تسلمين يالغاليه بأبحث عنه

وبالنسبه للمقابله يوم الجمعه 6 مساء والله يستر ونتوفق جمعيا يارب

اللهم آآآآآآآآآآآآآآآمين

كوّيس ، ربّي يوفقنا وإيّاك
إيش تخصصك ؟؟

فيه أحد قابل تخصص رياضيات،يفيدنا الله يعافيكم ؟؟

،

ربي يوفقك الأمل القادم والجميع ماقصّرتوا ..

ومازلنا ننتظر المزيد من نماذج المقابلات لإثراء ثقافتنا التربوية ^^

بنات الله يوفقكم الي علوم ورياضيات تقولنا شنو الاسئله شايله هم المقابله حييييييل . الله يكتب لنا الخير جميعا.

الحمدلله خلصت مقابلتي بعد جهد جهيد موعدي الساعه 5وقابلوتي الساعه تسع ونص كان زحمه زحمه لان دفعه امس جو معنا لانه طفى عليهم الكهرب دوامهم ينتهي 7 وجلسو إلى عشر عشان يخلصون كل البنات وماتتكرر الزحمه بكره
اول مادخلت قالت عرفي بنفسك وبعدها اسألوني وكانو ثنتين يجننون وحبوبات
اسئلوني ماهي اول غزوه بحريه ؟ طبعا ذات الصواري
من هو النبي اللذي القاه قومه بالنار ? ابراهيم عليه السلام
متى توحدت المملكه ? قلت مايحضرني الجواب ههههه
التخصص
مايميز اقطار المعين ؟ انهما متعامدان
ما هي انواع الزوايا ؟ حاده قائمه متفرجه
السؤال الثالث نسيته. بس كيف اجد المتوسط بس نسيت. صيغه السؤال. الجواب اجمعهم واقسمها على العدد
التربويه
ماهي استراتيجيات التعلم ؟ العصف الذهني. التفكير الابداعي. البحث والاستقصاء. التعليم التعاوني

إذا صديقتك جاها. ظرف وطلبت منك الاداره تمسكين المنهج وش تقولين ؟ قلت إذا مجموع منهجها مع منهجي مايتعدى النصاب عادي قالت ليش تعرفين كم نصاب المعلمه قلت اي 24 قالت حلو
قالت إذا عندك طالبه ماتشارك شلون تخلينها تشارك قلت اتعمد اسئل اسئله سهله واقومها اجاوب دون ماترفع يدها واذا جاوبت امدحها واشجعها
وبس وعطوني الكشف قالو اكشفي بالرياض ولابالقويعيه بكيفك بس اهم شيء حكومي وجيبي النتيجه لنا. وبس الحمدلله
اي بعد سالوني لو شفتي الحاكم على خطاء كيف تنصحينه قلت انصحه بيني وبينه ههههه قالت الملك كيف توصلينه قلت هاه الملك قالت اي هل تسوين مظاهره مثل الدول الثانيه ثلت لا المظاهره مو اسلوب قلت طيب شتسوين قلت عن طريق الخطاب قالت ايي هههههه وبث اي سؤال أنا حازره