مرض امي .........وايماني

استغفر الله

والله انا ماقولك بسس بنصحك نصيحة انا كنت مثلك من ناحية النفسية وعدم التحمل بديت اكثر من ذكر الله استغفار والصلاة علي النبي اللهم صلي عليه وسلم ولاحول ولاقوة الابالله ولا اله الا انت سبحانك ان كنت من الظالمين والتسبيح والتهليل والتكبير والحمد وصرت لازم كل يوم لي حزب من القران ورد لي اقسم بالله ياختي ان اول كنت اقرا القران ماحس بالي يتكلمون عنه خشوع وراحت وتتدبرين الحين اوقات اجلس ساعه وانا مادري عن نفسي والحمدلله تحسين ربك يكلمك مثل ماقال واحد من السلف اذا اردت ان اكلم الله صليت واذا اردت ان يكلمني قرات القران ....

واكثر من لاحول ولاقوة الا بالله وتوكلت علي الله وحسبي الله ونعم الوكيل خلي لك تقريبا جدول كل يوم ١٠٠ مره تقولين من الي ذكرته هذا

ونصيحة لوجهه الله لاتتركين النوافل بعد الصلاة في قرب من الله وراحة اول بديت الموضوع كنت اتقرب وكذا عشان ينفرج همي وتنحل مشكلتي مع الايام اقسم بالله ان صرت نسيت همي ومشكلتي حتي توقعت بالعيد ماافرح والله الحمدالله الي يشوفني يقول هذا ماكان كان عندها مشاكل ....

وشوفي مشكلتك غيرك حاول دايم تناظرين للي اسوا منك حال حتي لو قلتي مافي اسوا وكذا ماعليه حاولي لحد ماتصيرين نظرتك كذا

وصلاة الليل ناجي ربك وقولي له وادعي ربك ....

وكل يوم تصدقي لك لو بشي بسيط مثل الخدمة الجوال للايتام او القران ...

واكثري من دعا الهم والحزن واهم شي بالموضوع هذا كله ثقتك بربك قويه

وانتي تقولين الكلمات الادعية استشعريه ماعرفتي تستشعرينه مثل انا قبل كنت كذا صرت ادخل وادور شرحها ومعانيها ...

صارت الكلمات تطلع من القلب ...

والله لو نقرب من الله بقلوبنا مو بسس صلاة واستغفار واعمال من دون قلب هذا ماراح تفيدنا ابدااااا

وادخلي المنتدي القسم هذا كل يوم او يوتيوب مقاطع عن الصبر عن وصف الجنة عن اشيا تخليك تقولين يارب الدنيا ماتسوي بسس ابغي جنتك قسم بالله

حاولي بكل شي وحركة تستشعرين وجد الله معك يعني بتاكلين تشربين تبين اي شي كله له دعاء وقوليه الادعية حقته وانت محتسبه الاجر من الله وفي سبيل مرضاته بسس


واي ذنب كل يوم صباح وليل جددي توبتك لان مع تجديدك للتوبة كل يوم بتحسين ان خلاص افعالك واقوالك كله لله وبما يرضيه وبتصيرين وانت تمشين تحسينه معك

وتذكري اذا جيتي بتذنبين انك بارضه ومن رزقه تاكلين وهو خالقك بتخافين قبل لاتسوينه

واكثري من ذكر الله وبتلقين السعاده والهناء وراحة البال

والله هذا من واقعي انا كنت وحده لي ذنوب ولي اشيا وكنت ماحس بالسعاده ولا الحياة والله لي الحين شهرين ونص تغيرت حياتي صرت احب انصحك

والله يشفي امك ويخليه لم ويرزقك الذرية الصالحه ويفرج همك

اسفه ازعجتك بكلامي ممكن يكون شي مو جديد بش الي كتبته من قلبي لان شفت اثره بحياتي

جزاك الله خير يام ريم
ماتعرفين وش كثر كلامك ريحيني

الله يفرج همك ويشفي امك ويرحم امي ويدخلها فسيح جناته

الله بجزاك الجنان يام ريم

فعلا اطلبي رضاه ----وانتي مثل وضعي

امي مريضه وطايحه وانا امنيتي اتزوج واجيب بنت --لما اشوف كل اللي حولي متزوجات ومخلفات تجين هموم الدنيا-----لاكن ماقول الا الحمدلله