مرض والدتي الله يشفيها

بسم الله الرحمن الرحيم

اولا انا عضوة جديدة واتمنى ان تقبلوني اخت لكم


موضوعي

هو ان والدتي مريضة جدا اسأل الله رب العرش العظيم ان يشفيها ويرفع عنها

ويشفي مرضى المسلمين اجمعين امين

والدتي مريضه بالسكر من اكثر من 20 سنة في البداية كانت تتعالج بالانسولين وبعدها تركت العلاج وبدأت تتعالج بالاعشاب المهم من فتره طاحت في البيت واصابها جرح داخلي وترجيتها انها تروح المستشفى ارفضت قالت الله هو الشافي سبحانه وتطور الامر إلى ان صارت في رجلها غرغرينة واقنعتها انها تتعالج بعد قالت الله هو الشافي عزوجل

المهم اقنعناها ودخلت المستشفى قالوا ان كل شيء في الجسم نازل البروتينات والاملاح والفيتامينات وكل شيء دون المستوى الطبيعي

ثاني يوم وقف قلبها لمدة عشر دقايق وصحت وخدروها وبعدها بكم يوم صحت والدكاتره قرروا بتر الرجل من تحت الركبة سافرنا تايلاند ودخلناها المستشفى الملكي وتحسنت كثير الحمدلله والدكاترة قالوا نفس الكلام ان الرجل لازم تبتر هي ارفضت قالت سبحانه يحيي العظام وهي رميم يحييها إن شاءالله وقعدت فتره هناك وقالت رجعوني بلادي حاولت انا واخواني انه احنا نقنعها والدكاترة قالوا دامها رافضة مانقدر نجبرها على شيء وانتوا مو من حقكم تقررون عنها

هي موجودة عندي في البيت وقلبي يتقطع عليها وقالوا
جيبوا احد يقنعها ماخليت حد اعرفه الا وماخليته يكلمها حتى الداعايات جزاهم الله الخير اقنعوها

وللاسف نفس رفضت

تدرون يااخواتي اني مالي في الدنيا الا الله سبحانه ثم هي
ماادري اشلون اتصرف والغرغرينة قاعدة تسري في رجلها والدكاترة يقولون لازم بسرعة تقطع من تحت الركبة والا اذا ارتفعت اكثر راح نضطر نقطع الرجل كاملة وهذا مو في صالحها يقول الدكتور راح نركب لها رجل صناعية وراح تمشي بإذن الله

ساعدوني الله يوفق لكم لاني خلاص احس اني راح اخسر شمعة حياتي

الله يخلي لكم والديكم ويغفر لكم:06::(:icon33::mad: