ارسلتلهم على الخاص وان شاء الله يدخلون ونتطمن عليهم

الى الان ما دخلت شايله هم السجل ماعندي الله يعين

المشكله الافلاج ماقالوا وش الاوراق المطلوبه ماندري السجل مطلوب والا لا لان بعض الادارات طالبينه والبعض لا
بس مضطرين نجيبه لان اذا قالوا اجباري مش بالساهل نروح ونجي الدعوه سفر
الله يسهل امورنا يارب

شموخ اطلبيه من جامعتك بسرعه ترا مايطلعونه بنفس اليوم


اذكر يوم اطلب اوراقي من جامعة نوره
دخلت على الموظفات ولقيتهم فالينها قهوه وحلى
وكل ما ادخل مكتب اسأل القاهم سوالف وضحك واكل ومطاعم وشي مبالغ فيه بصراحه
المهم واخيرا وصلت للمكتب المطلوب واقولهم اللي عندي ابي وثيقتي القديمه لان فيها النسبه المئويه الجديده ماوضحوا النسبه
ووقعت على طلب الوثيقه ثم قالت راجعينا بكره
قلت ليه قالت لازم اروح للارشيف
قلت بخاطري هذا شغلك بس اسكت وقلت لها انا مو من الرياض جايتك من الخرج صعبه اروح وارجع بكره وقلت لها نروح انا واياك للارشيف اساعدك بالبحث مارضت الا بكره
قسم اني انقهرت خصوصا يوم ركبت وزودها علي ابو الشباب وقام يهاوش ليش ماقلتي لها طلعيها اليوم

ترا انا قلت قصتي للعضه والعبره بلا كسل خلصي اوراقك بدري والله يسهل لك

ترا الموظفات من قل الشغل اللي عندهم اذا جاهم احد مايسونه بنفس الوقت لانهم تعودوا على الجلوس
عكس اذا صارت الوحده مضغوطه تنجز عملها بسرعه عشان مايتراكم عليها الشغل

فعلا روزانا مايضرك جيبي كل الاوراق