مرضت وشفيت بإذن الله..عطوني رايكم

بنات حوا صارلي موقف الاسبوع الماضي وابغي رايكم ونصايحكم


بعد اسبوعين ان شاء لله زواج بنت عمي

فصلت فستان عند مصمم ... السبت الماضي عطاني المصمم الفستان مع انه مانتهى منه بس عشان اقيسه هل هو مضبوط او لا


خذت الفستان الغير مكتمل التصميم طبعا كانو معاي ثنتين بنات خالتي واختي ووبنات خالي والوالده الله يحفظها كانت موجوده


لبست الفستان وحده منهم قالت خصرج يجنن.........المهم.............

دخلت الغرفه عشان ابدل ..قعدت ابكي ...هذا اول شي صار وحسيت نفسي تعبانه .. بليل ماجاني نوم....لي كم يوم وانا ابكي طول الوقت وبكاااااء مر ومحد حاس فييني طبعا ماخبرت حد ماكنت ادري انها عين

انام وانا ابكي .. طول الوقت ابكي حزينه وضايقه وافكر في الانتحار الله لا تبلانا...وخصري يعورني.. اول اربع ايام سكتت وماخبرت احد.....وكنت اقول لازم اتصدق لازم اقوم الليل بسورة البقره بس ماسويت شي...خامس يوم الله هداني وتذكرت كلام الاخت الي قالت خصرج يجنن وربطت بين الم الخصر اللي اول مره يجيني وبين كلامها


المهم خامس يوم من الم الخصر غير طبيعي ومن البكااااااء المر آآآآآآآآآه ياقلبي كل ماذكر حالي احزن

قلت لهم ابغيكم تتوضون لي....الوالده الله يخليها يارب اعترفت وقالت انا عجبني عليج الفستان بس انا قلت تبارك الله بس وقامت وتوظت وكلهم بعدها توظو في سطل وبعدها اغتسلت بوظوءهم


بنات الحال تغير النفسية زااااااااانت مره كنت افكر في الانتحار راااااااح كل شي

الم الخصر راح الضيق راح ..................


بالله عليكم انصحوني ايش اسوي ...هذا والفستان بعده مانتهى منه المصمم.....



عن نفسي ماتدرون كيف فرحت يوم رديت لحالتي الطبيعيه ...الى الآن انا فرحانه تبدل حالي ورجعت طبيعيه

يعني لوماغتسلت بوظوءهم كنت لين اليوم بكااااء والم

الحمدلله على النعمة...........



بنااااااااااات انا افكر ما احظر زوااااج بنت عمي ...خلاص تعقدت والحين المصمم ينتظر اعطيه افكاري للفستان عشان يكمله وانا كرهت كل شي...؟؟؟


ويش السواة؟؟؟انصحوني؟؟؟؟