ما أدري ليه دائما مواضيعك اكون اخر من يرد فيها...ماادري ايش السبب؟؟؟
والله يعينك على القرايه..
اولا:
مدرجات العميــــــــد <<< ماذا تعني؟؟؟
ثانيا:
سلمي لنا على ام الروائع والله يفرج كربتها ..وعلى التوت الزاكي والله يرجعها لنا بالسلامه..
ثالثا:
انا لو شفتهم مالي الا الصراخ ومحاولة الهروب من نفس المكان طبعا قبل كل ذا اقرا المعوذات واستعيذ بالله واعتبر اني ماشفت شي واهرب..
ومن المواقف اللي صارت لي..
موقف كنت في المزرعه وبالتحديد في المطبخ<< يازين ذيك الايام اللي نطلع من الفجر ونتغدى بالمزرعه>>..ايامها كنت اعتقد بثالث او ثاني ابتدائي..
ودخلت اجيب ملح عشان آكل ليمون والشغاله كانت تغسل مواعين وهي تطلع لنا ذيك الحيه من الشباك<< البيت بنايته قديمه وكان غير مسلح>>ومو مثل الحيات اللي انت جايبتهم ياقلبي عليهم يعتبروا عيالها من كبرها..( مثل الحيايي الافريقيه الضخمه)
طبعا صرخت الشغاله وجاء العامل بسعفه مغموسه ببنزين واشعل فيها النار وحاول انه ينزل الحيه من ذاك المكان ولارضيت تنزل ومع مرور الايام اختفت..الى يومك هذا مااحنا عارفين وين راحت..بعدها انا صرت اااااخاف من هالبيت....
..................................................
ومره طلعت لحوش البيت لقيت اخواني مسويين مذبحه في احدى الحيات اللي هي مسكينه طاحت في ايدينهم..
الصراحه انا ماشفتها لكن شفت جلدها وجسمها فاصلينهم عن بعض..ما ادري كيف قويت قلوبهم على كذا..
..........................................................
وهالموقف طاااازه شوي لأنه صار العام بشهر11يعني له3شهور..
كان ولد اخوي يصيح كثيييير وكانت امه بتغير له بسيارتهم..
وكنا جالسين حول النار..
(كان بودي انزل الصوره بس كبيره)
وكان اخوي مشغل شريط محاضرات قام اخوي الثاني يعلق يقول: ياحرام مسكين هالشيخ يقرا ومااحد يسمعه ..وهو يرد عليه اخوي:اصلا هو بيقرا على ولدي..ماكمل كلمته الا ولان مرته بسررررعه تقول الثعبان ياجماعه..
حنا وقفنا من غير ماننخرع وما استوعبنا كلامها ونسألها ايش فيه وهي ترجع تكرر الكلمه مره ثانيه في هاللحظه استوعبنا ايش بتقول وعلى طوول زوجها نشب لأن الثعبان على وصف مرت اخوي كان جاي نحو سيارتهم وموعارف كيف يطلع للسياره..المهم طبعا بعد صرختها اول من قام ميييييييييييين؟؟؟
الشغالات الاربع وراحوا دحشوا نفسهم كلهم في سياره واحده ورا السواق <<< نذاله وبقوووه بعد..
وقمنا ندورعلى الحيه ونسوي خمسات واربعات وسبعات ومالها اي اثر..
انا موقفي في تلك اللحظه لأنها كانت جايه تركض ناحيتي قعدت افكر وشلون يالكادي تنطي فوق الجيب عشان هالحيه والمصيبه ان الجيب مفتوح الكبوت اللي قدام(يمكن انتو تسموه الطبلون)بس ماراح فيها الااخوي هذاك ياشحن سيارته لدرجة اني قلت هالحين تنفجر السياره من الشحن(عشان لو كانت فيه حيه تطلع)
وسلامتك

بنــــــــــت نت ..

هلااااااااااابك حبيبتي

وماشاء الله عليك صحيّحه منذو الصغر :42:

اما اخوك ذا كأنه ابو الشباب عندي كل شيء يذبحه بالساكتون والود وده حتى النمل يذبحه

بالساكتوووووووون عاد بناتي يا فرحتهم اذا شافوا بعرصي على طووووووول طيران لأبوهم ..

يسلموووووووو عمري على الطله ...

فليستـــــــي ..

هلااااااااا بك عيووووووووني

ومشكوووووووووره حبيبتي على ردك ......

قلوووووووووبه ..

هلاااااااا وغلااااااااا قلبي

الله يرجك انتي وسوالفك اول مره اشوف وحده تكتب وترد على نفسها خخخخخخخخخخخخ

اما سالفتك لو انا كان يمديني متحنطه جنبه من هول المنظر << لحقوا بس على المنظر:o

بس زين انك عشتي علشان ما ننحرم من وجودك بيننا << داخله جو مع السالفه :42:

واخيــــــــــراً يسلمووووو على الرد اللي مثل خشتك :23:

طيـــــــــرة شــــــــلوة ..

مراااااااااحب بالغلااااااااا



صح لســــــــــان من قالهـــــــــا << وحده تقدر الشعر الشعبي

وفعلاً قلبي سم الحيــــــــــه أخطر من سم العقرب وخصوصاً اذا كان ليلة أثنين او جمعه

يقوووووووولون أنه يكون مره قوي لأن العقرب او الحيه اذا ما لقت احد تقرصه

في هاليلتين لازم تفضي سمها لو في صخره علشان تعيش << مدري عن صحة ذا المعلومه

ويسلمووووووو عمري على النصائــــــــــــح ...

مجـــــــــــاهدة ..

هلاااااااااا وغلااااااا عيوني

ليش داخله غلط حبيبتي بالعكــــــــس نورتينا بردك والله واسعدتني طلتك ...

و * البثن * اول مره اسمع بها وعساني ما اشوووووووفها ...

شيووووووووووخه ..

هلااااااا ومرحبــــــــــا حياتي



الله يخارجنا لو جمعتها كان ما شفتوا خشتي يمديني منصرعه جنبها :42:

والله يسلمك من كل شــــــــــر ..

اقوووووووول شيوووووووخه لا تعطين فرصه لأبو الشباب يشخص عليك ويسوي قدامك

رامبوووووو فكي عليه من القصص والبطولات حقتك علشان يحسب حساب لك

<< حشىىىىى مهب بتعيش معه الا بتتحارب هي وياه :42:

همســــــــات الورود ..

هلاااااااا والله وغلاااااااا



:44: اقووووووووول سوي نفسك ما شفتي الصور وخلي الوحشه ترجع

<< تخفف دمها عليك

ومشكووووووووره عمري على مرورك وطلتك على الموضوع ...

مداويـــــــــــة الجرحى ..

هلااااااا وغلاااااا بـ الشفــــــــــاء ...

<< اسم الدلع لك عجزت وانا احوس يمين يسار ابي ادلعك ما عرفت وفي الأخر طلع معي ذا :42:



وش قالوا لك انسان في صورة سكني وش اروع يالشينه << مسويه نفسها معصبه :23:



لحد يسمعك يالدبه ثمن يسحبونا مع كششنا لأبو زعبل ... :42:

وبعدين فكره وش رائيكم نحدد اسبووووووووع ويكون اسبووووووع رعب كل المواضيع

مرعبــــــــــــــه << ناويه تقضي على العقل الباقي عندكم :23:

عشوووووووووقه ..

هلااااااا وغلاااااا يا بعد قلب ذكـــــــرى



هههههههههههههههههههااااااااي الله يرجك ضحكتيني من قلب << اجل من عين

اما المهرجان خلاني انسى كل الشخصيات هبلوا فينا ذا البزران جعلهم للصلاح ...

خخخخخخخخخخخخ ضحكتيني بسالفه هالحجازيه << ردها كله ضحك في ضحك :42:

والله من جد طلعتي من جنبها ما تعرفين تختارين الاوقات المناسبه لمقالبك

<< يقالها الحين هي اللي تعرف تقدر خخخخخخخخخخ

بس حرام فرضاَ سقطت الحرمه عز الله بيجيك زوجها ويلعن ابو عاشرك عاد حجازي

ما عنده يمه ارحميني << تحسب كل الحجازيين مثل اللي عندها :23:



معترفه انتي وخشتك انه طووووووووويل تصدقين فتحت صفحه للرد وصفحه للموضوع

ورحت اسوي لي كأس شاهي ويوم جيت لين بنتي جالسه تقراء الردود قالت مامه

هذا ردها طويل ما قدرت اقراه هي وش كاتبه تقصدك انتي ووجهك خخخخخخخخخخ