مرض اسمه الخوف من الحسد

السلام عليكم

الموضوع ومافيه ان في ناس يقربولنا ودايما نروحلهم..
عندهم خوف مرضي من الحسد بشكل مو طبيعي
لدرجة ان خروجهم يكاد يكون ناااادر
ويككككرهوا احد يمدحهم او يمدح بيتهم يعني كأنك شتمتيهم
ولما احد يجبلهم هدية معناه عاملهم عمل ويتخلصوا من الهدية
وكلامهم كله عن فلانة حسدتنا وفلان حسدنا ولازم ناخذ من اثرهم وكده
واحنا ناخد الموضوع على انه مزح فقط
مو دي المشكلة
المشكلة انهم ليهم فترة متغيرين علينا
كلامهم رسمي معانا ومايحكولنا عن شي زي اول
يعني لما نسألهم فين رحتوا في الاجازة؟ يقولو ماخرجنا ولا مكان محبوسين في البيت
وبعدين نكتشف انهم ماخلوا مكان ماراحوه واتمشوا فيه.
لما نسألهم ايش حتلبسوا في الفرح الفلاني؟ يقولوا حنلبس من القديم اللي عندنا
بعدين نشوفهم في الفرح لابسين احسن شي
اخر مرة لما كنت عندهم بعد ماقدمولنا الشاهي دخلت المطبخ وفجأة
الاقي وحدة منهم مستقبلة الفناجين وبتشرب الفضلة حقتنا!!!!
ومرة كمان قدمولنا قهوة ورطب وانا ما احب الرطب ووحدة تصر اصراااار عجيب لازم تاخدي وحدة وبعد ما اكلتها شالت النوى وجري على المطبخ!!!
ومرة كنت بشرب مويه وحطيت الكاسة قدامي فجات وحدة مسكت كاستي وشربت منها عيني عينك بعد ماخلصت قالتلي: هادي كاستك معليش ما انتبهت!!!!
يعني حركات مرررة مكشوفة
طبعا انا جدددا اضايقت وجلست فترة ما ادخل بيتهم
وكل ما اقول لماما على الموضوع تقوللي ايش حنسوي يعني حنقاطعهم؟؟؟ واروح غصبا عني
انا نففففسي اعرف هما خايفين على ايه
اولا هما اعمارهم في ال 30 وال 40 ومو متزوجين
ثانيا لا شعر ولا بشرة ولا جسم ولا صحة عشان احسدهم
ثالثا احنا ماديا احسن منهم بكتييير والمفروض ان احنا اللي نخاف من عينهم!!
انصحوني كييييف اتعامل مع دي العيلة؟؟؟
اذا مادخلت بيتهم اطلع انا غلطانة ومقاطعتهم واذا رحتلهم يرتفع ضغطي؟؟؟