مرجع أماكن بيع الماركات اليديده تقريبا << بنات الإمارات حبيباتي ادخلن استفيدن وفيدن ب

مرحبا يا بنات حواء شحالكن انشاء الله بخير...... بغيت اليوم احط الكم اماكن بيع اكثر الماركات المسويه حشره << يعني صدعه << ازعاج ولا هيصه على قولة اخوانا المصريين....( طبعا في الامارات )الي تقريبا يعني يديده او مب منتشره وايد انشاء الله فهمتو << اكيد فهمتو..... يلا نبدى

بسم الله

Benefit:مركز برجمان اليديد في محل (وجـــوه)= (Faces) طبعا ما انسى اشكر حبوبة العين لانها هيه اللي نزلت موضوع عنها من قبل......

POUT: مركز برجمان اليديد في محل (وجـــوه)= (Faces) وبعد موجودة في ابوظبي لاكن ما اتذكر أي مول المهم يا المارينا مول أو ابوظبي مول....

Pixi:موجودة في مركز فتوح الخير في ابوظبي وما انسى اشكر السولعيه اللي قالتليه عن مكانها <<الي تعرف مكان ثاني لهاذي الماركه تخبرني...

المكياج السينمائي : موجود عندنا في العين محل اسمه مؤسسة المكياج السينمائي للتجميل عدال صالون سونا امررره اللي في المويجعي<<< نزلت موضوع عنه من قبل <<اما في دبي تحت مركز الضيافه للرشاقه والتجميل واعتقد ان اسمه نينا قالري << مب متاكده من اسمه لاكني اكيده ان هذا المحل تحت المركز اصلا اذا رحتي المركز بقوللج عنه ...اما الي تريد مندوبات فهاذي ارقامهم
رقمهم في دبي 2666946-04
وفي أبوظبي موزعات بس تتصلين هم يروحون لج البيت رقم تلفونها في أبوظبي 6917846 - 050 إسمها نسرين
وبعد الوكيل للماركة هذي في أبوظبي مركز سيدتي الجميلة 6727029 -02 إسألي عن واحده إسمها حنان هى بتفيدج <<الارقام منقوله بواسطه مارينا 74
وبعد تقدرن الدقن علي البداله وتطلبن شركة كاركتر للمكياج السينمائى وطلبن المندوبة ايطرشونه الكن الى البيت.......

شارمل : على حسب معلوماتي غير موجوده في الامارات لاكن اللي تعرف عن امكن بيعها هنيه تقول اذا كان شي .....

اما الحين بقولكم عن ماركات موجودة في الامارات لاكن انا ما اعرف وين تنباع << يعني خبروني وين ممكن القاهن ....<< وتتشرط بعد!!؟؟

فكتوريا سيكرت : انا لقيتها في اريج وباريس قالري لاكن عطور بس
نينا رتشي :بعد نغس الشي لقيت عطور بس << هاذا تراه في العين انا اريد مكياج اما الباقي ما اعرف وين ينباعا واذا عندكم أي ماركه ثانيه قولونا عن مكانها عشان يصير الموضوع مرجع يعني<< تتفلسف بعد

جورجو ارماني
سماش بوكس
BLOOM___Cosmetics
لورا مرسيه laura mercier
فيس آرت
كانيبو
BOBBI BROWN
NARS