إغترآب ... @aghtrab_9

عضوة جديدة

مرض أخي والغربة والخيانة أرهقت كاهلي !!

السلام عليكم ورحمة الله وبركاته

بصراحة أنا ترددت كثير في طرح مشكلتي لكن بعد ما شفت تفاعلكم مع بعض حبيت أفضفض لكم وأن أجد حل لمشكلتي من الأخوات الحكيمات ..

أنا متزوجة ولسى ما كملت سنه من زواجي وأعيش خارج السعودية
مشكلتي انو قبل لا نسافر للخارج , كنا بالسيارة ورن جوال زوجي وارتبك وتردد وبالأخير رد وكان يتلعثم مو عارف وش يقول وصرف المكالمة وقفل . انا استغربت قلت وش فيك من هذا , قال زميلي . لكن ما مشيت علي وما نسيت الموضوع .. المهم بعدها بشهر سافر للخارج وبعد ثلاثه اسابيع سافرت عنده ومن ثاني يوم اكتشفت انو زميله هذا طلع "إمرأة" وواجهته وصارت سالفة وكنت راح ارجع مع ابوي لكن هو خاف لان ابوي موجود وجلس يحلف انها مو بنت انه رجال وانا مشيت السالفه عشان ابوي لا يروح وهو شايل همي ..
المهم في الأخير تأكدت إنها بنت وياما واجهته وياما صار مشاكل ومصر ع اني غلطانه ويحلف كذب ..
مرت الايام ورحت للسعوديه اغير جو وكان يكلمني كل يوم المهم صار مشكلة وكبر الموضوع وقررت إني أكلم امه واقول لها كل شي وفعلا كلمتها وتفاجئت وانحرجت وقالت ابشري باللي يرضيك راح اكلمه واتفاهم معاه , كلمته ورجع كلمني وراضاني ووعدني يغير رقمه وجاء اخذني وسافرنا وغير رقمه . لكن البنت ما زالت وراه وراه لازقه فيه كل ما سوى لها حظر طلعت رقم جديد . ويسوي لها حظر بالواتس وترسل ع الفايبر ..
انا اشوف واطنش لاني مليت من النقاش والمشاكل .. يكفي علي هم الغربة ومرض اخوي الله يشفيه والله مرضه اتعبني وكل ما شفت صورته بكيت الله يشفيه ..
واليوم تفاجئت انو محول ع حسابها 500 ريال !!
هي لازقه فيه عشان فلوسه لأنها ارسلت له (خسارة نسيتني بس لا تنساني من الفلوس) !!

واكتشفت انو علاقتهم من قبل خطوبتنا يعني العلاقة من قبل لا يعرفني وهالمرأة بالسعودية ..

انا انصدمت لأن زوجي محافظ ع صلاته بالمسجد ومحافظ ع قراءة القرآن وما أنكر إن فيه مميزات كثيرة الحمد لله , لكن هالشي كسر قلبي وما صرت اثق فيه مهما يقول لي ومهما يحلف ..

بس للأمانه هو يتهرب منها بس هي وراه وراه ما تتركه في حاله , لكن احيانا يعطيها وجه ويسولف معاها ..

أنا أخذ مانع حمل خايفه من الحمل بسبب هالظروف وزوجي يقول خلاص انا ابي عيال منك اتمنى لو طفل واحد منك .. انا واثقه انه يحبني وما يستغني عني ويوفر لي كل شي الحمد لله بس هالجرح مو راضي يبرى بجد تعبت من التفكير مو عارفه وش اسوي ..

بليز ابي حل من اخواتي الحكيمات ودعواتكم لي ربي يسعدكم ..

*أعتذر ع الإطالة لكن القلب مليان وأكتفي بذلك*

10K

يلزم عليك تسجيل الدخول أولًا لكتابة تعليق.

تسجيل دخول

ام يــارا الغامدي • 11 سنة

شلون يغير رقمه وهي تعرفه!!!!!!!!!!!

احلى 123 • 11 سنة

ياقلبيي عليك والله مدري شقولك اااهـ حزنت عليك

حقيره هالبنت وهو الله يهديه ليش يرسل فلوسه لها اكيد في اسالفه ان؟؟؟؟؟

ياصور مهددته والله اعلم

احلى 123 • 11 سنة

ام يارا وش هاصدفه ههههههههه

جنت حياتي محمد • 11 سنة

هلا حبيبتي قريت موضوعك وبسراحه من وجهت نظري ان زوجك واحد خاين وماينعاش معاه
الله ييسر امرك ويفرجها عليك اختي

إغترآب ... • 11 سنة

كنت متوقعه هالسؤال

جواله آيفون وإذا غير شريحته تبقى البرامج ع الرقم القديم إللي البنت تعرفه ..
أنا طلبت منه إنه يحذف البرامج ويحملها ع رقمه الجديد "طبعا قلت له بدون ما أحسسه بشي" لكن قال مو لازم .
وسوى لها حظر بالواتس وطلعت رقم ثاني وصارت ترسل له ع الفايبر وأحيانا تتصل ..

أدري مشكلتي معقده بس بليز ابي حل !!