مرض بنتي المفاجئ بدون سوابق

السلام عليكم هذي اول مشاركه لي في المنتدى حبيت اشارككم قصتي وتطمنو قلبي إذا فيه احد منكم او من معارفكم صار معها مثل اللي صار لبنتي وهي عمرها سنه وأربعه شهور
في يوم كنت نايمه وهي بحضني كا لعاده صحيت مفجوعه ع بنتي اللي فاتحه عيونها بشكل مخيف وتشاهق كنها تشوف شي مو كويس وجيت احضنها مارضيت طبعا انا كنت مرعوبه ومو مستوعبه لأنه نمت وهي مافيها شي ٧ الصبح وهذا الشي صار ١١ الصبح المهم بقيت حول ٣ دقايق ورجعت لطبيعتها وماكأنه صار لها شي اكلت طبيعي ونامت والساعه ٢ الظهر كمان رجعت لها نفس الحاله ودقايق ورجعت عادي المهم وديتها المستشفى فحصوها لافيها حراره ولاشي وكانت تلعب قال الدكتور حرام نعرضها لاشعه ومافيها شي ممكن شافت كابوس المهم رجعت البيت وانا خوف الدنيا بقلبي لا ترجع لها الحاله قالت صديقتي وديها شيخ المهم نمت معاها و٢ الفجر رجعت الحاله بس طولت مره للفجر وانا قلت اكيد مس الحل عند الشيخ بعد مالمستشفى طمني موعد الشيخ كان ١٢ الظهر انا بعد الفجر نمت مع بنتي طبيعيه وصحيت الساعه ٨ كانت متيبسه ولاتفتح عيونها ف طلعت لبيت الشيخ وكان بعيد المهم وصلنا وقرا عليها ايتين والبنت تقلبت عيونها وأذن راح يصلي ماكمل قراءه وهي زرقت وارتفعت حرارتها ودقينا ع الإسعاف والله واحد من جماعتنا كان يسوي لها تنفس لين وصل الإسعاف ونوصل المستشفى قالو حرارتها عاليه وتتشنج وسكرها ٣٥ ولا راضي يتوقف التشنج ولا تنزل الحراره قالو ممكن التهاب الساحايا طبعا انهرت من خوفي عليها فجأه خدروها تخدير كامل وحطوها ع جهاز تنفس قبلها ب ساعات وهي تلعب مافيها شي كيف صار كل هذا مدري المهم خذو خزعه من ظهرها واتضح انه ماعندها التهاب السحايا وبقيت ١١ يوم ماعرفو مرضها ولا وقف التشنج لانه كل ماسحبو المخدر ترجع تتشنج ولاسيطرو ع الحراره فقرر المستشفى نقلها ل السعودي الألماني وهناك بعد ٣ ايام قالو عندها التهاب فيروسي في الدماغ وبقيت ٤ شهور لحد مااراد الله ورجعت عافيتها بعد ماقالو حالتها ميؤس منها ورجعت بنتي كنها مولوده لا تحرك رقبتها ولا تعرفني ولا تتكلم بعد ماكانت تمشي وترقص وتلعب وذكيه جدا سبحان الله ورجعت بالتدريج تتحسن اليوم بعد ٨وشهور صارت تجلس وتمشي بالمشايه وتعرفني بس ماعندها تركيز وماتقدر تمسك الاشياء وماتنطق ولا توقف اللي اتمنى اعرفه منكم هل شفتو مثل حالتها ورجعو طبيعي زي ماكانو