السلام عليكم
كيفكم ياليثيات ...
في في
كلمت الأخت اللي قلتلك تداوم من جده الليث
8 سنوات جده الليث لأنها أجنبية
ومبسوطة في دوامها تقول الحمدلله كثير كويس
صارت تعطيني معنويات وتقولي حلوة الليث وقريبة وووووو وانا في قمة التشاؤم وهي ماشاء الله تقولي تتكلم كأني تعينت في جدة
ولا تشيلي هم صارت تصبرني ... الباص ياخذ منها 1000
بالنسبة للقرى قالوا المجيرمة احسن من طفيل مع ان طفيل اقرب لجده لكن طفيل فيها تحويلة على الخط القديم ويضطر السواق يمشي مسافة فيه بس مااعرف كم لكن كلمت سواق يوصل لأضم وقالي أنا أعرف خط طفيل اذا دخلت السيارة هناك شاحنات وقالي أحسن المجيرمة والله وحده أعلم .. أنا لسه بتصل على سواقين وكمان فيه سواق ماقصر عرفني على أخته سبحان الله كيف ربنا ييسر الخير للإنسان .. اتصلت عليه لأن ملتقى التربية والتعليم في محافظة الليث حاطين رقمه في موضوع مثبت في المنتدى فقلت اتصل وأسأل السواق هو أعرف مننا اتصلت قلتله لو سمحت أي القرى في الليث أقرب على جده قال فيه المجيرمه وطفيل وسمى كم قرية
قلتله طيب ماتعرف أقربها وأحسن الطرق لأني أنا مااعرف شيء في الليث .. والله يابنات بكل احترام قالي (( اسمعي ياأختي .. أنا أختي من مكة وتداوم لبني يزيد يوميا ولها أربع سنوات وجاها النقل السنة هذه وراح أعطيك رقمها وتكلميها راح تفيدك في المعلومات اللي تبغيها لأنها عارفه كثير في الليث .. وأنا بصراحة مااأخفي عليكم مااأحب أكلم أحد من الباب للطاقة المهم قلتله لو تكرمت كلمها وقلها إني راح اتصل (( الله يسعده ويفتح له ابواب الرزق )) المهم ارسل الرقم رسالة واتصلت وكلمتني أخته احرجتني من طيبها صارت تقولي ولا يهمك ولا تعتبري نفسك إلا مع أخواتك ترى الليث حلوة وأهلها طيبين ولو احتجتي اي شي ماتطلبي الا من أختك عيوني لك ... يالله احرجتني وصرت ادعيلها وقالتلي لو نزلت المناطق في اختياراتك اتصلي علي وانا أساعدك وبعد كذا راح تتيسر أمورك
طمنتني عسى ربي يطمن قلبها ويحفظ بنتها وأخوها اللي عرفني بها ....
المهم يابنات أنا ذكرت هذا الكلام عشان تطمنوا قلوبكم زي ماأنا اطمنت شوية وربي يختارلنا اللي فيه الخير ياااااااااارب
السلام عليكم
كيفكم ياليثيات ...
في في
كلمت الأخت اللي قلتلك تداوم من جده الليث
...
يابنات طيب والمقابله الشخصيه وين بتكون والكشف الطبي لازم نتعاون وياليت نروح مع بعض وقت المقابله ناخذ جوله بالليث نتعرف علي منطقتنا الجديدة