مرض - اعطوني الحل!💔

السلام عليكم خواتي
كيفكم ؟
ما بدي اطول عليكم ورح ابدا بالموضوع مباشرة
و لو اطلت في الكلام اسمعوني للاخر الله يفرج همومكم ..
انا بنت عمري ١٩ سنة
عندي التهابات مهبلية من مدة طويلة نسبيا
و عمالي بتعالجلها
بشعر بتحسن فترة العلاج و لما اتركه بيرجع كلشي مثل اول
رحت لدكتورة نسائية و فحصتني خارجي و قالتلي معك التهاب فطري واعطتني ادوية
تحسنت شوي بس بعد مدة عالفاضي رجع
و عدته يمكن مرتين
بعدها رجعتلها مرة ثانية و غيرتلي الادوية كلها
و نفس القصة
غيرت الدكتورة و قالتلي فطري نفس الاشي و اعطتني ادوية و نفس القصة
انقطعت فترة منيحة
و رجعت للدكتورة الاولى فقررت تعملي مسحة و فحص بول
و طلع معي التهاب بكتيري مش فطري فاعطتني دواء
و تحسنت كثير اكثر من قبل
بس برضه ما شفيت نهائي
ولما قطعت رجع زاد عن اول
و رجعتلها عملتلي المسحة و فحص بول كمان مرة
و حولتني ع دكتور مسالك بولية
صارت تقلي انه الرحم عندي نظيف و الالتهاب خارجي و هو بالبول
رحت لدكتور المسالك و صورني صورة التراساوند ملونة
و طلع كلشي عندي نظيف و سليم
فقلي انه انا مناعتي ضعيفة جدا لهيك البكتريا النافعة في الجسم استقوت علي و ضرتني وعندي بكتيريا خارجية ممرضة برضه
اعطاني ادوية و اعطاني دوا مناعة لمدة ٣ اشهر
و تحسنت برضه
كثير لدرجة اني حسيت كمان شوي راح اشفى تماما
بس برضه ما راح ! لساتني ببحس باعراض الحرارة و الإفرازات الزايدة والحكة المزعجة و الروائح الكريهة
رحتله كمراجعة و عملي فحص بول و زراعة بول
و طلع نظيف ١٠٠% وما في اشي بكتيري بس في فطري * كانديدا*
بس قلتله لسة في اعراض
فاعطاني كبسولات ديفلوكان
وحكالي بعدها بروح كله ان شاء الله اخذتهم و بعدني ما تعافيت !
راجعته
قلي انا لهون مهمتي انتهت
ارجعي لدكتورة نسائية و شوفي الموضوع
يا ربي انا زهقت روحة على الدكاترة و ادوية بلا فائدة
مصاريف بلاوي و وقت بروح كله عالفاضي
و جربت اشياء طبيعية كثيرة
غسول المي والملح ، شرب الحلبة والبابونج ، غسول الخل والمي
و عالفاضي
شو اعمل ! شو الحل ! والله يئست و ما بقي عندي ذرة أمل
الاكتئاب قتلني
و المرض اتعبني واذبلني
ماذا عساي بفاعلة !؟
الى متى ؟ ومتى ستنتهي هذه المعاناة
حباً بالله ساعدنني و فرجن همي
لعل الله يفرج همكن 😔😔