يابنات وشلون من الان نتفق على النقل واحنا ماحددوا لنا وين مدارسنا بالضبط يمكت مثلا وحدة تتعين في الرفايع والثانيه في حي من الاحياء اخر الحرج والرفايع قبل الخرج بمسافه اذا على كذا راح تتعبون كثير كل وحدة في منطقه في الخرج ومدرسه غير والله مشكله ليتهم حددوا مدارسنا في اي منطقه تابعه للخرج مثلا الرفايع ولا الفيصليه ولا الهياثم الشرايح مره كثيرة

أخت ليان الخالدية وش قصدك بالشرايح كثيرة وبعدين بنات هل لنا احنا بدل نائي علما باني توجيهي متوسط ثانوي الخرج

هلا ابنتي قلبي خلاص دام انا في نفس الحي وتخصص ابتدائي وتوجيهنا في الخرج أكيد بإذن الله يكون النقل مع بعض وحتى لو اختلفت المدارس فمدارس الخرج تكون قريبه مو بعيده عن بعضها مثل الرياض فياليت ترسلين لي رقمك على الخاص لان مشاركاتي قليله وما أقدر أرسل

شقاوي الشرقيه ان سكنتي الرياض بيذبحك اجارها الغالي والمواصلات ضعف السعر مرتين

استفيدي من هالمبلغ واجري داخل الخرج شقه بعماره جديده واثثيها من ايكيا اثاث عملي وبسيط وجيبي لها مكيف وكم جهاز بسيط ولا دوري شقه مركب راعي العماره فيها مكيفات ومطبخ

خذي ارقام مكاتب من موقع عقار سيتي اسهل لك كثير

الرياض زحمه وطرق يوميه وغاليه اجاراتها والمواصلات يوصل الى 1500

فكري قبل كثير هذي سنة ويمكن اكثر مو كم شهر تعبرين فيها

ولو تشتركون اكثر من معلمه في شقه تتساعدون في اجارها ترا اجاراتهم مو غاليه كل نص سنه 6 الاف او حتى اربعه

الله يحييكم بالخرج

انا من اهل الخرج وتعييني جا في حصاة قحطان الله يعين

ترى الخرج كل الخدمات قريبه لك لا تخافون