اكشفي في المستشفى عند دكتورة وخليها تعطيك العلاج المناسب
لاتساهلين في الأمر يمكن يكون شي خطير بعيد الشر عليك بإذن الله

سبحان الله انتي نفسي انا ياني عين على شعري لانه كان كثيف وايد وصار راسي يالمني كاني بموت خاصه لما اتحرك سرت عند دكتور اذن انف وحنجره قال التهاب وعطاني دوا وراح بس بعدين رجع بعد فتره بسيطه ويوم رجع سويت حجامه في الراس من فوق وسبحان الله راح الالم كله وطلع دم وايد من راسي وحسيت الضغط والالم كله راح في الحجامه شلت الدم الوصخ والعين تطلع مع الحجامه فانصحج تسوين حجامه بالايام الي الرسول صلوات الله عليه وصى فيهم 17 او 19 او 21 في هالايام يزيد الم الراس ومن تسوين حجامه كل السموم والسحر والعين تطلع مع الدم ... انصحج كل شهر سوي اهم شيء المنطقه الي تكون في وسط الراس هالمكان سنه الرسول وصى فيه طبعا لا تحلقين شعرج خلي الحجامه تلصق الكوب بالعسل

الاخت اللي معها صداع والم بالمعده
يمكن مكثره املاح عزيزتي روحي قيسي ضغطك

انصح نصيحة سوي حجامة وباذن الله ترتاحين معانة معا الشقيقة من ست سنوات وقبل رمضان سويت حجامة والحمد الله رتحت

اولا شوفي اذا السبب طبي يعني قيسي الضغط سوي فحص عيون جيوب انفيه انا سويت كذه بعد كذه اتجهت للرقيه وتحسنت لله الحمد
عانيت سنتين ما اتهنيت هذك الفتره بشيء وشيكي كمان عالاسنان لهن دور في الصداع