اهليين يابنات البكيريه

كانت مقابلتي اليوم الساعه 11

طبعا كتبت الموضوع بعد المغرب وارسلته وانقطع النت عندي قلت ابدخل مره ثانيه واكتبه علشان تستفيدون

استقبلوني مشرفات البكيريه بابتسامه وذوق واحترام

طابقو اوراقي بالاصل

بعدين رحت عند مشرفة الحاسب واعطتني ورقه وقالت اكتبي بالوورد وصممي بالبور بوينت طبعا عرفت احط الشرايح

بس ماعرفت اصمم قالت ضروري تعرفون

المهم جاء وقت المقابله بصراحه ماتوقعت اسألتهم كذا دقيقه ولا تدرين وش يبون بالضبط
قالت لي عن التهيئه بالنسبه للطالبات
عبرت بالي اعرفه

واسألتن عن التقويم المستمر لبنات الابتدائي وانا متوسط وثانوي
فماقريت عن الابتدائي وعددت انواع التقويم كانت وحده من البنات كاتبته ضمن اسأله جزاه الله خير

جا دور المشرفه الثانيه بصرااحه اسألته موب تخصصي اصلا
اسألتن عن مؤسس الدوله الامويه ومعركه القادسيه ومعركه ثانيه مادري وشي

واسألتن عن الاهواز

قلت موب تخصصي تاريخ قالت لازم تلمين بالامور التاريخيه

شكله تخصصه تاريخ والله اعلم

واسالتن عن خط العرض قالت درجته نسيته والله
بأي دوله يمر ماعرفت

وما هو خط العرض الرئيسي

وعددي القارات وماهو اطول الانهار

وقريت كتاب

ورتبت الرغبات

يارب اصير قريبه ومدرسه مريحه الله يوفقنا ويكتب الخير لنا

دعواتكم والسلام عليكم

بالتوفيق للبنات الي سوو مقابلاتهم والله يسهل لبقيه البنات وانا معاهم ويارب يسخر اللجنه يخففون علينا الاسئله وبلاش اختبار المعلومات احنا من جلسة البيت نسينا كل شي تقريبا
تخصصي رياض اطفال ومن المدينه ومقابلتي يوم 12 ربي يسهلها الي معي بنفس اليوم تقول عشان احس باطمئنان حدي متوتره

عجيب امرك ايش تخصصك

الله يسعدك

ام الشيخ عمر انا رياض اطفال ومقابلتي السبت 12/7 يعني مع بعض انا من الرياض
عجيب امرك الله يجزك خير ماقصرتي
بس كيف ارتب رغبات وانا ما اعرف المدينه اللي انا اتعينت فيها ياريت تفصلين هل الرغبات على مستوى المملكه والا بالقصيم بس احس اني ضايعه خاصة اني جايه من الرياض

ام المهند تخصصي جغرافيا

عساها خيره المشرفات يقولون لك حطي الرغبه الاولى البكيريه والرغبه الثانيه الفويلق

البكيريه هي وسط البكيريه ومحافظات قريبه منها

والفويلق خارج البكيريه ويتبعها قرى