مرض الغيره .. بنت خالتي؟

صباح الخير عليكم جميعاً..
كيفكم؟ .. بنات ببداء بموضوع حساس شوي بيني وبين بنت خالتي
هي افضل مني بس ما اعرف ليه تغار مني ؟؟؟
هي جامعية وانا لا
زوجها موظف حكومي وانا شركه
ساكنه بدور اجار وانا بشقه اجار
جسمي وجسمها نحيفات ..
المشكلة الآن وين ؟
تزوجت قبلي واصلاً هي اكبر مني ب ٥ سنوات تقريباً وفرحت لها وشريت لها هديه بس من تملكت تغيرت ٣٦٠ درجه صارت مغروره بشكل ...
ماكنت مهتمه كثير لان عندي بنات خالات بنفس سني وكنا قروب واحد اصلاً .. لكن هي تغيرت علي وتقربت من صديقة عمري بنت خالتي الثانيه اللي بيني وبينها سنه ونصف وغيرتها كثير علي .. برضو ماهمني شيء لان اللي يبيني مايتركني ..


انفصلت بعد زواج دام سنتين ونصف وانا تزوجت بفترة طلاقها .. اذكر بعشاء زواجي بعد شهر ( عادة سعودية ) .. جايه لنفس المشغل اللي انا جايه له عشان تشوف وش اسوي 😳 .. والله ماكنت مركزه بس وحده من خالاتي علمتني بهالشيء ولا انا ماقد فكرت بهالشيء .. اذكر سحبت لون وصبغت شعرها صبغه حلوه قبل العزيمه بيوم احس كان ودها تاخذ الاضواء مني ما اعرف؟؟ عموماً عديت الموضوع وبنات خالاتي يضحكون في بينهم مستغربين ليه هاذي تسوي كذا ..


بعدها صارت مواقف كثير عاديه لكن يوم ولدت نشبت لي نشبه الحياه .. جهزتي؟ وش شريتي خلطات؟ من عند مين؟ ( اصبغي شعرك سوي كذا سوي كذا سوي بروتين سوي مدري وش .. كنت اتناقش معاها على بعض الاشياء يناسبني او مايناسبني ..
بعدها تزوجت بفترة نفاسي وطلبت مني مسكة زواجي وعطيتها اياها ( ورد صناعي) وهي لها الحين اعتقد سنتين متزوجه وباقي مارجعتها مع انه كم مره اسالها عنها ابيها لاني ..
دااااايم تسأل البنات عني ما ادري ليش ماتوجه السؤال لي .. تسأل البنات .. روان مسويه بروتين ؟؟ روان مسويه جلسه نظاره؟ شيء غريب والله ووحده من خالاتي تعاملها بنفس معاملتها لي تسال عن اشياء شخصيه يعني ..
والله مستغربه انا وش فيها كذا؟
اخر شيء قبل ٣ ايام صورت برنامج يبي يتعاون معاي لخالاتي وبناتهم ( لي حساب معروف بانستقرام ) .. كلللللهم يباركون ويدعون لي بالتوفيق ومبسوطين لي الا هي ولا تعليق .. وللمعلوميه هي كانت صديقتي قبل واعرف تفكيرها زين كان فيها نوع من الحسد تنقهر اذا تزوجو البنات قبلها .. شيء غريب والله :(