مرحله اللغه ساعدوني !!!!!!!11

وعليكم السلام
هلا اجتماعيه
بالنسبه للغه منفصله عن الفاونديشن ((السنه التحضيريه ))
شوفي اولا تاخذين لغه ويعطونك الملحقيه غالبا سنه كامله دراسه
واللغه مستويات تبدا من بيقنر مثل ماذكرتي وبالنسبه للمستوى انتي وشطارتك
يسوون اختبارات تحدد تطلعين مستوى اعلى او تبقين بنفس المستوى فتره
وبعد اللغه يكون الفاونديشن بس لاتنسين اللي بينهن ((الايلس ))اذا ماعندك قبول غير مشروووووووط

والله يوفقك

مشكوره ياقلبي ماقصرتي

اهلين اختي اجتماعيه انتي تقصدين فتره دراسه اللغه بس مو الدراسه الاكاديميه بالجامعه ...صح
لاني احس شرح الاخت ام عبدول بعيد عن اللي تقصدينه..
فتره اللغه ومراحلها تعتمد عالمعهد اللي راح تدرسين فيه..
كل معهد تقريبا له تصنيفه الخاص ومسمياته الخاصه فيه..
اول ماتجين يسوون لك اختبار تحديد مستوى هذا اذا كان عندك خلفيه...
اما اذا كان ماعندك لغه ابدا او مستواك ضعيف يحطونك في الفاونديشن ليفل ...اللي هو يأسسونك لدراسه اللغه
بتعليمك الحروف والاراقام وكلمات بسيطه وكيفيه القراءه والكتابه وشويه قواعد...
اتمنى اني اكون فهمت عليك ويكون شرحي بمحله...
تحياتي لك...

مشكوره ماتقصرين

بالنسبة لمستويات اللغة تختلف اسماءها من معهد للثاني وطريقتها ومدة الدراسة لكل سمستر

بعض المعاهد نظامها بالترتيب اللي قلتي : مبتديء - متوسط- متقدم - متقدم مرتفع.

وبعضها مجرد ارقام يعني من 1 لـ 6 مثلاً

وتختلف بعضها مدة السمستر شهر والدراسة كاملة 12 مستوى
بعضها شهرين والدراسة 6 مستويات
بعضها 4 شهور والدراسة 3 مستويات . .. وهكذا

والمجموع في الاخير سنة - 12 شهر


المعاهد اول ماتوصلين تسوي لك اختبار تحديد مستوى ويحطونك في المستوى اللي يناسبك

يعني ممكن اذا لغتك 0 يحطونك في المبتديء او مستوى 1 وتحتاجين سنة كاملة للتخرج

واذا عالية مررررة يحطونك في المستوى الاخير مباشرة :) وتحتاجين سمستر واحد فقط للتخرج

او بالوسط ما بينهم .. على حسب درجاتك في الاختبار.


موفقة