفيش جديد مش عارفين يوصلوا لحاجة ربنا يسهل

كنزى

الجوب دى عندى من قبل ما احمل ولا اولد خالص ومصرة اوصل للوزن بتاعها بس انا مش بعمل ريجيم انا بقلل السكر والحلويات بس وبخفف يعني

ربنا معاكى وتوصلي للوزن اللى انتى عايزاه

الفطيرة حلوة تسلم ايدك

هايا

اكيد الزوجة بيبقى جواها حاجة اتكسرت من ناحيته بس برده هى ليه تسيب بيتها واسرتها اللى قعدت سنين تعملها وتقول للجديدة اتفضلي خدى كل حاجة على الجاهز وهى هتروح فين وبعدين لو هى مشيت ماهو دة اللى هو عايزه عشان يبقى مع الجديدة

طبعا لازم ابدأ بموضوع الساعه و هو جاره عروس

يا جماعه الراجل مخلوق اناني اناني اناني اناااااااااااااااااااااااااني

و دي حاجه لااااااااااااااااازم نحطها ف اعتبرنا اننا لازم كمان اول حاجه نفسك مش هو بس من غير ما يعرف او يحس
لانك لو تاني حاجه هو هيحس انك اقل منه و انك مش تستهليه
لازم تهتمي بنفسك يكون ليكي نشاطات حياه اجتماعيه سواء كان موجود معاكي فيها او لأ حبي نفسك علشان يحبك
لو محبتيش نفسك مش هيحبك صدقوني الكلام ده اكتشفته بعد صدمات كتيررررررررررررررررر و ده مش رايي لوحدي ده راي سيدات فاضلات متزوجات كتير و منهم حبيبه قلبي و مستشاري الزوجي زوجه مصريه ربنا يفك كربها يا رب


مني
اخبار زوجك ايه ؟ يا رب يصلحه له الحال في شغله

فيميل
طريقه المكرونه بالتونه
بعملها ليا و لزوجي نصف كيس مكرونه قواقع مسلوقه _ بجيب بصله و اشوحها في زيت زيتون بس مش كتير و عليها فلفل اخضر مقطع مربعات - جزر مقطع مربعات _ زيتون مقطع حلقات - بالترتيب و بعدين تحطي البهارات فلفل اسود و كاري و جنزبيل بودره (بس مش كتير) زعتر و بعدين تبشري طماطم حوالي 2 طماطمايه و 2 فص تومو تستني لحد ما ميه الطماطم معظمها ينشف و بعدين تحطي التونه علبه او علبتين وسط علي حسب ما تحبو ا و تحطي معلقه جبنه كبيره و 3 ملاعق مايونيز و بعدين تحطي عليهم المكرونه و تقلبي و بالهنا و الشفا

و بالنسبه للجدول من عنيا هجيبه من البيت و اكتبلك اسبوع بأسبوع ان شاء الله بس خدي بالك انا و الحمد لله معظم اكلاتي جديده مش تقليديه ف لو حابه اكتبلك قولي

ام يوسف
جاري هبعتلك ايميلي ع الخاص


حبيبه اوسو
شكرا علي الجدول بس للاسف مش هينفع معايا لاني بشتغل


باقي البنات عطر و هايا و روني و توته انتي فين و ام البنات كويس انك عملتي كده مع الولد ده و ام شهاب و راجيه عفو ربها و ام سوسو صباحكم فل

يومياتي
صحيت من النوم حضرت ليا و لزوجي الفطار و كوب النسكافيه و بعدين غسلت شويه مواعين و عملت الاسكرب اليومي بتاع وشي و بعدين مسحت الرخام بتاع المطبخ و مسحت البوتجاز و المطبخ و قبلها كنت محضره اكل لمحمد و روقت البيت ع السريع و وضبت السرير و نزلت و لما رجعت عملت الغدا كان سجق بالجبنه الموزريلا و البسطرمه و معاه رز بسمتي بالبسله و الزبيب و عملت لزوجي سندويتشات و بطاطس مقليه و سلطه و عصير برتقال علشان مش بيحب الرز البسمتي و بعدين بعد الغدا غسلت المواعين و غسلت البوتجاز و نظفت التوستر من جوه كويس و من بره و بعدين نزلت روحت لصحبتي و رجعت عملت العشا لزوجي و السندويتشات بتاعت الفطار و حطيت غسيل ف الغساله يتغسل و بس

السلام عليكم ورحمة الله وبركاته

اولا فين ام سوسو يعني مش كده يعتبر اتفقنا امبارح نكتب بدري ؟؟؟؟؟؟؟؟؟؟؟؟ يالا تعالي مش تقليقيني عليكي

ام البناااااااات دودوووووووووو انتي ليه مش سلمتي علية
يارب ينجح نورهان ويوفقها ويسدد خطاها اللهم اجعلها في معيتك يارب العالمين ويارب يفرحك بيهم يا حبيبتي وتشوفيهم زي ماتتمني واحسن شوية مقالات علي الصيح تحفففففففه طيب مافيش حاجه كده عشان حسن الظن بالله ؟؟؟؟؟؟؟

رشا ام حالد ....... ازيك يا قمر انتي كمان كاتبه حاجات حلوه اوي وبالذات النرأه المطيعه هههههههههه هي دي الطاعه ولا بلاش

مني ......... والله انتي الي عسل انا طول اليوم امبارح بفكر فيكي انتي وهدي وانجي وفرحانه اوي وبقول أني لو شوفتكم صدفه هعرفكم بجد انا بحبكم اوييييييييييييييي

كنزي ......... كان نفسي اشوف الصور بس مش فتحت معايا كنت عايزه اعرف ايه قيمة الاستهتار والنداله هههههههههه
وبعدين ايه رأيك تبعتيلي ميلك انتي كمان عشان نشوف بعض ؟؟؟؟؟؟؟؟؟ لا استني هنا هو ايه حكاية التوقيه انتي مش رديتي علية ؟؟؟؟؟؟؟؟؟؟ هموت واعرف

مي ......... صباح الفل يا جميل طبعا ياقمر الي تغيب مننا بتلاقي الكل بيقلق عليها عشان كده مش عايزين نقلق علي بعض وعندك حق والله النت بيضيع الوقت عشان كده احسن حاجه نخصص مثلا وقت معين في اليوم نقعد فيه علي النت

ريهام ......... ازيك يا حبيبتي وازاي مودي يالا ابعتيلي ميلك بسررررررعه مستنياكي

روشانا صباح الخير يا تري شيكتي علي الخاص ؟؟؟؟؟؟؟؟؟؟؟؟؟

روني .......... صباح الفل كده بردوا لا سلام ولا كلام

هايا .......... صباح الخير يا جميل اخبار كوكي ايه

يا بنات فين الدعاء اللهم اعني علي ذكرك وشكرك وحسن عبادتك

الموضوع دة حلو

http://forum.hawaaworld.com/showthread.php?t=1715245