السلام عليكم جميعا
هذا رابط قصيدة معاناة مريضة موجهه الى وزير الصحة
http://forum.hawaaworld.com/showthread.php?t=1678304
الله يغفر لك ياام سليمان الصعب وجعل مثواك الجنه وعسى ماصابك تكفير لذنوبك
وعسى قبرك روضة من رياض الجنه والله يجبر عزانا فيك..
والحمدلله هي من اهل الخير وان شاء الله يرجى لها خير
واللي غسلوها وجدوا اصبعها مرفوع للشهادة الحمدلله الحمدلله الحمدلله
وادعولها الله يجزاكم خير
وهذي مرثية فيها قالها (عبدالعزيز الصعب) والفقيدة تصير زوجة عمه
(وانا كتبتها في رد على الموضوع الاول لكن حبيت احطها في موضوع منفصل عشان الكل يقراها لانها مؤثرة ويظهر فيها الرضا والايمان بالقضاء والقدر ولا راد لقضاء الله)
ياموت لوهي بالعصي والمشاعيب...ان كان ماتقدرعلينا وتجينا
ولاتقرب اللي يحتمون الاصاعيب...وان كان ما (نوره)تروّح علينا
لكنّها من عالم السر والغيب...واللي من الله شيّ ماهو بيدينا
يالله يامنشي صدوق المخاييل
تجبر عزى قلبن فقد خير الاقراب
...
الفجر يوم السبت من تالي الليل
نجمن سميه بالكواكب لنا غاب
...
امر الولي لاصاب مافيه تبديل
شين مقدر والمقدر له اسباب
...
يارب لاتذخر لبنت الرجاجيل
يالله يامعبود ياخير الارباب
...
يارب وسع حفرة القبر بالحيل
وافتح لها بالقبر من جنتك باب
...
انت الرحيم ورحمتك تسبق الويل
ياناصرن عبده على جيش الاحزاب
...
وان جو ملايكة المحاسب مقابيل
ارفق بها في جاه طاها والاصحاب
...
وعسى لها عندك محبه وتقبيل
وتغفر لها من دون ذنبن ولاحساب
...
ياعمتي ماعاد فيها مراسيل
رحتي ضحيه للدكاتير الاجناب
...
والله ما للعبد قوّه ولاحيل
والموت ماوالله عن الموت مجناب
...
ماودنا نذكر جميع التفاصيل
نبي عيون الله على قبرك حجاب
...
وتحضين من ربك بزين المنازيل
في جنتن فيها بساتين واعناب
...
والله لو الموت ماله محابيل
ان كان ماياخذك قطاع الارقاب
...
لكن حوّل من ورى الجدي وسهيل
بامر الولي والحمد لله بماجاب
...
وحنا على مفارق غيابك معاليل
ننثر دموع الحزن والقلب منصاب
...
ننثر دموعن مثل وبل الهماليل
باسباب دمع العين حتّن الاهداب
...
لو انها بالكيف جينا مداخيل
جينا على جاهيّتن تحسب حساب
...
لكن مابالوضع هذا تساهيل
حتى ولافيها مفاخر ولا انساب
...
والموت له في كل ديره مداهيل
كم واحدن خلى الحنايا له حطاب
...
ويالله يامنشي صدوق المخاييل
تجبر عزى قلبن فقد خير الاقراب
.............................. ................
84-mo0on @84_mo0on
عضوة جديدة
يلزم عليك تسجيل الدخول أولًا لكتابة تعليق.
الله يرحمها ويغفر لها .. حسبي الله على من تسبب فيها
اللهم اجعل قبرها روضة من رياض الجنه ولاتجعله حفرة من حفر النيران ,, اللهم اغسلها بالماء والثلج والبرد ونقها من الذنوب والخطايا كما ينقى الثوب الابيض من الدنس .. اللهم ارحمها وجميع موتى المسلمين ..
اللهم اجعل قبرها روضة من رياض الجنه ولاتجعله حفرة من حفر النيران ,, اللهم اغسلها بالماء والثلج والبرد ونقها من الذنوب والخطايا كما ينقى الثوب الابيض من الدنس .. اللهم ارحمها وجميع موتى المسلمين ..
الله يرحمها ويغفر لها .. حسبي الله على من تسبب فيها اللهم اجعل قبرها روضة من رياض الجنه ولاتجعله حفرة من حفر النيران ,, اللهم اغسلها بالماء والثلج والبرد ونقها من الذنوب والخطايا كما ينقى الثوب الابيض من الدنس .. اللهم ارحمها وجميع موتى المسلمين ..الله يرحمها ويغفر لها .. حسبي الله على من تسبب فيها اللهم اجعل قبرها روضة من رياض الجنه...
آميـــــــــــــــــــــن,,
الصفحة الأخيرة
تجبر عزى قلبن فقد خير الاقراب
ياااارب ارحمها واسكنها فسيح جناتك