مرثية الامير السامر في الامير سلطان

السلام عليكم


احزنتني جداً هذه المرثيه

رحمة الله عليك ياسلطان الخير

قصيدة صاحب السمو الملكي الامير
عبدالعزيز بن سعود الكبير





ياكبر حظ القبر و اللحد والخام
الله مشرفها بمسكن عظامه
للحل يامحقق عسيرات الأحلام
مافيه مجد الا تقلد وسامه 
ماهوب حزنه عام و الا طرف عام
حزنة مقيم لين يوم القيامه 
حزن التواصل و السياسه والأيتام
ومجد رفع به رب الأمه مقامة 
حزنه حزن عالم وشعوب وحكام 
وحزن العزيز اللي يخونه حزامه
فقيدة الدين الحنيفي والاسلام
وفقيدة سلوم العرب و السلامه
سلطان مامثله على طول الايام
مخجل ملاقينه بنبل احترامه 
لو المداد بحور جفن الاقلام 
في حصر ماسجل بفخر وكرامه 
سلطان سلطان الحقايق والارقام
المجد به حقق مناه ومرامه 
هذا وحظ ايتام الاقطار به قام 
وحجو لبيت الله ولبسو احرامه 
عينه بركب الشعب تنظر لقدام 
الله يبيحه عد وبل الغمامه 
ويجبر عزانا فيه والحي مادام 
رب عطاه زمام طيب وشهامه 


اه
اليوم يستقبلك وطنك
وغداً تحتظنك ارضك
الى جنة الخلد ياسلطان