يا عيوني
قرات ردك امس بس ماقدرت ارد عليك
خافي على نفسك
اش ينفعك وجه صافي مع كوليسترول عادي؟
بنت صغيره بعمرك يكون معها كوليسترول؟
الحل بيدك
تقدري تكسبي الاثنين كوليسترول منخفض و وجه جميل
انتبهي على اكلك و بينزل الكوليسترول
بس المهم صحتك


يااااااااااربي
متى بلادنا تطور؟؟
كيف واحده تاخذه بدون وصفه دكتور؟؟ الصيدلي كيف قبل يبيعها الدواء بدون وصفه؟؟
لا و الدكتوره تقولك (ممكن) يكون خطر؟
اسفه بس الدكتور مش شاطره مثل ماقلتي
لان اي دكتور يعرف مخاطر الاكوتاين و مستحيل يوافق على شخص ياخذه بدون وصفه
وقاعده بعد تقولك القصه علشان احد يسمعها و يقول باخذه بدون وصفه دكتور مثل هالبنت!!


انا قرات هذا الكلام بالارشادات الي تجي مع الدواء. الواكس انت اصلا لن تستحمليه لان البشره جاااافه و ممكن تسبب جروح
بس لو بشرتك عاديه و لم تجف فتقدري تستخدميه
بس الليزر مثله مثل الشمس
اكيد ترعفي انه لازم تتجنبي التعرض للشمس..صح؟
فاكيد الليزر اولى



سلامات :(

بنات طلعت لي بقعه بخدي بيضاء مدري وش ذي :06:
خايفه يكون برص؟

هلا وغلا بالبناااااااات كيف حالكم

عسى ماشر يابنت ياكويسة هذا وانتي الرئيسة لنج غالبتنه بالرواكوتان

بعيد الشر عنج اصلا مافي من ضمن آثاره برص هذا اكيد بياضج اللي فاق اللزوم ماشاء الله عليج تصير لنا بعض الأحيان الاحظ انه في منطقة ببشرتي بيضاء او منطقتين او بالأحرى بقعتين هذا قبل العلاج وبعدين تروح اسكت عنها والاقيها اختفت فأتوقع انتي صار لج جذيه
خليها عنج وبتلقيها مو موجودة


تعالي نسيت اسئلج انتي من اليوم صار لج كم على العلاج ؟؟؟اني اليوم آخر يوم لي بالشهر الأول

والنتائج :
1_ هدأت الحبوب لكن مانقطعت عني مازالت تطلع مليووووووووووووووون خط على الهنقطة
فسؤالي متى انقطعت عنج الحبوب بصفتج الرئيسة الأولى بالحزب خخخخ ؟؟؟؟

2_ النتيجة الثانية بصراحة الاحظ نفسي اني بيضت بس مادري مااشوف ابداء آراء من اللي حوالي

3_ الآثار مثل ماهي ...

سؤالي للجميع هل شكل الجلد بعد العلاج والأستمرار عليه بيتغير يعني احس شكل الجلد ومحبب ومبقع ومو مستوي املس بيصير املس وابيض كأنه ورقة صافية بيضاء لو ..... مستعيلة على النتايج

4_ النتيجة الأيجابية انه الزواوين طلعت لبرى ومازالت تتكون ولكن تطلع بالأحرى في هذا الشهر اللي فات خخخخ صار قديم الحين بالنسبة لي ...كان خشمي خشن المسه محبب من الزواوين والنقط السوده الحين صار ناعم واملس والزواوين طلعت صار نظيف يعني

وسؤالي هم للبنت التي كويسه .... بعد الزواوين اللي طلعت ظلت المسام اللي كانت متجمعه فيه هالزواوين صح لا ؟؟؟ سؤالي متى انغلقت هالمسام لأنها احسها مفتوحة علما صار لي 4 ايام من طلعت هالزواوين ..... تختفي وتنغلق لوحدها مع استمرار العلاج ولا ؟؟؟؟



وبنات لا تنسون ندعي لبعضنا البعض بالشفاء وبيسر العلاج وان الله يحمينه من الآثار الجانبية ونخلص من العلاج بسلام وبوجوه صاااافية





اختي هاجر اخيرا رديتي ياريت توضحين اكثر عن تجربتج يعني انتي قطعتي العلاج بسبب الكوليسترول المرتفع لأنه كلنا نعاني منه اني واختي الهولية .؟؟؟؟ ولا من نفسج انتي واهمالج ؟؟؟ ولا الدكتورة قطعته عنج ؟؟


وهل انتي تأخذين الدواء من جديد ولا لا ؟؟؟

وشلون تخلصتي من ارتفاع الكوليسترول وحافظتي على ثباته ياريت توضحين انواع الأطعمة اللي تأكلينها ونظامج الغذائي عشان استفيد لأني بصراحة صايرة vegetirion نباتية قح ماشي حيواني آكله وضعفت 5 كيلو وكان المتن علي حلو خاصة خدودي الحين راحو وقررت بعد العلاج ارجع لطبيعتي عشان استرجع جمالي في وزني بعد مااسترجع جمال بشرتي خخخخخخخخخخخخ سندريلا اللي يسمعني


ولكم الشكر الجزيل

اووه نسيت اختي دموع واخيرا لين رأسج وقررتي تستخدميه عاد لا تنسين يوميات وتجاربج واي شيء يصيدج خبرينه من سلبي بعيد الشر او ايجابي وهذا اللي نبيه وهذا هدف الموضوع



وبالتوفيق اخواتي وتمنياتي لكم بالبشرة الصافية يااااااااااااااااااااااااارب

تعالوا شابات عانساات ههههه

خيز الرقاق فيه دهون ولا له عارفين انتوا كل شيء في دهون ممنوع ماعدا الدهون النباتية اللي موجوده بالخضر والفاكهة والخبز والأرز طبيعية يعني

فسؤالي من تعرف شلون يسووون خبز الرقاق وهل يدخل الدهن فيه او لااااااا

هلا اختي

لا ياقلبي انا قطعته اهمال مني

والكليسترول ماكان عالي كثير شئ بسيط جدا عن الطبيعي

والحين ايوه جالسه اخذ الدواء من جديد

هيه قالتلي طبعا كده مو كويس عشان نتيجته وهوه متواصل غير
بس الحمدلله وجهي الحين مرررررررررررررره كويس

وعن نظام الاكل
كنت باكل عادي

بس مره مخففه من المعجنات والزيوت والمقالي خصوصا الا زيت الزيتون اكثره مره في السلطه

وكمان المايونيز كنت مره احب اكثره في اكلي الحين لا
نادر اكله

وباقي الاكل اكله عادي بس اكثر من السلطه والفواكه