مرجع بسيط كتبته من خبرتي لكل من يعاني زوجها من مشاكل بالحيوانات المنوية

السلام عليكم يا بنات :27:
حبيت اكتبلكم هاد الموضوع من خبرتي البسيطه كتير واللي بتمنى انو البنات كلهم يشاركونا خبراتهم ايضا فيه لنساعد بعضنا
ولاني بيوم من الايام اول ما فحص زوجي كنت بحاجة لكل معلومه من هي المعلومات اللي رح اكتبلكم ياها :44:
فبتمنى انو الكل يستفيد ان شاء الله
اولا انا لما فحص زوجي صراحه ما عرفت شو معنا النتيجة وهلا رح بينلكم شو النتيجة الطبيعية للرجل لازم تكون مشان تعرفي هل زوجك بعاني من مشاكل او لا ابل ما تروحي لاي دكتور

اولا :

تحليل الحيوانات المنوية للرجل الطبيعي
حجم السائل المنوي : 2ـ 4 سم مكعب ، والحجم الوسطي 3.5 سم مكعب .
2ـ حموضة السائل المنوي ( الأس الهيدروجيني ) : مائل للقلوية وتتراوح بين 7.0 ـ 7.5 .
3ـ لزوجة السائل المنوي : يكون المني عادة لزجا بعد القذف ، ولكنه يصبح سائلا خلال 20 دقيقة من الحصول عليه .
4ـ لون السائل المنوي : أبيض مائل إلى الاخضرار.
5ـ عدد الحييات المنوية : يجب ان يكون في كل ml ما لا يقل عن 20 مليون حيوان منوي ، أي ما يوازي 280 مليون حيي منوي حي في volume كامل
6ـ حركة الحييات المنوية ، مدة بقائها حية : يجب أن يبقى 60% فأكثر من الحييات المنوية متحركا خلال ساعتين ، و 35% خلال 6 ساعات من الحصول على المني.
7ـ عدد الخلايا المنوية الشاذة : يجب أن لا يتعدى 20 % من العدد الإجمالي .
8ـ عدد الخلاياالمنوية الجيدة : يجب أن لا يقل عن 70% من العدد الإجمالي للحييات المنوية .
9ـ شكل الحيي المنوي : بيضاوي ذو رأس هرمي أو مثلث الشكل وذيل رفيع ومتحرك .

بكون اسمهم بالانجليزي
volume للحجم
pH للحموضة
count/ml لعدد او احيانا بسمو Sperm concentration
والعدد كامل بالعينه كاملة يسمى Total count
Normal sperm للاشكال الطبيعية
ubnormal sperm للاشكال الغير طبيعية وبكونو احيانا موضحين شو الاشكال المو طبيعية
مثلا شي الو راسين
وشي بدون رأس
وشي بدون ذيل
:44:
وبعدين الحركه اللي اسمها SPERM MOTILITY
وهي اربع انواع
اول واحد بكون الحركه للامام
وهو اكتر شي مهم ولازم يكون اكتر من 60 بالمية
والباقي بمثلو الحركه بنفس المكان والحركه للخلف



هلا نصائح مني وعن تجربة :
1) اول ما زوجك يفحص ولقيتي انو عنده قله بالعدد او بالحركه او باي شي خليه يستنى اسبوع ويرجع يفحص مره تانية ليتاكد انو نفس النتيجه لانو احيانا بتكون العينه خربت لاي ظرف من الظروف وعطت معلومات غلط

2) لازم يفحص الهرمونات متل هرمون fsh
Lh
prolactine اللي هو الحليب
وال testerone اللي هو هرمون الذكورة
هرمون الغدة الدرقية كمان
لانو ازا كانو غير طبيعين يمكن علاج الشخص بالهرمونات اللي بوصفها الو الدكتور وبتساعدو بشكل كبير ان شاء الله :icon28:

ازا كان زوجك هرموناتو طبيعية :

2) لازم تعرفي انو علاج زوجك ما رح يكون بيوم وليلة وانو الشغله بدها صبر كتير ولازم تجربي كتيييييييييييييييير لتوصلي للعلاج المناسب
لانو خاصه بهاد الموضوع اللي بفيد غيرو ممكن ما يفيدو واللي بفيدو بجوز ما بفيد غيرو
في علاجات كتير منها خلطات العسل واللي مكتوبة بالموضوع المثبت
ومنها اخذ ادوية مثل فيتامين e والزنك وال كرنتين وادوية كتييييييييييييير وادوية ممكن يوصفها الدكتور
ولازم تتاكدي انو ممكن تفيد وممكن لا وانو لاااااااااااااازم يجرب :angry:

3) في حالة اكتشف عند الدكتور انو عندو دوالي
لو دورتي وسالتي انتي وياه وين ما كان رح تكتشفي انو في ناس بتنصح بالعملية فيها وفي ناس لا
وناس عملوها استفادو وناس لا
ودكاتره بقولو ما بتتساوا الا اللي مسببتلو الم وعندو العدد كبير ودكاتره بتقول مو مشكله المهم تنعمل :angry:

4) اعلمي انو ما الك الا الله تتوجهي الو اولا واخرا انتي وزوجك بالدعاء وقيام الليل
وانو الاستغفار هو الحل الاول واللي لازم يضل ملازمك انتي وياه طول فتره العلاج

5) لازم يستخير ابل اي دواء ياخدو

6) لازم يعمل حجامة دااااااااااااااااااااايماااااااااااااااا عند حجام شاطر يشرحلو حالتو وهو رح يعرف وين يعملها وبحددلو كم الفتره اللازمة بين كل حجامة واخرى
واعلمي انو ممكن يستفيد على الحجامة بشكل كبييييييييييير كتيييييييييييييييير لانو ازا في اي دم مجمع او اي شي ان شاء الله بروح بالحجامة

7) لازم تقرائي الرقية الشرعية انتي وياه وتلازمو عليها ملازمة دائمة فربما كان الضعف عندو بسبب عين او حسد او عمل او جن
فالجن يقال انها تسكن بالبربخ عند الرجل

8) لما بكون عند الزوج قلة بالعدد رح ينصحو غالبا باطفال الانابيب او الحقن المجهري او التلقيح الصناعي
التلقيح الصناعي بينفع بس بحالة وحده لما بكون عند زوجك عدد اكثر من 6 مليون بالمل الواحد
اما ازا اقل فما رح يزبط غير التلقيح المجهري او اطفال الانابيب

9)لا تخافي من فكره اطفال الانابيب او التلقيح المجهري ازا زوجك مقتنع فيها فهي سبب من الاسباب للحمل بعد الله لا اكثر ولا اقل وممكن تحملي وممكن لا
لكن لازم يضل ماشي بخطين اللي هو اخذ علاجات وعمل اطفال الانابيب او التلقيح الصناعي بين فتره واخرى لحد ما يصير حمل ان شاء الله

10) ازا كان وزنو اعلى من الحد الطبيعي لااااااااااازم ينزل وزنو ابل اي علاج فالوزن الزائد بسبب ضغط على الخصيات وبزيد الحرارة عليها فبتبطل تنتج للحيوانات المنوية او تنتجها باشكال وحركه غير طبيعية

11) لازم دايما اللي موجودين بمناطق حاره انو يحاول يحافظ على حرارة الخصية اقل من 37 درجه يعني لازم تكون درجه حرارة الخصيه ما يقارب ال 35 حتى تكون منتجة للحيوانات المنوية
وعلى فكره هي اكتر الاسباب المسببه لعدم انتاج الحيوانات المنوية عند كتير من الازواج بسبب ارتفاع الحرارة

12) اهم شي وكلي امرك انتي وياه ل الله وبس واعرفي انو الله قادر يرزقك بالذرية الصالحة حتى لو شو ما كان مرضو

13) لا تنسي انو يضل هاد الامر بينك وبينو وبين الدكاتره وما تفضحي امرو لاي حدا لانو هاد الامر كتير حساس بالنسبه للرجل
وازا هو رضي انك تحكي لامك او امو فمو مشكله لكن حاولي ما تجرحي مشاعرو باي شكل من الاشكال لانو هي الشغله مو بايدو وهاد ابتلااااااااااااااااااااااااء :icon33:


بتمنى كون فدتكن يا رب وجد بتمنى انو تقراؤو هاد الموضوع لاني والله جبتلكم ياه من ذاكرتي ومن الخبره اللي اكتسبتها
ولو اتزكرت اي شي ان شاء الله بكتبو
وبتمنى اي وحده عندها اي نصيحه انها تكتبتها لانو حيجي يوم وتقراؤو بجوز بنت زوجها بعاني من هالشي ولو استفادت من اي شي ان شاء الله نكون سبب ساعتها بعد الله بحملها

وانا ما بدي منكن الا انو تدعولي انو الله يشفي زوجي ويرزقني بالذررية الصالحة منو عاجل غير اجل يا الله