مرثيات

المرثيه الاولى*


في كل لحظه كن عيني تراعيه
مانسى أبو سامرولا أنسى خياله
أنا أحمد اللي يوم أخذه مهاديه
يخفف لهوب (ن) في صدري أشتعاله
يالله في الجنه تزين ملافيه
في جنة الفردوس تعلي مكانه
يالله عسى يوم الملاقى نلاقيه
يالمعتلي ماخاب من ألتجاء له
يامعتني بالخلق والرزق منشيه
تسقيه من عندك صافي زلاله
ياوامر(ن) عبده على الحق قاديه
عساه من اللي يلتجي في ضلاله
في رحمتك يالله من النار تنجيه
يالله تحقق له ما بحياته سعى له

المرثيه الثانيه*

مرحوم ياللي خياله دايم قبالي
مايغيب عني خياله لو تناسيته
لا يمكن انساه أبوسامر على بالي
في كل لحظه على بالي تحليته
أصبر وأصابر ولو الدمع همالي
ياما تخفيت ودمع العين هليته
غصب (ن)عليه ياعلي يابعد حالي
والمعذره لوقويت الدمع رديته
ياما تخفيت أنا في قدر المكاني
ولو كان في كل لحظه بس ماابديته
هليت أنا الدمع لو أحفيت الاوجاني
كل ما تذكرت لوقاومت هليته
ياالله يالمعتلي يالله يا الوالي
يالله في الجنه تحقق له أمنيته
ياخالق الخلق ومقسم الاموالي
تعلي مكانه يوم أنت روحه توليته
يامن بعبده رحوم بكل الاحوالي
واللي بطوعك مشى من النار نجيته
عساه من اللي زرع زرع(ن) وبستاني
يامن ترجاك مامن رحمتك تغاضيته

المرثيه الثالثه*

يالوف قلبي لاتذكرت حلياه
يرمز كما يرمز من الخوف خايف
والله لو أني تبسمت ماأنساه
مايغيب عن بالي قليل الوصايف
هذاك أبوسامر وأن حل طرياه
تذرف عليه العين دمع(ن) كثايف
للكل بشوش ويبتسم مع ملاقاه
والكل في ماأقول داري وعارف
عساه للجنه ولعلها أغطاه
لعل له فيها زلول و قطايف
وتجبر عزانا يوم حنا فقدناه
يامن ومرعبده على البيت طايف
وترحم وتغفر له وتمحى خطاياه
وتثقل موازينه ماهي خفايف
وياالله عسى في جنة الخلد نلقاه
عساه من اللي في يمينه صحايف
ياالمعتلي والخلق كل(ن) يترجاه
ياالله ما غيرك رحوم ورايف


رحمه الله رحمة واسعه وأدخله فسيح جناته
وجعل قبره روضة من رياض الجنه
وجميع أموات المسلمين أمين