مررره تتحسس من ذا الموضوع بشكل مبالغ فيه ولا انا ابالغ

السلام عليكم عزيزاتي
بداية سنه كلها تباشير وفرح ان شاءالله علينا وعليكم يارب
اخواتي بشاوركم، عندكم اختي الكبيرة بعد تجربتين فاشلتين مع العاملات وحده جلست٣ شهور واضربت واضطرو يسفرونها وهم دافعين عليها ٢٠ الف ريال طارت بالهواء والاخرى بعد ٤ شهور هربت بعد سنتين بدون عاملة جابت وحده لكن صارت تعاملها غير مره بقولكم امثله قبل عاملاتها الثنتين كانت اذا جتنا عند اهلي تجيبهم اذا رحنا خوالي اخذتها عادي اذا طلعنا استراحات وفيها عاملات ثانيات عادي اخذتها يعني حتى بالسوق اذا اطفالها بيلعبون بالالعاب المغلقه اللي زي الزحاليق والمتاهات تخلي العامله معاهم وتروح تتسوق لكن الأن تغير كل شيء بعد ماجابت هذي العاملة صارت حريصه ماتطلعها للاسواق معاها الا اذا العامله تبي شي معين اخذتها خلتها تاخذ غرضها وترجع اذا تجي عند اهلي نادرا تجيبها جمعات خوالي او الاستراحات ماتاخذها،، اذا بنجي عندها في بيتها قالت لا احد يجيب تكفون عاملات مابيها تختلط مع احد وصارت تتضايق جدا لو مثلا طلبنا تجيب عاملتها تساعد لانه تقول تبت عقب تجربتين فاشلات قالت لي صديقتي انه هي خبره١٣ سنه بالعاملات اذا تبين العاملة تستمر معاك لا تخلينها تختلط بالعاملات ابد ولا تتركيها بالسوق الحالها مع الاطفال تلعبهم ماتدرين ياكثر اللي يغررون بالعاملات ويسرقونهم وفعلا طبقت كلام صديقتها وهذي اول عاملة تجلس عندها سنه ونص كلهم مايمشون عندي
وقالت اذا بتطلعين مشاوير بسيطه نفس سوبر ماركت او حديقه خذيها تغير جو طلعيها لكن طلعات شاليهات و جمعات عاملات بالغالب تكون تخريب للعامله ومقارنات
سؤالي اخواتي هل هذا الكلام صحيح ولا مبالغات اشوف حتى ام زوجي كذا هل فعلا اختلاط العاملات مع بعض خراب وماينصح فيه ؟!
يعني موقف قريب صارلي طلعنا انا واختي المول وكانت اللعاب مغلقه وولدها ١٠ سنوات ومعاه جوال ودخلته الالعاب وقالت نروح كوفي قريب نتقهوى قالت المسؤله ممنوع تتركونه لازم معاه مرافق قلت لها لو العامله ماخذتها تجلس عنده مو احسن عطتني نظرة اللي وش دخلك وحسيتها اتضايقت احس اوفر مره احس تبالغ في خوفها على العاملة مررره