مرحبا خواتي ابي افكارك ومشورتكم

مشكلتك مستعجله من شهرين قررتي انه فشل وسكرتيه
يعني متوقعه الزباين بيجون ورا بعض وبالهبل من اول شهور
هذا شي مستحيل
المشاغل مواسم واذا فتحتيه الشهرين الماضيه فتاكدي الحين موسم ركود طبيعي
لازم يكون عندك صبر وطووله بال
كل صاحبات المشاغل في البدايه خسرو ودفعوا رواتب العاملات من جيبهم اول الشهور
لين وقفو على رجلهم وصار لهم سمعه ومكانه بين الناس وانشهرو

اعرف وحده جلست سنه تدفع رواتب العاملات والمصاريف والحين مشغلها من اكثر المشاغل اقبال ماشاءالله
لاتستعجلين ارجعي افتحيه وانشريه اكثر وسوي عروض اضافيه و وزعي كروت المشغل في الاسواق والمدارس القريبه ..الخ
واصبري مافي شي يجي بكم يوم يبي لك ع الاقل سنه تتعبين والحين الاجازه جايه وبعدها رمضان وعيد يعني موسم شغل كبير لازم تنافسين و تصبرين ولازم تتاكدين ان العاملات شغلهم ممتاز او ع الاقل مقبول لان لهم دور كبير في اقبال الناس ع المشغل احيانا العاملات يكون سبب في عدم اقبال الزباين عليه , واذا تقدرين توفرين خدمه منازل فهذا شي ممتاز ويساعد في انتشار المشغل لو تحددين ايام معينه في الاسبوع يطلعون عاملات

الاخت الي فوق وفت وكفت

فديتك اختي لاعدمت منك ومن تواجدك
اختي العاملات مشاء ممتازات بكل شي حتى المساج
بس مثل ماقلت موزعه بروشورات والشارع عام كبير وكل اللي حوله بيوت وشقق
بس هي ارزاقوالحمدلله على كل حال
مشكلة الرواتب ماعندي سيوله ودخل هنا المشكله
حطيت عروض جداً مغريه لخدمة المنازل ومافي مشكله لو يومي
ولكن الله كريم
يرزقنا ويرزقكم ويفتحها علينا يارب
اشكرك حبيبة قلبي ع المداخله

طيب لاهنتو خواتي وش فيه مواقع وطرق للاعلان
ويكون غير مدفوع وغير الانستقرام

العفو حبيبتي
بما ان موقعه مميز و العاملات ممتازات خلاص الحمدلله انتي ماشيه بطريق صحيح بس تحتاجين وقت
وينشهر مشغلك ويكون له زباين

انصحك بكم شي وبتدعين لي
اولا شوفي حسابات الانستقرام المشهوره الي عدد المتابعين من 100 الف وفوق
ويكونون كاتبين في البايو انهم يستقبلون الاعلانات
ارسلي لها عرضك انك صاحبه مشغل ومحتاجه اعلان و تعرضين عليها اسم مشغلك ورقمك
وتقولين لها ممكن ارسلك عاملات من عندي يسوون لك بديكير ومنيكير و تسريحه .. الخ حسب اختيارها
وبيوافقون بسرعه الحين اغلب الحسابات صار هدفها الاعلانات
هدايا تجيها ببلاااااش وتعلن عنه
حساب ورا حساب يسوون لك دعايات وبإذن الله تشوفين الزباين تهل عليك لان الناس صارت تحب الشي المجرب يعني مجرد ترسلين لها عاملات وتنزل لك اعلان بدون فلوس

+
فيه مواقع ترسل الف رساله نصيه على سبيل المثال
مقابل 100 ريال مثلا
هذي خدمه ممتازه عشان يتوسع شغلك كان عندي موقع يقدم هالخدمه لكن انسمح لو تبحثين في قوقل بتحصلين كثير
انا عن نفسي واغلب البنات كثير من الاشياء مانعرفها الا من خلال هالوسائل من الاعلانات
انستقرام واتس اب رسائل نصيبه مواقع تويتر .. الخ

ولاتنسين الاستغفار والدعاء يجلب الرزق
ودعواتك اذا افدتك بشي