اختي فداء الارواح وجرح السنين

اسفه ع التاخير ... كنت مسافره طلعنا من الحوطه ورحنا الرياض عشان كشف السموم لاختي

وتو رجعنا امس ولا كان عندي نت


شوفو انا لغه عربي اللجنه الثالثه

كلهم عسل ماشاءالله عليهم

سالوني عن عصور الشعر

اقسام الكلمه ... وش الاحداث الي تحدث في العالم العربي

هل أأيد المظاهرات السلميه ... وش يحدث حاليا في مصر >> الي هي انتخاب رئيس طبعا


قالو لي من هم شعراء العصر .. هل عندي دورات قلت لا

قالو لي تعرفين تستخدمين الحاسب قلت اي بس مو اعرف كل شي فيه بس مواقع وفوتوشوب

قالت ماشاءالله تعرفين فوتوشوب قلت اي اخذت دوره

بعدين الاسئله الي فوق اقول كلمه وهم يغششوني لاني نسيت

تقولي الي متخصصه بالعربي اي يلا حاولي تذكري

قلت والله متخرجه من زمان اعذريني ما اذكر زين

قالت متى تخرجتي ... وليه قبل تجين ما قريتي استرجعتي

قلت والله ما امداني لانه الفتره بسيطه ما يمدي استرجع كل شي

قالت طيب انتي وش تحبين قلت احب تخصصي


قالت حلو يلا تذكري وش اقسام الكلمه وهي تحاول تغششني

قلت ماذكر بصراحه

قالت طيب اشتغلتي قلت لا قالت ليه .. قلت مافيه وظايف

قالت ما حاولتي قلت الا بس ما كتب ربي

قالت ليه ما حصل

قلت مادري بس انا كل سنه اقدم وما يصير نصيب

قالت طيب مدارس اهليه قلت الا جربت بس ما طلع اسمي

قالت طيب اي شغله ثانيه غير التدريس

قلت يشوفون تخصصي عربي ويقولون ما ينفع العربي الا في المدارس

قالت اممم اي اي

قلت قدمت ع محرره في صحيفه بس للاسف ما انقبلت

قالت حلوو ماشاءالله تحبين تكتبين قلت اي قالت وش قلت اي شي يجي في بالي اكتبه

قالت والشعر

قلت اي بس الشعر الي ع قدي ... كم محاوله بسيطه

قالت لي وحده ثالثه تعرفين الحاسب قلت اي قالت لو دخلتي فصل ومافيه شي كيف بتخلينه

مهيئ للدراسه .. قلت اجيب وسائل تعلميه وهالحركات عشان انقل للطالبات صوره واضحه للدرس

لانه صعبه بس يعتمدون ع السبوره والي جنبي الموجهه تهز راسها مبسوطه

قالت لي تعرفين التشبيه قلت اي هو اللي يعطي صوره واضحه للكلام

قالت يلا شبهي ع استاذه صالحه >> تقصد الموجهه اللي جنبي .. قلت رايت استاذه صالحه

كالقمر في الليلة الظلماء

قالو الله الله يا استاذه صالحه

خلاص الحين استاذه صالحه تحط لك الدرجه كامله >> عاد انا متشققه وتقولي ابله صالحه ياعمري والله تسلمين و وجهها احمر يا حليلها

بعدين سالتني كيف استخدم التقنيه في التعليم قلت والله ماعرف كيف انا اسمع اللي درسو انهم يستخدمون هالحركات بس للاسف ما قد جربتها قلت تدرين انا تعليمي قديم يعني ما لحقت ع التعليم المطور

قالت طيب وش بعد .. يعني لا جيتي تشرحين الدرس ما تستخدمين معلومات خارجيه .. قلت الا طبعا لازم احضر واقرا كثير واعطي البنات معلومات خارجيه مو اتقيد بالدرس لازم اربط بالواقع والمواد الثانيه

المهم قامو كلهم وبقت استاذه صالحه قالت لي قومي ورحت معها مكتب .. قلت استاذه مو يقولون في ورقة مشهد مادري وش قالت لا ياعمري مافيه حاليا الاوراق مو عندنا عادي بنمشيك ياعمري لا تخافين

ومن مكتب لمكتب معها وكلمت كذا وحده معها

بالاخير قالت لي خلاص حبيبتي تطمني وكل شي تمام

اي صح وكانو يقولون لي استاذه >> حركات عاد انا تشققت ع كلمة استاذه


وبس هذا المقابله ... والكشف بس توقيع ختم صح صح ورجعنا الاداره مره ثانيه


واسفه ع التاخير والاطاله

ودي معك كرت العايله وبطاقة الاحوال حقتك اضمن

لانه انا اول اخذت كارت العايله ثمن قالت لي اعبي رقم البطاقه

قالت لي عندك بطاقه قلت اي قالت اي هذ احسن


واحتياط ودي من كل شي ثلاثه افضل

و يفضل تصورين كرت العايله والبطاقه الشخصيه

لانه انا اخذو مني البطاقه الشخصيه حقتي

اي تذكرت سالتني عن اسماء الاشاره

السلام عليكم ياحلوات أنا اختكم الغدير سويت مقابلتي يوم الأربعاءوخلصت الحمدلله تبون الصراحة أهل الخرج قمة في التعامل والأدب والبنات متعاوناتجدا وكأنك بين ناسك وأهلك بنات المطلوب فقط بطاقة العائلة صورة وأصل وهادة التخرجصورة وأصل واذا مافيه أصل عادي صورة طبق الأصل فقط واذا عندك خبرات جيبيهم صورةوأصل من كل صورة نسختين وملف أخضر علاق خلصت اجراءآتي بسرعة والبسمة على وجيههم وشتامرين وش تبين وبالنسبة للمقابلة الي تسويها حرمتين وحده في التخصص وحدة فيالتربية طبعا انا تخصصي جغرافيا الأسئلة كما هي :

من اشهر الرحالة المسلمين ؟ ابن بطوطة وابن جبير

عددي أعمال الإدريسي ؟ يعني ماأهم عمل قام به ؟ الخرائط

عددي قارات العالم واكتبيها ؟ معروفة لدى الكل طبعا
بالنسبةلللأسئلة التربوية طبعا كانت مختلطة بين التربوي والديني والعام مثل : مارأيكبالمظاهرات السلمية طبعا قولي لا أييدها ابدا ماأسباب الإرهاب طبعا ضعف الوازعالديني والعدوانية والتفكك الأسري وضعف الإنتماء إلى الوطن هذا رأييي طبعا ماآخرحدث فرحت به المملكة قريبا هو تولي خادم الحرمين سبع سنوات للحكم هذا بالنسبةللعامة اما التربوية فهي : عددي طرق التعليم الحديث كيف تعالجين ضعف احد طالباتكوكيف تعالجين ظاهرة المشاغبة ومارأيك بالعمل الجماعي ؟ وغيرها من الأسئلة المطلوبهو الثقة بالنفس . بعدها خلصت وعطوني ورقة تثبت اني اجتزت واخذت بعدها ورقةللمستشفى المستشفى قريب مرة خوذي كروكي منهم رحت للمستشفى توقعلك الدكتورة وهيطايرة حتى ماتسألك عن شي وبعدها رجعت لهم وعطوني ورقة مخالصة وقالوا خليها معاكلين نستدعيك ان شاء الله بعد اسبوع أوشهر بالكثير وسلامتكم أرجو اني افدت الجميع وشكرا وبالنسبة للنقل اختكم الغدير عندهانقل خاص يودي للخرج وانا ساكنة في الرياض حي الملك فهد مين تبغى تحجز تتفضل وبالتوفيق للجميع

بنات هل بيني وبينكم ثار؟؟؟؟؟
أسئلتي ولا وحدة تعبرني وتجاوب
على راحتكم