متى اخذتي الكشف ياشروقة الحب انا عطوني موعد بكرة بعد الظهر عادي اجي الصباح واخذة واسلمه للادارة

أخذته الأربعاء بعد الظهر والله اعلم ان النتائج على الصبح تكون موجوده لأني يوم صلحت الكشف أشوف بنات الساعه عشره اعطوهم نتائجهم والله اعلم

وينكم
الماسه
ورود الكون

طمنوننا عن المقابله والاوضاع هناك وشش صار

مساء الورد

انا رايقه الحين الحمد لله خلصت مقابلتي وعدت على خير
بحكي لكم وش صار معي


انا مقابلتي الساعه 12 وصلت هناك الساعه 10 ونص وما يلتزمون بالوقت الي تجي بدري تاخذ رقم وجلسنا نعبي بالاوراق الموظفات جدا رائعات وقمة الاخلاق وتحملو كثرة اسئلتنا بقول لكم وش تجيبون
جيبو ملفين اخضر (انا جبت واحد ومشتها) وصورتين من كل من :الوثيقه--كرت العائله--السجل الاكاديمي--
وجيبي صوره لخبراتك او دوراتك وكمان بطاقة الموعد الي طبعتيها وورقة الترشيح ففط

وبعدها طلعنا ننتظر المقابله المشرفات يتاخرون ما بدو قبل الوحده
جادوري دخلت وسلمت كانت فيه ثنتين كل الاسئله تربويه وعن طرقك الي استخدمتيها بالتدريس يوم درستي
وسالتني وش التقنيات الحديثه الي استخدمتيها
وعن رايك بالمناهج الحديثه
والمشكلات الصفيه الي واجهتك اثناء عملك مدرسه فقط هذا الي سألوني وما سألت في التخصص ابد

فيه بنات ثانيات عند لجنه ثانيه سألوهم عن الكسور وتكافؤ الكسور وتقريب الاعداد العشريه .......هذا الي عرفته


وبعد ماتخلصين تاخذين ورقة الكشف الطبي ومشهد الحضور وسلامتكم

ربي يسهل امورنا يارب